لمبة ال check engine نورت فى الجين ....ارجو المساعدة

السلام عليكم
انا لمبة فحص الموتور نورت عندى للمرة التانية
وهى لما نورت اول مرة روحت لتوكيل عصام وصفا وحللولى المشكلة واتطفت
والكلام ده فى اقل من 5 دقائق

وسألت عن المشكلة قاللى لأ مفيش حاجة ممكن يكون حصل miss fire
والصراحة انا معرفتش ايه اللى حصل بالظبط
وكان فيه كام حاجة بسيطة كده بعملها مع اللمبة دى ودفعت حوالى 500 جنيه

وسألت واحد كان معاه جين 2 برده زيي وكان بيعمل صيانة على حوار اللمبة ده
وقالى ان هما قالوله فى التوكيل قبل كده ان انت بعد ما تدور متتطلعش بالعربية غير لمل الصفارة اللى بتصفر دى تخلص

وامبارح فعلا الطريق كان واقف وبطلت العربية وفجأة الطريق مشى روحت دورت ومشيت مرة واحدة راحت اللمبة نورت ساعتها

فقولت اسأل هنا ايه حل المشكلة دى بدل ما اروح التوكيل وادفعلى فلوس تانى فى مشكلة مش حاسس بيها فى اى حاجة فى العربية غير ان اللمبة منورة
يعنى العربية ماشية معايا زى الفل ومش حاسس بأى فرق خالص

وللعلم انا فصلت البطارية امبارح على امل ان هى تروح وفضلت زى ما هيا

طيب روح احسن مركز عصام الصفا وسيبك من التوكيل وان شاء الله تبقى حاجة بسيطة

سيب تانك البنزين يفضى على الاخر لحد لما لمبة البنزين تنزر وفول من جديد من محطة بنزين نضيفه 92 وماتسيبش العربيه تفضى بعد النص افضل بعد كده وان شاء الله هتطفي لوحدها

انا نفس المشكلة عندي برده ... اللمبة بتيجي وتروح اول لما ابطل العربية واريحها مثلا ربع او نص ساعة ... بس مش بتظهر غير على الطرق السريعة ولما اقرص على العربية حبتين في السفر .... بس الغريبة ان اول ما ظهرتلي العربية كانت ما بتنقلش الغيار وكان صوت الماتور عالي اوي على السرعات البطيئة وبعدين يهدى شوية على السرعات العالية ... لسة اول امبارح كنت في الحرفيين ورحت كشفت عند واحد اسمه عسكر فحصها عالكمبيوتر قاللي فلاتر عاوزة تتغير .. وبوجيهات ومش عارف ايه ... اخد 50 جندي في دقيقتان ومشي ... بس لاقيت واحد جنبي عنده جين 2 برده .. لما سالته قاللي انه جاي علشان نفس المشكلة وانها من سنسور كدة موجود في العربية بيخليها بتسحب بنزين جامد بس مش بتاثر على اي حاجة ... عموما انا هروح ان شاء الله مركز عصام صفا واغير الزيت واخليهم يفحصوها هناك افضل ...
اسف على الاطالة بس سؤال ؟؟ هوة لما البنزين يقرب يخلص بيديني انذار او لمبة بتنور لان عندي مرة فضلت ماشي وما لقيتش الا ان العربية تقلت ووقفت فجاة ... لقيت ان البنزين خلص والحمد لله قدرت ادبر نفسي فزعلت ان ازاي العربية ما عملتش صفارة ولا حاجة ؟؟؟؟

متخليش البنزين يخلص تاني لأن كده غلط علي طرمبة البنزين بيضعفها حاول متخليهوش ينزل عن نص التانك او علي الاقل الربع ,وكنت سمعت معلومة لو الواحد واقف مش اكتر من دقيقتين ميبطلش الموتور ده المستحب بس مش عارف الحكمة من كده ايه

اقتباس:

---

المشاركة الأصلية كتبت بواسطة windsofchange

متخليش البنزين يخلص تاني لأن كده غلط علي طرمبة البنزين بيضعفها حاول متخليهوش ينزل عن نص التانك او علي الاقل الربع ,وكنت سمعت معلومة لو الواحد واقف مش اكتر من دقيقتين ميبطلش الموتور ده المستحب بس مش عارف الحكمة من كده ايه

---

دا انا على طول بخليه يخلص لغاية ما يوصل تقريبا للصفر وبعدين بفول التانك كله ... مش عارف جه في بالي ان اخلص من القديم وامون جديد :majd(4):يعني كدة غلط ولا صح ؟؟؟

اقتباس:

