نفسى اشترى عربيه الفاروميو بس خااااايف

**bode_mw_2005** · 08-10-2011 12:28 AM

شباب الالفا روميو الكرام
المشكله ببساطه ان نفسى اشترى عربيه الفا روميو بس خااااايف جدا من انها تعطل بيا فى يوم ومالقيش قطع غيار او الاقيها وتقطم وسطى لو هى غاليه اوى فا ياريت تنصحونى علشان انا تقريبا كل يوم ادخل على مواقع بيع السيارات واتابع حركه البيع فيها للعربيه دى ( بالذات 147 مو 1996 او مو 1994 ) بلاقيى تقريبا مافيش بيع ولا شراء مع ان تمن العربيه بيكون فى حدود من 30 : 35 الف بالكتير وده بالمقارنه بأمكانيات العربيه يعتبر ولا حاجه فايارييييت النصيحه

**egyptiandiver** · 08-10-2011 12:58 AM

أنا رأيي بلاش... هو الواحد بيشوف ألفا دي كل أد إيه و فين?... د فيه عربيات حديثة و في منها كميات و التوكيل بيقول للناس إن في قطع غيار ناقصا و استانة يا أستاذ لما توصل... امال إنت يا مسكين يلي عاوز تشتري عربية الموديل بتاعها داخل في 20 سنة! و نادرة كمان ! حتجيبلهة قطع غيار منين؟ المبلغ إلي مع حضرتك كويس و ممكن يجب حاجة أنسب. الالفا عربية جميلة بس مش في مصر. معلش د رأي بتاعي و بكلمك ذي ما تكون أخي والله و خايف على وقتك و جهدك و فلوسك في حالة لما العربية تعطل لياي سبب من الاسباب و تعد تلف حولين نفسك عشان حتة حديدة حزينة لكن ممكن توءفلك حالك ...و على إيه أهي كلها عربية و كلو بيوصل و ربنا يستر طريقك و طرقنا - أحمد سامي

**bode_mw_2005** · 08-10-2011 01:34 AM

المشاركة الأصلية كتبت بواسطة egyptiandiver

أنا رأيي بلاش... هو الواحد بيشوف ألفا دي كل أد إيه و فين?... د فيه عربيات حديثة و في منها كميات و التوكيل بيقول للناس إن في قطع غيار ناقصا و استانة يا أستاذ لما توصل... امال إنت يا مسكين يلي عاوز تشتري عربية الموديل بتاعها داخل في 20 سنة! و نادرة كمان ! حتجيبلهة قطع غيار منين؟ المبلغ إلي مع حضرتك كويس و ممكن يجب حاجة أنسب. الالفا عربية جميلة بس مش في مصر. معلش د رأي بتاعي و بكلمك ذي ما تكون أخي والله و خايف على وقتك و جهدك و فلوسك في حالة لما العربية تعطل لياي سبب من الاسباب و تعد تلف حولين نفسك عشان حتة حديدة حزينة لكن ممكن توءفلك حالك ...و على إيه أهي كلها عربية و كلو بيوصل و ربنا يستر طريقك و طرقنا - أحمد سامي

والله يا استاذ احمد انت رئيك محترم جدا ومع انى اللى كاتب الموضوع بس تقريبا انا بفكر كل يوم فى تفكيرك ده ويمكن كتبت الموضوع قولت ممكن حد من اللى راكب العربيه يشجعنى او يقولى ان قطع غيارها موجوده وسعرها كويس ( حلاوه روح يعنى )

**heshamzaky** · 08-10-2011 01:42 AM

بص يا باشا الالفا روميو ال 147 نفس عفشة التمبرا تقريبا
سعرها مش غالى و موجود لها مواتير استيراد و قطع غيار بس حتى فى الاستعمال مش منتشرة و نسبيا غالية و صيانتها حا تضايق
دة رايى لانى فكرت قبل كدة فيها و الى بجيب منة حاجات للتمبرا استيراد قالى لآ بلاش حاجتها عزيزة و سعرها غالى علشان مش منتشرة

**mikology** · 08-10-2011 03:42 AM

انا زيك بردو - واتكلمت مع هشام فى الموضوع ده قبل كده - لو حد يدلك على سككها و تكون قريبه منك وفلوسها على قد جيبك - يبقى تتوكل على الله - لكن لو مفيش الكلام ده يبقى بلاش

**heshamzaky** · 08-10-2011 02:10 PM

المشاركة الأصلية كتبت بواسطة mikology

انا زيك بردو - واتكلمت مع هشام فى الموضوع ده قبل كده - لو حد يدلك على سككها و تكون قريبه منك وفلوسها على قد جيبك - يبقى تتوكل على الله - لكن لو مفيش الكلام ده يبقى بلاش

ميكو المواتير و العفشة موجودين عند محل كرستين أنت عارفة طبعا
بس الاسعار أستهبال رسمى بجد مش كدة و فاروق مرة سألتة و قالى يا باشا أبعد لو عايز ليها حاجة أجيبهالك بس الى بتجيبة للتمبرا و الانشيا مثلا ب 200 جنية حا ابيعة للالفا ب 600 جنية هههههههههههههههههههه

**WalidAdel** · 08-10-2011 10:57 PM

السلام عليكم
استاذ هشام
هل معني كده اني حتي لو بفكر في واحد موديل 2003 اللي هيا 156 بلاش بردوا
اصل انا بقارن بينها و بين المونديوا ال 2000 سي سي الجيا

**heshamzaky** · 08-10-2011 11:11 PM

المشاركة الأصلية كتبت بواسطة walidadel

السلام عليكم
استاذ هشام
هل معني كده اني حتي لو بفكر في واحد موديل 2003 اللي هيا 156 بلاش بردوا
اصل انا بقارن بينها و بين المونديوا ال 2000 سي سي الجيا

بص يا باشا العربية الالفا عربية حلوة جدا جدا مفيش كلام نهائى عليها
بس مشكلتها فى الصيانة بتاعتها غالية شويتين عن الطبيعى
ممكن اديلك رقم تيلفون محل بيبيع قطع غيار استيراد و اسأل عن الاسعار و انت الى حا تقرر يا باشا
انا بعدت عن الالفا ال 146 مع ان سعرها تقريبا نفس سعر التمبرا الى معايا