مش ممكن المانافولد التانى باظ !!!!!!!!!!!!

**meda2711** · 07-10-2011 02:06 AM

انا هشوف كده بكره الصبح وهكلم الميكانيكى بتاعى وهكلم قطب وهشوف

شكرا جدا ليك يا جوزيف على مساعدتك ليا

**meda2711** · 07-10-2011 11:36 PM

كلمت قطب الصبح وحكتله الموقف قالى هاتلى المانافولد ده والقديم وهنشوف الاحسن فيهم ونشغله روحتله بيهم فاختارلى اللى هو الاخير و ادانى القطعة اللى عاملها الومنيوم وشكلها متينة جدا وقالى على طريقة تركيبها علشان اقولها للميكانيكى اللى العربية عنده وقطملى الجزء ده من المانافولد علشان اركبها على طول

وبالصدفة كانت عنده عربية عاملها التعديل ده و وراهالى يعنى العيب ده منتشر جدا فى فورد فيستا الموتور ال Endura-E وبنصح اى حد معاه الفيستا دى بنفس الماتور يكشف على المانافولد كويس ولو لقا الجزء بتاع الحساس والماية هيدوب او بيسرب ماية يصلحه علشان ده لما بيعملها فى الطريق ببيبقى لازم تقف وتشيل على ونش او تقطرها ملهاش حل تانى

**egyptiandiver** · 08-10-2011 12:16 AM

ربنا يخلصك من الفيلم دة على خير ان شاء الله

**aYaBooY** · 08-10-2011 09:49 AM

طيب الحمد لله على سلامة المحروسة

**meda2711** · 09-10-2011 12:56 AM

المشاركة الأصلية كتبت بواسطة egyptiandiver

ربنا يخلصك من الفيلم دة على خير ان شاء الله

ربنا يخليك يا غالى

**meda2711** · 09-10-2011 12:59 AM

المشاركة الأصلية كتبت بواسطة ayabooy

طيب الحمد لله على سلامة المحروسة

الله يسلمك يا جو
والشكر ليك انك دلتنى على الطريقة الاحسن انى اصلح بدل ما اتغرم تمن مانافولد جديد والتصليح ده بجودة احسن من حتى المانافولد الجديد

انا لسه مستلمها من شوية واتعملها جوان وش سلندر و رجعت الحرارة لاصل العربية وشلت الترومستات اللى كنت عاملها دى بتاعت ال 128

وهجرب وان شاء الله خير وان ان شاء الله قريب اوى هروح بيها لقطب يشوفها بقى ويشوف بقى لو مظبوطة ولا هو شايف حاجة محتاجة ظبط

**aYaBooY** · 09-10-2011 01:01 AM

بص بما انك شلت ترموستات الـ 128 يبقي متتخضش من مظر عداد الحرارة هاتلاقيه تقريبا في الزحمة بين حرفي a & m متتخضش ده العادي

**meda2711** · 09-10-2011 01:10 AM

المشاركة الأصلية كتبت بواسطة ayabooy

بص بما انك شلت ترموستات الـ 128 يبقي متتخضش من مظر عداد الحرارة هاتلاقيه تقريبا في الزحمة بين حرفي a & m متتخضش ده العادي

اه مانا عارف ما هو ده اللى كان بيحصل معايا قبل كده من ساعة ما جبت العربية هو الموضوع انى مكنش عاجبنى بس انها توصل للدرجة دى بس فى الاخر هو ده الطبيعى ولازم تبقى كده خصوصا بعد ما الجزء اللى كان يتخاف منه بقى الومنيوم مش فبر