الموضوع: مليون طن قمح هدية من الشيخ خليفه

المشاركة الأصلية كتبت بواسطة wawoo

طيب يعنى يا اخ سامى نعمل اية , نقعد انا وانت نندب حظنا على البلد و اللى حصل فيها , هدية مقدمة من دولة لية نقول عليها شحاتة , مهو فى هداية كتير مقدمة لمصر , عندك مثلا مدينة الشيخ زايد مهى كانت هدية فى الاصل , نقول بقى انها شحاتة دى كمان , لية المصريين يحبو يقللو من نفسهم كدة , و مصر قدمت مساعدات كتير لدول عربية كتير و مش لازم تكون حاجات انا و انت نعرفها , يعنى واحد جارك قدم ليك طبق زر مثلا حتقولة اية الشحاتة دى ولا حتقولة شكرا , هدية اية المشكلة فيها , و بدل ما نقعد نندب حظنا و نقول شحاتة و غيرة كل واحد يشتغل و يعمل حاجة فى هذة البلد ,دة اذا كان يعنى بيحبها فعلا و مضايق من الهداية اللى بتقدم يعنى , اكيد دة حيكون افضل من اننا نقعد نلعن نفسنا و نقتم فى نفسنا .

يا عزيزي لأ طبعا مانقعدش نندب حظنا و لا نلعن الأيام
نحاول نصلح نفسنا
طب احنا مافيش في ايدينا حاجة دلوقتي نعملها
يبقى على الأقل نفضل فاكرين اننا في ايام عسرة و بنقبل (المعونات) بوصفها الحقيقي

لكن لو عشنا في الدور و ان احنا كويسين و على قدم المساواة مع كل الدول و بنقبل هداياهم على هذا الأساس يبقى بنحط راسنا في الرمل

انا لو عندي مشكلة و عاملالي الم .......احل المشكلة و للا اخد مسكن و اقول انا تمام ؟؟؟؟؟؟؟؟؟؟

الواعي عمره ما ياخد مسكن الا لما يعرف نهاية للمشكلة لكن يخدر نفسه و يسيب حالته تتدهور ؟؟؟؟ يبقى غلطان

انا مش بلعن مصر و لا باجلد نفسي و لا بالومك

انا بس مش عايز انسى احنا كنا فين ........................و بقينا فين

شايف يا كريم ؟؟
شايف رايحة على فين

المهم فعلا يا جماعة سواء شحاتة او مش شحاتة
الهدية دي هيتعمل فيها ايه

أهم حاجة الاستغلال الامثل

بس انا مبسوط والله ان لسه فيه ناس بتسأل فينا