مليون طن قمح هدية من الشيخ خليفه

**محمد عز** · 17-05-2008 08:54 AM

منقول عن جريدة الاتحاد

أمر صاحب السمو الشيخ خليفة بن زايد آل نهيان رئيس الدولة ''حفظه الله'' بشراء مليون طن من القمح وتقديمه هدية من سموه إلى الشعب المصري الشقيق.

وتأتي هذه الهدية مساهمة من سموه في تخفيف الأعباء المعيشية عن الشعب المصري الشقيق الناتجة عن ارتفاع أسعار القمح في الأسواق العالمية.

قد ايه الخبر احزننى ، علشان اهدرنا ثرواتنا بايدينا وبقينا شحاتين وعالة على باقى الدول

**سمير يونس** · 17-05-2008 10:35 AM

المشاركة الأصلية كتبت بواسطة casber

منقول عن جريدة الاتحاد

قد ايه الخبر احزننى ، علشان اهدرنا ثرواتنا بايدينا وبقينا شحاتين وعالة على باقى الدول

و لا زال مسلسل الإهدار مستمراً

حسبي الله و نعم الوكيل في كل واحد باع ثروات البلد برخص التراب و حولنا إلى شعب من المتسولين نتسول رغيف الخبز من خلق الله

**Islam_galal** · 17-05-2008 11:13 AM

طول عمرنا بناخد اعانات ، الموضوع قديم و مفيش اي محاولة لتغييره

**wawoo** · 17-05-2008 11:17 AM

المشاركة الأصلية كتبت بواسطة casber

منقول عن جريدة الاتحاد

قد ايه الخبر احزننى ، علشان اهدرنا ثرواتنا بايدينا وبقينا شحاتين وعالة على باقى الدول

يا سيدى شحاتين اية بس , لية الكلام الكبير دة , عموما شكرا على الهدية , دى هدية مقبولة و مصر خيرها على العرب كلهم , مافيش ما يمنع من تقديم هداية او اعنات فى الاوقات الحرجة .

**OlaOsman** · 17-05-2008 11:20 AM

كنا زمان بلد زراعي مالناش زي.. دلوقتي مش لاقيين القمح اللي ناكل بيه رغيف عيش

**wawoo** · 17-05-2008 11:27 AM

المشاركة الأصلية كتبت بواسطة OlaOsman

كنا زمان بلد زراعي مالناش زي.. دلوقتي مش لاقيين القمح اللي ناكل بيه رغيف عيش

زمان دة من كام سنة بالضبط , مصر كان بلد زراعية اة , بس احنا دلوقتى عددنا 78 مليون , يعنى شوفى عدد ا لسكان تضاعف كام مرة و الارض الزراعية هى هى و كمان بتقل نتيح النمو السكانى, دة غير انا مصر ببتحول من دولة زراعية لدولة صناعية , و بالرغم من كدة كل الناس بتاكل و الحمد لله مافيش مشاكل جمدة , روحو بقى دارفور و شوفو الناس بتموت من الجوع بجد .

**OlaOsman** · 17-05-2008 11:40 AM

المشاركة الأصلية كتبت بواسطة wawoo

زمان دة من كام سنة بالضبط , مصر كان بلد زراعية اة , بس احنا دلوقتى عددنا 78 مليون , يعنى شوفى عدد ا لسكان تضاعف كام مرة و الارض الزراعية هى هى و كمان بتقل نتيح النمو السكانى, دة غير انا مصر ببتحول من دولة زراعية لدولة صناعية , و بالرغم من كدة كل الناس بتاكل و الحمد لله مافيش مشاكل جمدة , روحو بقى دارفور و شوفو الناس بتموت من الجوع بجد .

ماهي المصيبة اننا لا حصلنا دولة زراعية و لا صناعية

**hazem_khidr** · 17-05-2008 03:28 PM

ايام سيدنا يوسف كنا بنأكل كل البلاد المجاوره !!!!!!!
دلوقتي بقينا شحاتين :(
حسبي الله و نعم الوكيل

**Ahmed Samy** · 17-05-2008 04:42 PM

المشاركة الأصلية كتبت بواسطة wawoo

يا سيدى شحاتين اية بس , لية الكلام الكبير دة , عموما شكرا على الهدية , دى هدية مقبولة و مصر خيرها على العرب كلهم , مافيش ما يمنع من تقديم هداية او اعنات فى الاوقات الحرجة .

بس و النبي
بلاش كلام التخدير ده
الكلام مش كبير و لا حاجة .......المصيبة هي اللي كبيرة
طبعا دي شحاته رسمي
هيا الهدايا دي مش بتكون متبادلة ؟؟
طب ياللا نشد حيلنا و نهديلهم مليون طن تراب حتى ان كنا نقدر

اما مصر خيرها على العرب دي بقى ................
انا اسف اني اقول لكل من مازال يجد لهذه الكلمة طعم انه يعيش في امجاد انتهت ... و من زمان
و ذكرها لا يزيد طعمها الا مرارة

لقد انحدرت هذه البلاد الحرة العظيمة بأيدي ابناءها الخونة و المرتزقين الى اسافل البلدان

و أصبح كل من هب و دب يلقي بالمعونة و (الهدية) و المساعدة و (المكافأة) لمجرد فرض عباءته على جبين مصر

الف خسارة يا بلدي
انا بادمع و الله