أعمل صيانتك بنفسك

**emadm** · 08-12-2011 09:37 AM

متابع

**jaso** · 08-12-2011 10:43 AM

راااااااااااااااااائع جداااااااااا
جزاك الله خيرا على هذا الموضوع

**ahmedeg1** · 06-01-2012 07:40 PM

إخوانى الأعزاء
انهارده أول تجربه ليا فى فك و تنظيف الأيدل و البوابه
1 - نفصل كابل البطاريه السالب

2 - نفك العمه عن طريق فك ال 4 مسامير 10 اللى ماسكين العمه و الموتورو خرطوم الفايز بتاع الزيت

3 - و ده خرطوم الفايظ بتاع الزيت اللى راكب فى العمه

4 - فك البوابه عن طريق فك الدعامه الحديد من الخلف على اليمين بمفك ألنكيه

5 - هنلاقى البوابه خرجت بسهوله مع لف العصا الفبر السئوله عن البنزين هتطلع البواه بسهوله جدا

6 - شكل البوابه قبل التنضيف

7 - شكل الأيدل قبل الفك بمامير الانكيه

8 - شكل الأيدل بعد فكه و فبل التنضيف و خلي بالكم من الجوان الكاوتش الأسود

9 - طبعا هباب بعد استخدام 6500كم و طبعا الكلام ده متعملش فى الصيانات بس و لا يهم

و على فكره هوا هوا نفس الأيدل بتاع الانوس مافيش فرق حتى فى الفولتيات و مقاس الصباع و بلد المنشأ الميكسيك يعنى لو باظ نجيب بتاع اللانوس و نركبه عادى

10 - و ده بيت الأيدل سواد كاحل

11 - الأيدل بعد التنضيف

12 - شوفو اللمعان

13 - بيت الأيدل بعد التنضيف

14 - و دى البوابه بعد التنضيف

15 - نركب كابل البطاريه و نعمل أيدل ليرن

و طبعا نركب كل حاجه تانى عكس ما فكينا

و نركب كابل البطاريه تانى و نعمل أيدل ليرن و هتلاقوا فرق كبير نتيجة التنضيف و هتحسوا بيه فى اسحب و استهلاك البنزين كمان صوت الموتورو الإحساس بيه
و اللى فعلا هيحس الفرق ده اللى عدى ال 60000 كم هيحس ان عربيته رجعت زيرو
و طبعا الماده المستعمله فى التنظيف wd 40
هينضف و هيزيت و مش هيلم تراب
و بالمره رشوا شويه على مجموعة الإكسراتير هتلاقوا لمسه البنزين نعمت بشكل كبير
جرؤا نفسكم و متخافوش الموضوع سهل جدا و بسيط فوق ما تتخيلوا و لازم يكون معاك طقم مفكات ألانكيه كامل و هوا مش غالى فى حدود 15 جنيه
و ربنا يسهل فى مواضيع فى دماغى كتيره هصورها و هعملها ان شاء الله بس المشكله فى الوقت
ربنا يسهل .

**walloo1978** · 06-01-2012 10:44 PM

شابو كبير جداً ليك يا أحمد بيك

و احنا مستنيين أفكارك الجديدة

وائل الشيشيني

**hragheb007** · 07-01-2012 05:11 PM

جامد جداً الكلام ده يا أستاذ أحمد

بس لو خليت الموضوع فيديو هيبقى أسهل كتير لأن حضرتك بتقول حاجات برضه انا مش متخيلها نظرة لقلة خبرتي بالموضوع

**gebreel** · 07-01-2012 08:53 PM

يا قلبك الجامد يا باشا

ده انا اما فكيت فلتر الهواء علشان انضفوا حسيت اني بهدلتها =)))

بجد ربنا يكرمك على المواضيع دي

**ModySheta** · 08-01-2012 12:30 AM

السلام عليكم ،،،
سؤال صغير ،، يعني إيه "نعمل أيدل ليرن" ؟؟؟؟؟

**a_nbm** · 08-01-2012 08:35 AM

وحوش وحوش يعني ...!!
مش اي كلااااااااااااااااام

**ahmedeg1** · 08-01-2012 10:56 AM

المشاركة الأصلية كتبت بواسطة ModySheta

السلام عليكم ،،،
سؤال صغير ،، يعني إيه "نعمل أيدل ليرن" ؟؟؟؟؟

الأيدل ليرن ده عباره عن طريقه بنظبط بيها حساس الهواء و سرعة ال أر بى إم على السلانسيه لو مش ثابت
و لما كان معايا اللانوس كنا بنعمله فى عربياتنا علشان نظبط الموتور فى السلانسيه
و بما إن الأيدل كنترول اللى عامل زى الصباع ده هوا هوا بتاع اللانوس
فجربت نفس خطوات الأيدل اللى كنت بعملها فى عربيتى الأولنيه و ٌولت أشوف هل فى تأثير و لا لأ
أنا عندى محستش بتأثير و ممكن يكون كمبيوتر العربيه بيظبط الموضوع ده أوتوماتيكى
بس عملته من باب التجربه
على العموم دى خطواته لو حبيتوا تجربوه
1 - نفل كابل البطاريه و نسيب العربيه 10 دقائق
2 - نقتح الكونتكت 5 ثوانى بدون تدوير و نقفله 5 ثوانى نكرر العمليه دى مرتين كمان
3 - ندوس على الدبرياج و ندور العربيه لمدة 3 دقائق بدون أى أحمال
4 - بعد إنتهاء المده نزود كمان 2 دقيقه بكامل الأحمال (تكييف على أخر درجة بروده و سرعة المروحة الأخيره +شبوره أمامى و خلفى +إنتظار) المهم كل حاجه تشغلها
5 - و بعد انتهاء الدقيقتان نقفل كل الأحمال الأول بعد كده نبطل العربيه
دى طريقة عمل الأيدل ليرن اللى اتعلمتها من قسم الدايو لما كانت معايا
لو حد حابب يجربها فى عربيته يا ريت يقولنا حس بفرق فى هدوء صوت الموتور على السلانسيه و لا لأ
انا بحاول أدور على الطريقة المثلى الخاصه باللوجان بس لسه موصلتش لحاجه

-

الموضوع: أعمل صيانتك بنفسك

LinkBack

أدوات الموضوع

عرض

-

-

-

-

-

المواضيع المتشابهه

موضوع جديد من اعمل صيانتك بنفسك

موضوع جديد من اعمل صيانتك بنفسك

3 مواضيع جداد فى اعمل صيانتك بنفسك

حلقة جديده من إعمل صيانتك بنفسك

حلقة جديده من إعمل صيانتك بنفسك

الكلمات الدلالية لهذا الموضوع

المفضلات

المفضلات

ضوابط المشاركة