الموضوع: مراحل توضيب الشقة من الألف للياء

الاول مبروك عليك الشقة و ربنا يبارك لك فيها

الاول هتشتغل فى الكهرباء و هتحدد للكهربائى اماكن تقريبية للفيش و البرايز و التليفزيون و التكييفات حتى لو مش هتركبها اول ما تتجوز ان شاء الله عشان تعمل حسابك فى توزيع اماكن علب الكهرباء و طالما انت مستلم الشقة ع المحارة فهضطر تكسر فى المحارة عشان خراطيم و مواسير الكهرباء و هتشترى الاسلاك و يشدها الكهربائى و من الافضل طبعا الاسلاك تكون السويدى او جدة و بلاش الرخيص فى حاجات الكهربا و السباكة بالذات و موضوع الكهربا هيتكلف مونة و اجرة حوالى 3500 - 4000 جنيه ، بعد كده هتشتغل شغل السباكة و هتجيب مواسير بولى بروبلين قطر 2/1 او 4/3 بوصة على حسب دخلة المياه العمومية اللى داخلة شقتك و فى الاغلب هتلاقيها 2/1 بوصة و الافضل مواسير باننجر BR او الشريف و الاتنين ممتازين و عليهم ضمان 10 سنين و كمان هتحدد مكان حوض الوش و البانيو و حوض المطبخ و مكان السخان و غسالة الملابس لو اتوماتيك و غسالة الاطباق عشان السباك يعمل حسابهم فى الصرف بتاعهم و ليلة السباكة مونة و اجرة هيعمل فى حدود 3000 جنيه ، بعد كده هتخش على سكة الكرانيش و بالمرة المبيض اللى هيعملك الكرانيس يلملك مرمات المحارة اللى اتكسرت و انت بتركب خراطيم الكهربا ، شوف هتعمل الكرانيش ايه فيوتك جاهزة و لآ كرانيش صب و لآ تمشية و طبعا مفيش كرانيش فى المطبخ و الحمام دلوقتى و تسحب سقف الشقة كله مصيص بالمطبخ و الحمام و ممكن النقاش يبقى يسحب السقف معجون بدل المصيص و لو انه هياخد معجون كتير و انت بتعمل المصيص او الكهربائى و هو بيشد السلوك متنساش تركب جنشات حرف s عشان النجف او مراوح السقف لو ركبت بعد كده تكلفة الكرانيش العادية تعمل حوالى 2500 جنيه ، كده انت خلصت كهربا و سباكة و جبس هتنضف الشقة مكان التكسير و ساقط الجبس و قدامك سكة من اتنين يا تسحب الحوائط و الاسقف سكينة معجون او تبتدى فى الارضيات ، لو هتبتدى فى الارضيات هتشون الرمل و الاسمنت و شوف هتشطب الارضيات ايه و فى الاغلب سيراميك او بورسلين هتشوف مساحات الارضيات كام و هتعمل الغرف نفس بلاطة الرسيبشن او هتغير شوف براحتك هتعمل ايه و كمان متنساش حساب وزرة الارضيات و كمان حوائط المطبخ و الحمام و لو مش هتعرف ترفعهم ييجى المبلط يرفع المساحات و الافضل سيراميكا كليوباترا او الجوهرة او رويال و الفرز الاول فى الارضيات هيعمل فى حدود 35-40 جنيه و الحوائط حسب مقاس البلاطة بس فى حدود 30 - 40 جنيه و اجرة المبلط فى حدود 12 - 18 جنيه حسب مكان الشقة ، بعد كده هتدخل على النجارة و شوف هتجيب ابواب جاهزة و لآ هتفصل و كمان شوف الشبابيك الوميتال و لآ خشب تكلفة الباب بمفصلاته ب كالونه بتركيبه فى حدود 450 جنيه و لو تفصيل فى حدود 700 جنيه ، و بعد كده شغل النقاشة و المتر مصنعيات فى حدود 10-12 جنيه و قطعة الخشب فى حدود 50-70 جنيه و افضل انواع البلاستيك يوتن او سايبس ، و بعد كده هتشطب الكهربا زى اللقم و الوشوش و تشطب السباكة زى طقم الصحى و الخلاطات نسيت اقلك ان البانيو هيركب قبل ما بتاع السيراميك يشتغل عشان يقفل حواليه ، التكلفة الاجمالية لشقة مساحة 80 متر هتبقى فى حدود 35000 تقريبا ، يارب اكون عرفت افيدك و مبروك :)

شوف يا سيدى
لما ربنا يكرمك وتشطب وتوصل ان شاء الله لمرحلة العفش ابقى قوللى وانا اظبطك هاتنزلى دمياط وتنقى اللى انت عايزة من عندى يا عم
بالتوفيق

