مشكلة مع لينك

**hobby10** · 10-10-2011 04:06 PM

الموضوع باختصار ان اختى كانت عاوزةتدخل نت فى البيت وانا مشتركة فى لينك من زمان وكويسين اتصلت سالت على العرض الحالى للمشتركين الجدد قالولى من ضمن الكلام ان فى راوتر مجانى وكنت بسال وقتها على سرعة 512 غير محدودة وربنا الهمنى وسالت الراوتر جديد ولا مستعمل قالتلى انه طبعا جديد ... قدمنا وجينا نستلم الراوتر لاقيته مستعمل وطبعا الكلام اتغير وهو ان ال 512 بيطلع معاها راوتر مستعمل مخرج واحد - الراوتر سبيد تاتش - بس طبعا بيتاجر فى العادى وحالته صعبة

وهم حاطين طبعا شرط للى حياخد الراوتر ان مينزلش السرعة خلال سنة وكمان لو شال الخدمة حيدفع 199 !!!! ..... ولما قولتله كده قالى لا انتى على شريحة التأجير (وطيب وايه اللى يثبت اى حاجة فى شغل الهبل اللى بيعملوه ده)

عاوزة اقولكم انه مستفزين جدا وكل واحد بيقول الكلام اللى على مزاجه

طبعا كلكم عارفين ان اتصالات ومتهيقلى باقى الشركات كمان عاملين كلهم دلوقتى نفس العرض تقريبا والاهم ان الراوتر لنفس السرعة بيكون جديد و4 port ووايرلس كمان

انا قدمت شكوى بس محدش كلمنى ولا حاجة لسه
ودلوقتى انا مش عارفة الغى الموضوع منهم وده معناه 3 اسابيع وبعدين اسبوعين للشركة الجديدة - اللى انا اصلا مش عارفة اختار حتكون مين - ولا لو مردوش خلال يومين اشترى راوتر انا واشغل الخدمة وخلاص ...

**hobby10** · 10-10-2011 07:04 PM

ايه ياجماعة كله مشاهدات !!

**HeMa_LanCeR** · 10-10-2011 07:07 PM

اتصلي بيهم وقوليلهم انا عايزة اوقف الخدمة لأن من الواضخ مافيش احترام للعميل

**hobby10** · 11-10-2011 12:31 AM

المشاركة الأصلية كتبت بواسطة hema_lancer

اتصلي بيهم وقوليلهم انا عايزة اوقف الخدمة لأن من الواضخ مافيش احترام للعميل

شكرا لرد حضرتك ... اتمنى من الناس تشاركنى برأيهم :(

**Khaled_Nowaihy** · 11-10-2011 12:43 AM

استفيدى من العرض وخذى الراوتر واستخدميه مؤقتاً ... أنا جربت النوع ده وهو كويس وسريع
وكمان فيه ميزة انه لو باظ أو حصل فيه مشكلة الشركة ملزمة تغيره لك بواحد غيره

لما حضرتك قلتى لهم مش عاوزة الراوتر قالوا لك ايه بالضبط ؟