الموضوع: معاد ومكان تسليم اول طلبية لريمـوت الصنى الشكل الحديث .. ومعلومات عن كيفية الاستـخدام

الف الف شكر لمحمد الشناوي اللي تعبناه معانا جدا ولكل رجاله نيسان ؛ انا هاعمل النسخه بكره ان شاء الله و هاقولكوا ايه الأداء

انا اسف جدا يا استاذ احمد انى مفتحتش الموضوع الا الان يا ريت لو ممكن اعرف فى معاد اخر او وسيله اخرى
بجد بكرر اسفى

المشاركة الأصلية كتبت بواسطة ahmed.tv

معاد تسليم الريموت والطلبية للاعضاء

6 مساءُ يوم الثلاثاء القادم 11/10 باذن الله

المكان تجمع الاعضاء والتسليم

كافية قصر الشروق فى ميدان النجدة فى 6 اكتوبر بجانب بنزينة التعاون

صورة لجدول باسماء الاعضاء

دى صورة لاسماء الاعضاء اللى حجزوا فى الطلبية الاولى باذن الله

ملحوظة هامة

* سبب التجمع وهو اننا لابد من تحصيل الملبغ بالكامل لمحمد الشناوى تقديرا منه على تعبه فى الموضوع وتحمل نفقات الشحنة بالكامل من غير ما ياخد اى مبلغ من اى عضو
فمينفعش طبعا نقابله فرد فرد فى ايام متفاوتة .. وده اقل حاجة نقدر نعملها لمحمد
وهو اننا نريحه وقت التسليم وتجميع وتحصيل الملبغ .. وانا عارف انه مش حيفرق معاه
ولكن تقديرا لعمله التطوعى بالدرجة الاولى لخدمة الاعضاء .. فده اقل حاجة نعملها معاه

* النقطة التانية .. وهى اننا كلنا مسئولين مع بعض فى ابلاغ جميع الاعضاء المذكور اسمائهم قى الجدول .. يعنى الحاضر يعلن للغايب .. سواء فى رسالة خاصة .. او لو كان عارف رقمه يكلمه .. ونجيب بعض ..
لان بردوا مش معقول محمد نخليه يدور على الناس ويتصل بواحد واحد او يبعتله

الموضوع كله الاعضاء متشاركة فيه .. وكلنا بنساعد بعض وبنخدم بعض

محمد قام بالدور الكبير فى مراسلة الشركة وتحمل التكلفة كاملة .. وحسين كان وراه بتشجيعه وتشجعينا جميعا .. وانا نسقت معاهم الموضوع مش اكتر

والان جاء دور الاعضاء ودورنا اننا نساعد بشئ بسيط

اسيبكم مع صور الريموت والطلبية
بعدسة المجتهد محمد الشناوى

صوره المفتاح بالعلامه

صوره الكيت

والحقيقه البلاستيك قوي جدا ومقدرش اقول عليه الا انه تقفيل جيد جدا جدا ما شاء الله

بدايه فك 3 مسامير

بعد ما فكيته حتت لتركيب الشيبايه بتاعت الريموت الاصلي

رائى وانطباعى

انا شاهدت الريموت .. ولمست جودته .. حاجة محترمة جدا .. والريموت تقيل
وحتى البلاستيك بتاعه واضح انه قوى ويتحمل
ولما الاعضاء تشوفه حتتاكد من كلامنا

وبصراحة صفقة رابحة جدااا
كفاية اننا بنستورد بمزاجنا .. بمعنى ان بنختار الخامة الكويسة
ومحدش بيبع لينا حاجة خامة مش كويسة زى اللى موجودة فى مصر
غير ان السعر فى المتناول
غير كمان ان اصلا كيت نيسان ده نادر جدا بيعه فى مصر

فيديو يوضح

طريقة نقل الشباية من الريموت القديم الى الريموت الحديث

فيديو شرح للطلبية

video 2011 10 08 21 55 59 - youtube

فيديو نقل الشباية
video 2011 10 08 22 37 47 - youtube
.............

جارى رفعه لكبر مساحته .. وحين الانتهاء من رفعه غدا
حرسله للادارة عشان تضعه هنا

فى النهاية

دفعة الطلبية الثانية والجديدة سيتم الاعلان عنها قريبا جدا فى موضوع منفصل
عشان نجمع فيه الاسماء الجديدة باذن الله

تحياتى للجميع

منسق القسم

انا اسف جدا يا استاذ احمد انى مفتحتش الموضوع الا الان يا ريت لو ممكن اعرف فى معاد اخر او وسيله اخرى بجد بكرر اسفى

الحمد لله أنى فى المنتدى وخاصة قسم نيسان ، بجد الناس فى المنتدى بتتسابق علشان تخدم بعض ، كله لله .
أستلمت الكيت من محمد الشناوى ، جزاه الله خير على مجهوده ، كان مجهز لكل واحد حاجته ، أنا أتشرفت أنى أتعرفت عليه وعلى كل الأخوة اللى حضروا . وأخيراً شفت الأب الروحى للقسم (أحمد تى فى) وربنا يباركله فى صحته على مجهوده و مساعدته لكل الناس .
بشكر أ/ أحمد رحيم علشان هو اللى ركبلى الكيت وأحنا قاعدين .

السلام عليكم ورحمة الله وبركاته
اولا :
البقاء لله
ندعو لزميل المنتدى باسم سعيد
نسأل الله تعالي أن يتغمد زميلنا بواسع رحمته , وأن يفسح له في قبره ويلن مضجعه , ويؤنس وحدته ويجعل قبره روضة من رياض الجنة , وأن يفتح له طريقا الي الجنة يشم من ريحها ويأكل من طعامها ويشرب من شرابها ويلبس من لباسها حتي تقوم الساعة , وأن يبدله أهلا خيرا من أهله ودارا خيرا من داره . ألهم الله أهله وذويه الصبر والسلوان .

وادعو اخواني في الله الى التفكر في كلام الله تعالى
قال تعالى
اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الْآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ الحديد 20
فاتمنى لاخواني ان يعملوا حسابا ليوم لا تظلم فيه نفس عن نفس
وفى النهاية اقول انا لله وانا الية راجعون

ثانيا :
اشكر صقور المنتدى على تعاملهم الراقي مع موضوع التسليم و ادعو الله تعالى ان يديم المحبه والعروف بيننا والى الامام دائما يا صقور نيسان

ثالثا :
ارجو متابعه موضوع الطلبيه القادمه والتي سيقوم الاستاذ احمد مصطفى منسق القسم بالتنويه عنها قريبا بإذن الله تعالى

هدانا الله تعالى واياكم لما يحب ويرضاه