---

المشاركة الأصلية كتبت بواسطة a7mednour

بس لاقيت واحد جنبي عنده جين 2 برده .. لما سالته قاللي انه جاي علشان نفس المشكلة وانها من سنسور كدة موجود في العربية بيخليها بتسحب بنزين جامد بس مش بتاثر على اي حاجة ... عموما انا هروح ان شاء الله مركز عصام صفا واغير الزيت واخليهم يفحصوها هناك افضل ...
اسف على الاطالة

---

هو فعلا العربية بتحرق بنزين اكتر من الاول
يعنى ممكن يكون فعلا السينسور اللى بتقول عليه ده
ولو روحت لعصام وصفا وحلولك المشكلة يا ريت تقولى عشان انا مش ناوي اروح دلوقتى خالص

السلام عليكم

نحب نعرف بس شويه معلومات من حضرتك
* العربيه موديل كام لو قبل 2008 في تعديل كان بيتعمل في التوكيل لتخفيض رقم الأوكتان في وحده تحكم العربية (على ما اظن العربيات اللي قبل 2008 كانت بتبقى مظبوطه على 94 حاجه كدا وهنا بيقللوا الرقم دا لــ 92 )
* العربيه مانيوال ولا أتوماتيك او مانيوال حضرتك واثق أنك بتطلع كويس (العربيه ما بتنتش منك)
* الموضوع بيحصل معاك بعد التموين من بنزينه معينه يبقى تغيرها أو تغسل التانك بس خالي بالك من موضوع فك التانك دا لأنوا موضوع هم
* أخر ميعاد كان لتغيير لبوجيهات عدا عليها 20 ألف كم أو سنة

اقتباس:

---

المشاركة الأصلية كتبت بواسطة moamen_badboy

هو فعلا العربية بتحرق بنزين اكتر من الاول
يعنى ممكن يكون فعلا السينسور اللى بتقول عليه ده
ولو روحت لعصام وصفا وحلولك المشكلة يا ريت تقولى عشان انا مش ناوي اروح دلوقتى خالص

---

ان شاء الله اول ما اروح خلال يومين هرد على حضرتك ... بس تقريبا السنسور ده عبارة عن سلك وفي اخره زي طبات ... الراجل وراهولي وتكلفته كانت 350 جنيه

اقتباس:

---

المشاركة الأصلية كتبت بواسطة moamen_badboy

هو فعلا العربية بتحرق بنزين اكتر من الاول
يعنى ممكن يكون فعلا السينسور اللى بتقول عليه ده
ولو روحت لعصام وصفا وحلولك المشكلة يا ريت تقولى عشان انا مش ناوي اروح دلوقتى خالص

---

اقتباس:

---

المشاركة الأصلية كتبت بواسطة mohamed.kader

السلام عليكم

نحب نعرف بس شويه معلومات من حضرتك
* العربيه موديل كام لو قبل 2008 في تعديل كان بيتعمل في التوكيل لتخفيض رقم الأوكتان في وحده تحكم العربية (على ما اظن العربيات اللي قبل 2008 كانت بتبقى مظبوطه على 94 حاجه كدا وهنا بيقللوا الرقم دا لــ 92 )
* العربيه مانيوال ولا أتوماتيك او مانيوال حضرتك واثق أنك بتطلع كويس (العربيه ما بتنتش منك)
* الموضوع بيحصل معاك بعد التموين من بنزينه معينه يبقى تغيرها أو تغسل التانك بس خالي بالك من موضوع فك التانك دا لأنوا موضوع هم
* أخر ميعاد كان لتغيير لبوجيهات عدا عليها 20 ألف كم أو سنة

---

بعد اذن صاحب الموضوع .. لان المشكلة طبعا واحدة ارد على التشخيص

انا عربيتي موديل 2009
العربية اتوماتيك وطلعتها ماشاء الله كويسة ... بس انا بحس انها بتنتش جامد وتعبانة لما اطلع من غير ما اسخن العربية لغاية 90 غير الاول ... بس لما اسخنها واطلع ماشاء الله كويسة...

مش فاكر الصراحة اخر ميعاد امتى لاني شاريها مستعمله وصاحبها ناسي وانا معتمد اني كمان يومين ان شاء الله رايح عصام صفا اغير الزيت وافحصها من اولها لاخرها واللي عاوز يتغير اغيره

وان شاء الله مايكونش في مشكلة كبيرة..