المشاركة الأصلية كتبت بواسطة abouelmaggd

الاول مبروك عليك الشقة و ربنا يبارك لك فيها

الاول هتشتغل فى الكهرباء و هتحدد للكهربائى اماكن تقريبية للفيش و البرايز و التليفزيون و التكييفات حتى لو مش هتركبها اول ما تتجوز ان شاء الله عشان تعمل حسابك فى توزيع اماكن علب الكهرباء و طالما انت مستلم الشقة ع المحارة فهضطر تكسر فى المحارة عشان خراطيم و مواسير الكهرباء و هتشترى الاسلاك و يشدها الكهربائى و من الافضل طبعا الاسلاك تكون السويدى او جدة و بلاش الرخيص فى حاجات الكهربا و السباكة بالذات و موضوع الكهربا هيتكلف مونة و اجرة حوالى 3500 - 4000 جنيه ، بعد كده هتشتغل شغل السباكة و هتجيب مواسير بولى بروبلين قطر 2/1 او 4/3 بوصة على حسب دخلة المياه العمومية اللى داخلة شقتك و فى الاغلب هتلاقيها 2/1 بوصة و الافضل مواسير باننجر br او الشريف و الاتنين ممتازين و عليهم ضمان 10 سنين و كمان هتحدد مكان حوض الوش و البانيو و حوض المطبخ و مكان السخان و غسالة الملابس لو اتوماتيك و غسالة الاطباق عشان السباك يعمل حسابهم فى الصرف بتاعهم و ليلة السباكة مونة و اجرة هيعمل فى حدود 3000 جنيه ، بعد كده هتخش على سكة الكرانيش و بالمرة المبيض اللى هيعملك الكرانيس يلملك مرمات المحارة اللى اتكسرت و انت بتركب خراطيم الكهربا ، شوف هتعمل الكرانيش ايه فيوتك جاهزة و لآ كرانيش صب و لآ تمشية و طبعا مفيش كرانيش فى المطبخ و الحمام دلوقتى و تسحب سقف الشقة كله مصيص بالمطبخ و الحمام و ممكن النقاش يبقى يسحب السقف معجون بدل المصيص و لو انه هياخد معجون كتير و انت بتعمل المصيص او الكهربائى و هو بيشد السلوك متنساش تركب جنشات حرف s عشان النجف او مراوح السقف لو ركبت بعد كده تكلفة الكرانيش العادية تعمل حوالى 2500 جنيه ، كده انت خلصت كهربا و سباكة و جبس هتنضف الشقة مكان التكسير و ساقط الجبس و قدامك سكة من اتنين يا تسحب الحوائط و الاسقف سكينة معجون او تبتدى فى الارضيات ، لو هتبتدى فى الارضيات هتشون الرمل و الاسمنت و شوف هتشطب الارضيات ايه و فى الاغلب سيراميك او بورسلين هتشوف مساحات الارضيات كام و هتعمل الغرف نفس بلاطة الرسيبشن او هتغير شوف براحتك هتعمل ايه و كمان متنساش حساب وزرة الارضيات و كمان حوائط المطبخ و الحمام و لو مش هتعرف ترفعهم ييجى المبلط يرفع المساحات و الافضل سيراميكا كليوباترا او الجوهرة او رويال و الفرز الاول فى الارضيات هيعمل فى حدود 35-40 جنيه و الحوائط حسب مقاس البلاطة بس فى حدود 30 - 40 جنيه و اجرة المبلط فى حدود 12 - 18 جنيه حسب مكان الشقة ، بعد كده هتدخل على النجارة و شوف هتجيب ابواب جاهزة و لآ هتفصل و كمان شوف الشبابيك الوميتال و لآ خشب تكلفة الباب بمفصلاته ب كالونه بتركيبه فى حدود 450 جنيه و لو تفصيل فى حدود 700 جنيه ، و بعد كده شغل النقاشة و المتر مصنعيات فى حدود 10-12 جنيه و قطعة الخشب فى حدود 50-70 جنيه و افضل انواع البلاستيك يوتن او سايبس ، و بعد كده هتشطب الكهربا زى اللقم و الوشوش و تشطب السباكة زى طقم الصحى و الخلاطات نسيت اقلك ان البانيو هيركب قبل ما بتاع السيراميك يشتغل عشان يقفل حواليه ، التكلفة الاجمالية لشقة مساحة 80 متر هتبقى فى حدود 35000 تقريبا ، يارب اكون عرفت افيدك و مبروك :)

انت افادتنى جدا ربنا يكرمك يارب

المشاركة الأصلية كتبت بواسطة magid1010

الف شكر للمعلومات الجميله دى و خد كمان اللينكن دول
http://www.nilemotors.net/nile/162728-a.html
http://www.nilemotors.net/nile/216372-a.html

شكرا على المواضيع الهايلة دى

المشاركة الأصلية كتبت بواسطة hamada2u2000

شوف يا سيدى
لما ربنا يكرمك وتشطب وتوصل ان شاء الله لمرحلة العفش ابقى قوللى وانا اظبطك هاتنزلى دمياط وتنقى اللى انت عايزة من عندى يا عم
بالتوفيق

ده انا يبقى ليا الشرف يا باشا بس ادعيلى ربنا يقدرنى على التشطيب الأول وبعد كده ادخل على العفش باذن الله

ياريت حد يفيدينى فى اماكن شراء خامات الكهرباء والسباكة عشان اشتريهم مرة واحدة إن شاء الله ولو حد يعرف صنايعية كويسين ياريت يدينى ارقام تليفوناتهم وجزاكم الله خيرا

الكهربا من العتبه و السباكه من السبتيه

المشاركة الأصلية كتبت بواسطة شريف

الكهربا من العتبه و السباكه من السبتيه

مظبوط ، و لو الشقة بعيدة عن المناطق دى ممكن تشترى من اى حد يكون مضمون جنبك و بالذات فى اسلاك الكهربا و هتلاقى الاسعار حاليا مش فارقة كتير عن سوق الكهربا فى العتبة .

هات سلك الكهرباء من محل جبريل فى العتبة عند المطافى كدا حاجاته اصلية ومضمونة 100 % اما مواسير المياه لو هتجبها الشريف هاتها من محل مهنى الاسيوطى من السبتية .... السيراميك افضل وارخص مكان منطقة المهاجرين فى عين شمس فيها كل التوكيلات بتاعت السيراميك ....