سؤال للخبراء وإلا هاحدف شمال زي عربيتي نيسان

**m6r1282** · 09-10-2011 02:03 PM

السلام عليكم ورحمة الله وبركاته

أنا اشتريت عربية نيسان 2003 قبل عيد الفطر 1432 بـ 66000

الحالة ممتازة ولكن (بتحدف شمال)

بسبب الحدفة الشمال دي أنا كرهت العربية، لا توكيل ولا عفشه ولا ميكانيكي ولا زوايا ولا كاوتشجي حتى عارف يحدد ده من إيه

التوكيل بالمرة استنفع مني بتغير طنابير وتيل أمامي وشوية حركات آخرى وطلعلي نص العفشة خربانه ((مذهب التوكيل كده طبعاً))

وكمان آل إيه علبة الدريكسيون بتخبط (قلتلهم سيبوها ماتفحوهاش

) وعمود الشمعدان كمان عاوز يتغير

وقيل لي إن جلب المقصات مريحة بعض الشيء ولكن تمشي عادي، العفشجي والتوكيل قالولي كده

والكاوتشات بدلتها (الأمامي مع الخلفي واليمين مع الشمال)
مره من مرات تغيير مكان الكوتشات حدفت يمين بنفس مقدار الحدفه شمال

فسؤالي الآن وبجد ياجماعة أنا كرهت العربية دي بسبب الحدفه دي، ممكن يكون إيه أبص عليه عشان أعالج الحدفه دي ؟؟؟؟؟؟؟؟؟؟؟؟؟؟؟؟

وآسف للإطالة عليكم

**m_love4me** · 09-10-2011 02:45 PM

مااعرفش والله افيد حضرتك

بس ان شاء الله الاخوه الكريم وخبراته المحترمه يفيدوا حضرتك بأذن الله

بس عندى ملحوظه بسيطه

بتقول حضرتك لما غيرت اماكن الكوتشات العربيه حدفت يمين

اعتقد ان السبب ممكن يكون من الكاوتشات
او الجنوط

فى اختلاف ف مقاس الكوتشات مثلا او العرض
فى تنيه ف جنط وكانت متعدله

ياريت حضرتك تكشف على الكوتشات

حضرتك فكهم بنفسك كدا واكشف عليهم كويس

تحياتى لك

**Ahmed_Rahem** · 09-10-2011 03:23 PM

المشاركة الأصلية كتبت بواسطة m_love4me

مااعرفش والله افيد حضرتك

بس ان شاء الله الاخوه الكريم وخبراته المحترمه يفيدوا حضرتك بأذن الله

بس عندى ملحوظه بسيطه

بتقول حضرتك لما غيرت اماكن الكوتشات العربيه حدفت يمين

اعتقد ان السبب ممكن يكون من الكاوتشات
او الجنوط

فى اختلاف ف مقاس الكوتشات مثلا او العرض
فى تنيه ف جنط وكانت متعدله

ياريت حضرتك تكشف على الكوتشات

حضرتك فكهم بنفسك كدا واكشف عليهم كويس

تحياتى لك

نفس التعليق، طالما غيرت مكان الكاوتش والحدفة اتعكست يبقى عيب كاوتش على طول.

**m6r1282** · 09-10-2011 03:41 PM

المشاركة الأصلية كتبت بواسطة ahmed_rahem

نفس التعليق، طالما غيرت مكان الكاوتش والحدفة اتعكست يبقى عيب كاوتش على طول.

أوكي معاك بس أنت تعرف إني غيرت الكاوتشات كذا مره
مره واحده هي اللي حدفت يمين

والـ 99 مره التانيين كلهم شمال

فيه معلومه ان الطاره بتكون مميله ناحية الحدفه، ولما تاخدها عكس بتكون أتقل من اتجاه الحدفه

ده حصل في الحدفه الشمال والمره اللي حدفت يمين دي، الطاره راحت يمين بنفس المقدار

بصراحه أنا خايف أجيب كاوتشات وأنا متعور جامد بسبب العربية دي لأني اشترتها غالية والتوكيل خلاني أغير طنابير وتيل وشويه فكه كده عملوا 2000 بعد خصم كمان

**Ahmed_Rahem** · 09-10-2011 04:51 PM

المشاركة الأصلية كتبت بواسطة m6r1282

أوكي معاك بس أنت تعرف إني غيرت الكاوتشات كذا مره
مره واحده هي اللي حدفت يمين

والـ 99 مره التانيين كلهم شمال

فيه معلومه ان الطاره بتكون مميله ناحية الحدفه، ولما تاخدها عكس بتكون أتقل من اتجاه الحدفه

