تقرير مصور عن الكروز lt 2010

**mhmdalsaadany** · 14-10-2011 03:58 PM

طيب بالنسبه للاسعار ايه النظام كانوا عاملين كام طيب معلش انا ليا ملحوظه صغيره جداا واسف جدا جدا ليكوا انا بصراحه كنت مركب الستاره دي عندي في الفرنا وكانت لسه نازله وكان شكلها تحفه ومره وانا سايق سمعت صوت رزع جامد جدا جدا واترعبت ببص لقيت الستاره مقفوله اتاري الدبل فيس فك والستاره السوسته لمت بس من ارتفاع وعملت صوت رعد المهم جبت دبل فيس ثري ام وركبته كنت كل ما اركن العربيه في الشمس لازم انزل اغير الدبل فيس لحد مازهقت وقرفت جدا منها بس بصراحه شكلها تحفه جدا جدا وعلى الطبيعه احلى بكتير بس عيبها الوحيد الدبل فيس وطبعا كل مره اقعد اشيل القديم من الحامل وانضفه والزق الجديد واقعدت مره اخربش فيه ومره جبت كوله وعملت المستحيل وبرضه مفيش فايده ربنا يبارك لكم فيها ويكفيكم شرها ان شاء الله ويطلع حظكم احلى من حظي ان شاء الله

**mido** · 14-10-2011 05:25 PM

انا ماجاش فى دماغى موضوع الحر ده انا اصلا معرفش ان الستاره دى موجوده...هشوف كده هتعيش قد ايه

**dr_darsh** · 16-10-2011 01:02 AM

ان شاء الله مافيش مشاكل ...أنا كنت مركبها فى الانسر وفضلت معايا سنة كويسة الحمد لله وعلى فكرة انا كنت شغال الأول فى شمال سيناء وهناك كنت باسيب العربية فى الشمس بالأسبوع ماكنش فيه اى ظل خالص ...وربنا يسترها ان شاء الله

**mhmdalsaadany** · 16-10-2011 04:35 PM

ان شاء الله يا فندم ربنا يسترها ويبارك لكم فيها ان شاء الله اخبار الكروز ايه دلوقتي مع حضرتك ولو ممكن تقولنا ايه تقيمك للعربيه دلوقتي يعني لو كنت خايف من حاجه فيها قبل ما تشتريها ودلوقتي مش لاقيها فيها او كان مجرد كلام الناس بتقوله وخلاص ولا فعلا مش قد توقعاتك

**ramy87** · 16-10-2011 07:38 PM

ما شاء الله لا قوة إلا بالله
تقرير ممتاز
الله يحفظهالك

**mido** · 17-10-2011 12:21 AM

المشاركة الأصلية كتبت بواسطة dr_darsh

ان شاء الله مافيش مشاكل ...أنا كنت مركبها فى الانسر وفضلت معايا سنة كويسة الحمد لله وعلى فكرة انا كنت شغال الأول فى شمال سيناء وهناك كنت باسيب العربية فى الشمس بالأسبوع ماكنش فيه اى ظل خالص ...وربنا يسترها ان شاء الله

مره تانيه الف شكر على المعلومه الحلوه :)

**dr_darsh** · 27-10-2011 01:39 AM

المشاركة الأصلية كتبت بواسطة mhmdalsaadany

ان شاء الله يا فندم ربنا يسترها ويبارك لكم فيها ان شاء الله اخبار الكروز ايه دلوقتي مع حضرتك ولو ممكن تقولنا ايه تقيمك للعربيه دلوقتي يعني لو كنت خايف من حاجه فيها قبل ما تشتريها ودلوقتي مش لاقيها فيها او كان مجرد كلام الناس بتقوله وخلاص ولا فعلا مش قد توقعاتك

أولا : أعتذر عن التاخير فى الرد بس بسبب خارج هن ارادتى والله
ثانيا : اشكر مرور حضرتك ومتشكر جدا على ردك
بالنسبة للعربية انا حتى الأن انا مشيت بيها 2600كم والحمد لله راى مش اتغير عنها
بالنسبة للى كنت خايف منه قبل ماأشتريها حاجتين السحب والمطبات بالنسبة لسحب العربية انا كنت مهيأ نفسيا انه يكون ضعيف وبالتالى مش صدمنى أول ما سقتها وزى انا ما وضحت فى التقرير هى قريبه بعض الشئ من الأوكتافيا وبالتالى مش حستها جديده .... بالنسبة للمطبات خابت توقعاتى تماما انا كنت متخيلها واطيه جدا بس بجد العربية ممتازه انا الأسبوع ده كنت مسافر والعربية كان فيها 5 ركاب والشنطة مليانه الحمد لله العربية كانت كويسة جدا جدا
لكن انا ليا ملحوظتين عليها
-الاسبوع اللى فات حاولت أشوف العربية هتوصل كام .. لقيتها وصلت معايا ل 175كم/س وبعدها تقريبا ماتت على عكس الأوكتافيا وصلت معايا ل 200 كم/س
- البنزين : النهارده حسبت الإستهلاك بس وسط المدينه والسفر على طرق زراعية مليانه مطبات يعنى مطب كل 2-3 كم تقريبا لقيتها استهلاكت لتر بنزين لكل 7.5 كم يعنى تقريبا 145كم / الصفيحة انا حاسس ان ده كتير بس ان شاء الله لما أحسبها فى طريق سريع هاقولكم طبعا