اقتباس:

---

المشاركة الأصلية كتبت بواسطة a7mednour

دا انا على طول بخليه يخلص لغاية ما يوصل تقريبا للصفر وبعدين بفول التانك كله ... مش عارف جه في بالي ان اخلص من القديم وامون جديد :majd(4):يعني كدة غلط ولا صح ؟؟؟

---

كده مش صح إلا لو حسيت مثلا ان البنزين اللي مونته من البنزينة الفلانية مش مأدي كويس والعربية مثلا سقفت منه وبرده متنزلش عن ربع التانك عشان متبوظش طرمبة البنزين ومتخشش في حوار تغيير طرمبة لأن للاسف ناس كتير من الصنايعية بيصلح حاجة بيبوظ حاجة جنبها (غيرت الطرمبة عندي وبوظللي العوامة اللي بتديك قراية البنزين فالعداد ولغاية دلوقتي مش عارف اجيب زيها وماشي بعداد الرحلات trip معنديش عداد بنزين)

اقتباس:

---

المشاركة الأصلية كتبت بواسطة windsofchange

كده مش صح إلا لو حسيت مثلا ان البنزين اللي مونته من البنزينة الفلانية مش مأدي كويس والعربية مثلا سقفت منه وبرده متنزلش عن ربع التانك عشان متبوظش طرمبة البنزين ومتخشش في حوار تغيير طرمبة لأن للاسف ناس كتير من الصنايعية بيصلح حاجة بيبوظ حاجة جنبها (غيرت الطرمبة عندي وبوظللي العوامة اللي بتديك قراية البنزين فالعداد ولغاية دلوقتي مش عارف اجيب زيها وماشي بعداد الرحلات trip معنديش عداد بنزين)

---

طيب بخصوص لمبة الانذار بتاعة البنزين ... المفروض انها تنور او تزمر على الاقل علشان اعرف ان البنزين لازم يتغير ولا ايه ...انا معنديش كدة .. المفروض في كل العربيات كدة ... ولو هي مش شغالة دي كهربائي يظبطها ولا التوكيل وخلاص ...
حاجة تانية برده من باب العلم بالشيء في علامة جرس وبنزينة وحاجة زي قطارة زيت في تابلوه العربية دول وظيفتهم ايه علشان لو طلعوا الواحد ما يخافش...
تقبل تحياتي...

واضح من اللي فهمته من الموضوع انك مش بتعمل صيانات دورية بانتظام .

اللي انت بتعمله في موضوع تفويل البنزين غلط جدا جدا جدا
لازم ما تسبش البنزين لما يفضى و بعدين تفول ... انت كدا بتضعف الطرمبة و بتاثر عليها و بتأثر على فلاتر البنزين طبعا و كمان الرشاشات لانك بتنتظر لغاية ما توصل للشوائب .

مفيش صفارة للبنزين
و لكن فيه مؤشر لونه برتقالي بشكل ماكينة البنزين اللي في البنزينة بينور لو البنزين فاضله 10 لتر و يخلص تقريبا .
لو مش بتنور عندك يبقى انت عندك حاجة مش مظبوطة (ممكن تكون اللمبة بايظة او حاجة )

و لكن انت مش محتاج اللمبة في حاجة

مون على طول و انت على النص و انت تبقى في السليم حتى ما تحسش بمبلغ التموين الكبير و انت بتفول التانك كله مرة واحدة .

ياريت تشتري منظف رشاشات على الاقل كل 1000 كم و تستخدمه لتنظيف الرشاشات للحفاظ عليها .


بالنسبة للمؤشرات التانية الخاصة بالزيت طبعا معناه انها مرتبطة بطرمية الزيت و دورة الزيت و لو نورت يبقى انت عندك حاجة في دورة الزيت ... زيت ناقص مثلا

ممكن توضح ايه هي لمبة الجرس دي ؟؟ او تاخدلنا صورة لها !

اقتباس:

---

المشاركة الأصلية كتبت بواسطة mohamed.kader

السلام عليكم

نحب نعرف بس شويه معلومات من حضرتك
* العربيه موديل كام لو قبل 2008 في تعديل كان بيتعمل في التوكيل لتخفيض رقم الأوكتان في وحده تحكم العربية (على ما اظن العربيات اللي قبل 2008 كانت بتبقى مظبوطه على 94 حاجه كدا وهنا بيقللوا الرقم دا لــ 92 )
* العربيه مانيوال ولا أتوماتيك او مانيوال حضرتك واثق أنك بتطلع كويس (العربيه ما بتنتش منك)
* الموضوع بيحصل معاك بعد التموين من بنزينه معينه يبقى تغيرها أو تغسل التانك بس خالي بالك من موضوع فك التانك دا لأنوا موضوع هم
* أخر ميعاد كان لتغيير لبوجيهات عدا عليها 20 ألف كم أو سنة