ده حصل في الحدفه الشمال والمره اللي حدفت يمين دي، الطاره راحت يمين بنفس المقدار

بصراحه أنا خايف أجيب كاوتشات وأنا متعور جامد بسبب العربية دي لأني اشترتها غالية والتوكيل خلاني أغير طنابير وتيل وشويه فكه كده عملوا 2000 بعد خصم كمان:_alshmokh08[1]:

كدة مفضلش غير الجنط نفسة هو الى معوج.
هو انت بتغير مكان الكاوتش ولا الكاوتش نفسة لنوع جديد!

**Kareem.ElAraby** · 09-10-2011 05:03 PM

لو حضرتك العربيه كانت بتحدف شمال و لما غيرت فرده كاوتش مكانها و بدلتها بقيت بتحدف يمين يبقي الفرد عندك فيها عالي و واطي
حصلت مع زميل ليا عنده امبريزا و لما بدلهم الدركسيون كان معووج , ظبط لوحده بعد التبديل ! :]
و برده استني رأي الاعضاء هنا

**m6r1282** · 09-10-2011 05:27 PM

المشاركة الأصلية كتبت بواسطة kareem.elaraby

لو حضرتك العربيه كانت بتحدف شمال و لما غيرت فرده كاوتش مكانها و بدلتها بقيت بتحدف يمين يبقي الفرد عندك فيها عالي و واطي
حصلت مع زميل ليا عنده امبريزا و لما بدلهم الدركسيون كان معووج , ظبط لوحده بعد التبديل ! :]
و برده استني رأي الاعضاء هنا

تقصد العالي وواطي في الكاوتش ولا الجنط ؟؟ وأعرفه إزاي ؟؟

وبالنسبة لو هاجازف وأغير، لازم أغير الأربعة ؟؟ مع العلم اني شاري العربية والأربعة جداد .. 3 نفس النقشه وواحد مخالف .. والمقاس واحد ..

ولو قررت أشتري هلاقي حاجة ياباني ولا زي ما تاجر قال لي أحسن الموجود (كوري وتركي) وبعده (الأندونيس والتيواني)، والياباني مافيش .. ؟!

**WalidAdel** · 09-10-2011 11:49 PM

والله يابباشا بص سيب موضوع الكاوتش ده اخر حاجه طالما بتقول عليه جديد
بس انت قولت عمود الشمعدان عايز يتغير و دي حاجه علشان الزوايا من الاساس يعني
فانت تروح لوحد بتاع زوايا متخصص يكشفلك علي الزوايا بتاعة العربيه الاول قبل اي حاجه علشان نشوف محتاجه شمعدان ولا لأ لو مش محتاجه هايعرف يظبطها علي الجهاز و العربيه هاتظبط لو ماعرفش يبقي هايقولك الشمعدان معوج بقي ولا في حاجه مش مظبوطه المهم هو هايتصرف يعني
ياريت تقولنا بتاع الزوايا اللي كشفت عنده فين و لو ممكن اقولك احسن واحد بتاع زوايا حاليا
عندنا واحد هنا معاه عربيه 2011 بدون ذكر اسماء لف علي 12 واحد بتوع زوايا علشان يظبط طارة الدركسيون يخاليها في النص (كلام في سرك بقي علشان الكلام مايتنتورش يعني)
بالنسبه لعلبة الدركسيون تقريبا و الله اعلم في شارع شمبليون في وسط البلد بيعملوا كل الشغل اللي فيها
العربيه بلاش تجيبلها حاجه مش اصلي علشان تحس بحلاوة العربيه و ماتزهقش منها ..... نصيحه يعني

-

-

الموضوع: سؤال للخبراء وإلا هاحدف شمال زي عربيتي نيسان

LinkBack

أدوات الموضوع

عرض

سؤال للخبراء وإلا هاحدف شمال زي عربيتي نيسان - انشر الموضوع فى :

-

-

-

المواضيع المتشابهه

صور عربيتي ( نيسان صني 2010 )

سؤال للخبراء

مشكلة في عربيتي البولو - للخبراء

مطلوب فانوس خلفي شمال نيسان التيما 2008

نيسان صنى أوتوماتيك ولا كيا سيراتو أوتوماتيك -سؤال للخبراء

الكلمات الدلالية لهذا الموضوع

المفضلات

المفضلات

ضوابط المشاركة