عدل لي شكرا...( ورشة تعديل السيارات )

**Evo** · 09-10-2011 02:52 AM

السلام عليكم

أنا فتحت الموضوع ليكون مكان لكل من ليه استفسار أو تصور لتعديل عربيته وطالب المساعده
الموضوع مش قاصرعلى تعديل الموتور وبس لأ أي تعديلات رياضية في العربية
من أول الفلتر لحد 1000 حصان متقلقش اسأل براحتك '' احنا جامدين قوي ''
وده شامل الأجهزة الإلكترونية عامة اللي بتتركب للتعديل

طبعا أنا مش محتاج أقول إني أكيد مش هكون فاضي دايما وممكن اتأخر في الرد في بعد الاوقات وممكن أي حد ليه خبرة في شيء مماثل يرد بس يكون متأكد من رده .
وكمان مش محتاج أقول إن كل ده FREE
توكلنا على الله

**Uranium** · 09-10-2011 03:47 AM

معايا اكسيل مسقطلها موتورها الانجكشن عامل معايا حوالى86 -90حصان ومركبلها ديفل عايز ارفع القدرة الحصانية من غير ماالعب فى اساسيات الموتور, لو ينفع اذكرلى التكلفة
سؤال اخر . اية رأيك لو سقطلها موتور الالنترا 94 انا شايف القواعد واحدة !!!!!!!!!!!!!!!!!!!!!!!!!!!!!!!!!!!!!!!!!!!!!!

**عصام غنايم** · 09-10-2011 03:59 AM

طيب سؤال سريع على الماشى معايا لانوس 2008 ولاغى علبة البيئه من الشكمان وعايز الغى العلبه الوسطى (يعنى العربيه تبقى بالعلبه الخلفيه فقط ) علشان دايماٌ بتحك فى اى مطب

السؤال هو

هل لو لغيتها هتأثر على اداء العربيه بالسلب ام بالأيجاب ؟

وهل صوت العربيه هيبقى عالى و مستفز ولا عادى ؟

ارجو الرد للأهميه

**hko** · 09-10-2011 04:57 AM

الف شكر علي الموضوع ياباشا انا معايا شاهين 1300 67حصان اعمل ايه في المكنه دي عشان العزم يزيد شويه غير الفلتر علشان انا زهقت منها وقول كل اللي يتعمل فيها ومتشغلش بالك بالميزانيه ويبفي كتر الف خيرك

**hko** · 09-10-2011 04:57 AM

وهو انا ممكن اسقطلها مكنه ايه ؟؟

**عصام غنايم** · 09-10-2011 04:59 AM

لأ تأثير اجابي على العربية لكن سلبي على البيئة

لا ايجابى ( مش مشكله )

انما اكيد مش سلبى ( تسارع وسرعه قصوى )

انا اعرف ان الباك بريشر مهم للموتور

**MaZaGAngeE** · 09-10-2011 06:54 AM

عايز أركب عفشة رياضية للبطة لانسر 1993
ايه مكوناتها و تكاليف تركيبها ؟
هل تنصح بتغيير الجنوط في النوع و المقاس و لا اخليها استوك زي ما هيه ؟

**ahmedesmat1987** · 09-10-2011 07:06 AM

المشاركة الأصلية كتبت بواسطة evo

في مليون طريقة ترفع بيها القدرة الحصانيه من 100 لحد 100000 جنيه قل لي حدودك كام علشان اوصفلك في خلال حدودك واعتقد إنك تقصد بدون متركب انترنالز صح ؟
عموما موتورك محتاج عزم لانه صغير وده ممكن تحصل عليه بـ
[gdwl]شكمان كامل 2 بوصة [/gdwl]ستينلس ستيل مواسير ستريت وهيدر رياضي
زود الشراره اللي داخلة للموتور ( ركب بوجهات اقوى و مثبت فولت )
أكيد أكيد تلغي علبة الفلتر وتركب فلتر رياضي مع ماسوره ستينليس
كل ده كلام بسيط ممكن يديك 15 -20 حصان
في حاجات تانية كتير بس أعرف إنت مستعد لحد كام

لأ تأثير اجابي على العربية لكن سلبي على البيئة
الصوت طالما العلبة الخلفية ستوك مش هيبقى عالي وإن كان ممكن تسمع رنة بسيطة لانك لغيت العلبة اللي في النص

اولا انا بشكر حضرتك جدا على الموضوع وانا متابع حضرتك من ساعه تحويل المكوه للايفو 6 واستفدت من كلامك جدا واضافت لخبراتى بس كان ليا تعقيب بسيط على نقطه حضرتك كاتبها فوق وانا معلم عليها ..بس هو فى استفسار على حسب معلوماتى ان الشكمان عامتا بيبقى قطرو من اول 1000 سى سى لحد 1400 سى سى 2 بوصه من بعد 1400 الى 2000 سى سى 2.5 بوصه والراجل بيقول انو مسقط المكنه الانجيكشن للاكسل يعنى ال 1500 يعنى الاصح انو يبقى فى فئه ما بعد 1400 سى سى يعنى 2.5 بوصه مش 2 ولو كلامى غلط ارجو التصحيح