الموضوع: أعمل صيانتك بنفسك

المشاركة الأصلية كتبت بواسطة ahmedeg1

الأيدل ليرن ده عباره عن طريقه بنظبط بيها حساس الهواء و سرعة ال أر بى إم على السلانسيه لو مش ثابت
و لما كان معايا اللانوس كنا بنعمله فى عربياتنا علشان نظبط الموتور فى السلانسيه
و بما إن الأيدل كنترول اللى عامل زى الصباع ده هوا هوا بتاع اللانوس
فجربت نفس خطوات الأيدل اللى كنت بعملها فى عربيتى الأولنيه و ٌولت أشوف هل فى تأثير و لا لأ
أنا عندى محستش بتأثير و ممكن يكون كمبيوتر العربيه بيظبط الموضوع ده أوتوماتيكى
بس عملته من باب التجربه
على العموم دى خطواته لو حبيتوا تجربوه
1 - نفل كابل البطاريه و نسيب العربيه 10 دقائق
2 - نقتح الكونتكت 5 ثوانى بدون تدوير و نقفله 5 ثوانى نكرر العمليه دى مرتين كمان
3 - ندوس على الدبرياج و ندور العربيه لمدة 3 دقائق بدون أى أحمال
4 - بعد إنتهاء المده نزود كمان 2 دقيقه بكامل الأحمال (تكييف على أخر درجة بروده و سرعة المروحة الأخيره +شبوره أمامى و خلفى +إنتظار) المهم كل حاجه تشغلها
5 - و بعد انتهاء الدقيقتان نقفل كل الأحمال الأول بعد كده نبطل العربيه
دى طريقة عمل الأيدل ليرن اللى اتعلمتها من قسم الدايو لما كانت معايا
لو حد حابب يجربها فى عربيته يا ريت يقولنا حس بفرق فى هدوء صوت الموتور على السلانسيه و لا لأ
انا بحاول أدور على الطريقة المثلى الخاصه باللوجان بس لسه موصلتش لحاجه

جزاك الله خيراً و شكراً على اهتمامك
بس كلمة (نفل) دي في رقم 1 هل قصدك نفك و لا نوصل؟؟؟؟ و شكراً مرة تانية :)

المشاركة الأصلية كتبت بواسطة ModySheta

جزاك الله خيراً و شكراً على اهتمامك
بس كلمة (نفل) دي في رقم 1 هل قصدك نفك و لا نوصل؟؟؟؟ و شكراً مرة تانية :)

نفك

المشاركة الأصلية كتبت بواسطة amriar

أحمد باشا .. مش لاقي كلام اعبرلك بيه عن اعجابى .. انا من النوع اللي بوظ كل الاجهزه في البيت وانا صغير عشان اعرف بتشتغل ازاي .. و لما كبرت فكيت و بوظت طل الكمبيوترات اللي عديت عليها ..

الوحش الفتاك اللي جوايا دا بقي قطه لما جبت العربيه و حسيت انى عمري ما ها اعرف فيها اي حاجه

عايز اقولك الوحش اللي جوايا بيسلم عليك و كانك رجعتلي روحى تاني ليا .. انا بموت في المعرفه التقنيه دي و احب اجرب بأيدي و عايز اقولك انك اكتر واحد كسر الحاجز النفسي بينى وبين العربيه واى عربيه ..

انا جايز اسيب شغلتي وافضي للوجان من هنا ورايح

انت هايل وربنا يوفقك ..

عايز بس حاجه مهمه جدا منك ..

الحاجات اللي بنعملها دي واللي انت ناوي تقدمها واحنا نجربها يكون ليها معدلات قبل و بعد التجربه يعني عشان نحس بالفرق

وياريت لو نقدر نقدمها بالترتيب اللي بيتعمل في الصيانه

يعني في صيانه ال5000 بيعملو تربيط للعفشه .. فنعدي علي عفشه العربيه ..
وال 100000 بيعملوا حاجات تانيه وتكون دي الحلقه اللي وراها و هكذا.. دا ها يحلينا مش بس ندعيلك لا دا ها يخلينا ما نروحش التوكيل كمان

روح يا شيخ .. وتعالي بالحلقه التانيه بسرعه

الف شكر ليك يا باشا على الكلام الجميل ده و كل ده من فضل الله سبحانه و تعالى
و إطلق الوحش اللى جواج و بوظ و صلح إحنا هنعيش اد ايه لازم نتعلم و ده مش هايجي الا بالتجربه
ربنا يوفقنا و إياكم لمرضاته تعالى

و هل العربية حتدور لو فكينا الكابلات و لا نوصل بعد العشر الدقايق و لا في حاجة أنا مش فاهمها!!!؟؟؟
معلش أسئلتي كتيرة أنا عارف