صباح الخير
انا معايا تيجوان 2014 فتيس dsg 6 نقلات بس الكلام المكتوب ان ال dsg 6 كان فی الموديلات القديمة و بعد كدا نزلو ال 7 ف هل ره طبيعی ان تكون 2014 dsg 6 و لو اه ری حاحة كويسة ولا لا ؟
عرض للطباعة
صباح الخير
انا معايا تيجوان 2014 فتيس dsg 6 نقلات بس الكلام المكتوب ان ال dsg 6 كان فی الموديلات القديمة و بعد كدا نزلو ال 7 ف هل ره طبيعی ان تكون 2014 dsg 6 و لو اه ری حاحة كويسة ولا لا ؟
موضوع اكثر من رائع
كل الشكر والتقدير للمهندس فرحات صاحب الموضوع وطبعا المهندس هانى
انا عن نفسى قرأته كاملا من اول صفحة لاخر صفحة واستفدت منه كتييييييير اوى ..
اتمنى ان المهندس فرحات والمهندس هانى يكملو متابعة مع الناس ويفيدونا عن الجديد فى الموضوع وهل المشاكل اتحلت ولا لسة ؟
ولى استفسار ( للمتخصصين ) وارجو الاجابة بستفاضة مع التفاصيل لو تكرمتو ..
وهو ايه احسن عربية حاليا فى 2015 ؟
من ناحية اداء المتور على بنزين 92 وافضل فتيس من ناحية الاعتمادية وعدم وجود مشاكل سواء كانت المانى او يابانى او غيره
وشكرا مقدما (:
السلام عليكم و رحمة الله وبركاته
انا عندي جيتا 2011 دي اس جي 7 غيار طبعا المهم و انا سايق امبارح لاقيت العربيه علي التاني و مش عايزه تغير قومت مبطل العربيه و دورتها تاني لقيتها اشتغلت تمام المهم ركنت العربيه شويه و شغلتها لقيتها بتنقل علي السرعات الزوجيه بس ياعني من التاني للرابع للسادس المهم بطلتها و دوروت علي طول لقيتها اشتغلت عادي و مافيش مشاكل
برجاء يا اخواني ضرورة ان حد يفهمني ايه ده لان بطني و جعتني جدا جدا جدا
اخوكم محمود
شكراااااااااااااااا
الشكر قليل والله
قرأته من الاول للاخر
بشتري باسات ٢٠١٢ توب لايت ( بالاوتو هولد ) عامله ١٠٠ الف كم وربنا معايا واكون ما اخترتش غلط
خبرتي السيئة مع فولكس باسات ...السيارة الأولي 2009 أول الفتيس DSJ عملت الرجة المشهورة وتم الذهاب للتوكيل وعمل Software جديد ورجعت الرجة بعد 500 كم . بعتها بالخسارة ...اشتريت سيارة باسات موديل 2014 لانهم قالولي في التوكيل المشكلة دي تلافيناها بعد 2012 عملت نفس الحركة وبدأت تعمل بدرياج واحد وهو الناقل المزدوج فكانت تقفز من 2 الي 4 الي 6 ذهبت للتوكيل طلبو مني 76 ألف جنيه وافقت وطلبوا الموافقة مكتوبة باليد ...انتظرت شهر ولم يحدث شيء ذهبت لهم قالوا محتاجة تغيير قطعة كاملة ( فتيس كامل ) ولسه المانيا ما ردتش معاك من 3 الي 6 شهور ...طلبت آخذها علشان أصلحها في الحرفيين كانت المعاملة زي الزفت وطلبوا 50 ج أرضية عن كل يوم ... دفعت وصلحتها في الحرفيين ب 25 ألف ....اشتريت باسات لثالث مرة بعد أن وعدوني أن الضمان علي الفتيس مدي الحياة 2015 عملت نفس الحركة علي 22 ألف كيلو روحت التوكيل قالوا الضمان انتهي من أسبوع لأن الضمان ثلاث سنوات وكانت العربية 27/1/2015 ....لطبعا بتسألوني خبرتي إيه بعد ثلاثة سيارات فولكس باسات ...أقولكم كلمة رئيس الوزراء السابق ( شركة فولكس عاملة زي الؤلويز بتاع الستات أنظف حاجة في أوسخ مكان ) ...وآسف علي التشبيه ...لكن ده ملخص شعوري ... أما التعبير المؤدب فلا يسعني الا أن أقول حسبنا الله ونعم الوكيل ...(يَا أَيُّهَا الَّذِينَ آَمَنُوا لَا تَأْكُلُوا أَمْوَالَكُمْ بَيْنَكُمْ بِالبَاطِلِ إِلَّا أَنْ تَكُونَ تِجَارَةً عَنْ تَرَاضٍ مِنْكُمْ وَلَا تَقْتُلُوا أَنْفُسَكُمْ إِنَّ اللهَ كَانَ بِكُمْ رَحِيمًا * وَمَنْ يَفْعَلْ ذَلِكَ عُدْوَانًا وَظُلْمًا فَسَوْفَ نُصْلِيهِ نَارًا وَكَانَ ذَلِكَ عَلَى اللهِ يَسِيرًا )
م/ فرحات
م/ هاني
بارك الله فيكم موضوع ممتع ومناقشات راقية