---

العربية موديل 2007 ومانيوال
وانا بصراحة مش عارف ايه رقم الاوكتان ده
والعربية بتتطلع كويس مفيش مشاكل
ساعات بس بحس ان فيه نتشه بسيطة بس مش على طول يعنى
والحوار ده حصل زي ما قولتلك كده بالظبط كنت واقف فى حتة زحمة اكتر من ساعة مش بتحرك قولت ابطل العربية اول ما بطلت الطريق فتح روحت مدور وطالع على طول ..راحت العربية قعدت تنتش كده وحسيت ان هيا هتبطل راحت اللمبة قعدت تنور وتتطفى ومشييت عادي بعديها
بعديها اللمبة منورة مش عايزة تتطفى
وبالنسبة للبنزين انا مش بحط بنزين غير من ينزينة واحدة واللى هيا امارات مصر اللى فى المعادى عشان جنب بيتى على طول وعلى ما اعتقد ان هيا بنزينة نضيفة
والبوجيهات لسه مغيرها قريب مكملتش 5000 كيلو لسه ...غيرتها فى اواخر رمضان كده

اقتباس:

---

المشاركة الأصلية كتبت بواسطة tutankhamoun

واضح من اللي فهمته من الموضوع انك مش بتعمل صيانات دورية بانتظام .

اللي انت بتعمله في موضوع تفويل البنزين غلط جدا جدا جدا
لازم ما تسبش البنزين لما يفضى و بعدين تفول ... انت كدا بتضعف الطرمبة و بتاثر عليها و بتأثر على فلاتر البنزين طبعا و كمان الرشاشات لانك بتنتظر لغاية ما توصل للشوائب .

مفيش صفارة للبنزين
و لكن فيه مؤشر لونه برتقالي بشكل ماكينة البنزين اللي في البنزينة بينور لو البنزين فاضله 10 لتر و يخلص تقريبا .
لو مش بتنور عندك يبقى انت عندك حاجة مش مظبوطة (ممكن تكون اللمبة بايظة او حاجة )

و لكن انت مش محتاج اللمبة في حاجة

مون على طول و انت على النص و انت تبقى في السليم حتى ما تحسش بمبلغ التموين الكبير و انت بتفول التانك كله مرة واحدة .

ياريت تشتري منظف رشاشات على الاقل كل 1000 كم و تستخدمه لتنظيف الرشاشات للحفاظ عليها .


بالنسبة للمؤشرات التانية الخاصة بالزيت طبعا معناه انها مرتبطة بطرمية الزيت و دورة الزيت و لو نورت يبقى انت عندك حاجة في دورة الزيت ... زيت ناقص مثلا

---

شكرا على المعلومات القيمة دي ... بس انا قريت موضوع عن الرشاشات والمنظفات وان استخدامها يكون على المدى البعيد ... من فترة وفترة يعني ... لان لها اثار سلبية ..فهل حضرتك تقصد حاجة تانية او نوع اخر من الرشاشات حيث انه يستخدم كل 1000 كم

سؤال اخر بعد اذنك توت باشا...انا متابع حضرتتك من زماان اوي وما شاء الله العربية معاك بقالها فترة مش هينة ... يا ترى لو عاوزين نعرف العمر الافتراضي للعربية لغاية ماتوصل مثلا انها جابت اخرها ومصاريفها بقت زيادة وفتحت بقها من الاخر يعني ....
لاني بيني وبينك انا عربيتي عاملة 100 الف كم وبفكر ابيعها واجيب واحدة تاني زيرو لان بجد العربية دي محترمة جدا جدا ...
تقبل تحياتي ..

اقتباس:

---

المشاركة الأصلية كتبت بواسطة a7mednour

شكرا على المعلومات القيمة دي ... بس انا قريت موضوع عن الرشاشات والمنظفات وان استخدامها يكون على المدى البعيد ... من فترة وفترة يعني ... لان لها اثار سلبية ..فهل حضرتك تقصد حاجة تانية او نوع اخر من الرشاشات حيث انه يستخدم كل 1000 كم

يا باشا أنا أقصد مُنظف رشاشات مش منظف دورة البنزين

منظف رشاشات يمكن أستخدامه كل تفويله أصلا

إنما الضرر من منظف الدورة الخاصة بالنزين

سؤال اخر بعد اذنك توت باشا...انا متابع حضرتتك من زماان اوي وما شاء الله العربية معاك بقالها فترة مش هينة ... يا ترى لو عاوزين نعرف العمر الافتراضي للعربية لغاية ماتوصل مثلا انها جابت اخرها ومصاريفها بقت زيادة وفتحت بقها من الاخر يعني ....
لاني بيني وبينك انا عربيتي عاملة 100 الف كم وبفكر ابيعها واجيب واحدة تاني زيرو لان بجد العربية دي محترمة جدا جدا ...
تقبل تحياتي ..

---

100 ألف لسة بدري قوي لو أنت مُهتم بصيانة عربيتك
ممكن تكون الصيانة في الأماكن زي التوكيل غالية شوية بس بتحافظ و تطول عمر عربيتك

الصيانة من أهم الحاجات اللي تخلي العربية تعيش معاك كتير .
فممكن عربية تفتح بقها على 60 ألف
و نفس الماركة تفتح بقها على 200 ألف
حسب انت بتعامل عربيتك ازاي