المشاركة الأصلية كتبت بواسطة ashraf_ibrahim
ازيكم يا شباب
يارب تكونوا بخير جميعا
دلوقتي فيه شيء غريب بقا بيحصل معايا
انا بسوق من وانا في خامسة ابتدائي يعني تقريبا بقالي 14 سنة تقريبا
كان فيهم 4 سنوات في النص انقطاع تام تقريبا عن القيادة ورجعت اسوق تاني من سنتين تقريبا
كنت بسوق في الخليج بحكم اننا قاعدين هناك وكانت اقل سرعة بسوق عليها 120
لما سوقت هنا مانكرش اني احيانا بجري لكن بقيت بحس ان سرعة 100 كم سرعة جيدة جدا لتدارك كل الاخطاء اللي ممكن تحصل في الطريق
مش دي المشكلة!
المشكلة ان من اللي بشوفه من السواقين هنا سواء الميكروباصات او سواقين الملاكي والتاكسيات والتريلات طبعا بقيت مبآمنش اني اركب مع حد وهو يسوق وبقيت بأصر اني انا اللي اسوق حتى لو كنت مرهق بقيت أصر اني لازم أسوق ومبطمنش لسواقة حد
دا مش لأني الافضل في السواقة طبعا لأن اكيد فيه احسن مني بس بقيت بخاف ان اي غلطة او غفوة من اي حد سايق تبهدل الدنيا
انا عايز اعرف ايه سر الاحساس او الحالة دي؟!
حتى والدي لما بيسوق وانا ببقا قاعد معاه في العربية بكون مركز جدا معاه وهو سايق -رغم ان هو اللي علمني السواقة اصلا - وساق العربية مرتين رايح جاي من سلطنة عمان لمصر يعني ما يقارب من 4000 كم متواصل ذهابا وايابا مرتين دا غير العمرات اللي عملها وكله كان بالعربية يعني خبرته في السواقة كبيرة جدا
بس للأسف التعامل مع الطرق المصرية اداني احساس بعدم الأمان مطلقا وإني لابد أكون المتحكم في عجلة القيادة ودواسات البنزين والفرامل !
يا ترى هل انا لوحدي كدة واللا فيه ناس هنا زيي كدة؟!
دا من ناحية من ناحية تانية ايه رايكم في احساسي او اللي انا فيه دا ؟!
المفضلات