الموضوع: وداع ياشوارع

المشاركة الأصلية كتبت بواسطة م/مصطفى محمود

بص انا حاليا فى الجيش ، بجد بجد أيام جميلة جدا

بغض النظر عن إنك هتتسحل وهيطلع عينك وهتكره اليوم اللى أتولدت فية ، بس الصحبة اللى هتبقى معاك بجد هتخليها أيام متتنسيش ، متخدشي أى حاجه على قلبك ، عيش الموضوع كأنة تجربة جديدة

متنساش تاخد معاك ( غيارات داخلية كتير + فوطة + 3 أقفال + مكن حلاقة + كريم حلاقة (هتحلق على الناشف كده كده :d ) + مراية + ورنيش + 4 فرش جزم (ضروري جدا) + رباط بيادة طويل + مزيل عرق + ديتول وبخاخة علشان لزوم النضافة + صابون + صبانة + مناديل وايبس ديتول (مفيدة ) + معالق بلاستك (علشان مش كل لما تروح الميز ترجع تغسل المعلقة أو تضيع أو أو ) + بدرة رجل (مهمة جدا جدا) + شرابات ميري (من عند الشيشينجي ب 10 ج الواحد بس كويس ) هات 3 + كشاف صغير+ قصافة + أحلق شعرك على 1/2 قبل ما تروح (علشان لو الفترة طالت هيحلقولك جوة ومتضمنش) + كروت ميناتيل (تأكد من شعار ميناتيل ) ومتكترش علشان ممكن ميكونشي في كبائن جوة :d

غير كده بقى ، سيب نفسك خااااااااااااااااااااالص وأعتبر إنك فى حاجة كوميدية ، متخليش أبدا صول ملوش لازمة يقولك كلمة ملهاش لازمة ، خليك فى السليم وأعمل اللى يتقالك وخلاص ، لو لقيت واحد متزمر كتيير وكده فكك منة وخليك مع المتفائل واللى بيهزر كتير (هيهون عليك الوقت أوي)

والرغي ، أنصحك بالرغي ، هتلاقي معاك ناس من مختلف الثقافات ، أرغي كتييييييير بجد بيهون وكمان بيحسسك أنك فى رحلة ، احنا كنا بنتناقش فى نشأة اليهود مع ناس آداب عبري ، وكنا بنتناقش فى حاجات هندسية مع بعض ، وشوية نتكلم فى الكورة ، وشوية نقول نكت (أبعد عن الفوازير لأنك هتمر بمرحلة غباء ومش هتعرف تجاوب على حاجه :d )

وربنا يهون عليك الأيام وتعدي (صحيح انت سلاح أية ولا لسة متعرفش ؟)

كل الكلام اللى بتقوله ده زى الفل فكرتنى بالايام اللى ما يعلم بيها ربنا دى انا دخلت الجيش من 11 سنه بس مش قادر انسى بالذات اول يوم كان يوم صعب اوى , ربنا يهون الجيش على كل الناس اللى داخله وايام وبتعدى بسرعه ان شاء الله .

ربنا معاكو و يصبركو و يعدي الايام دي علي خير
انا الحمد الله ربنا كرمني و خدت اعفاء بس كنت بشوف اصحابي اللي دخلو الجيش بيكون شكلهم ازاي في الاجازة

كلنا لها ...

انا لم ادحل الجيش
و لكن حاول تتأقلم مع وضعك بسرعه
و ما تخليهاش ايام و تعدى
حاول تستفيد منها
صدقنى هاتخرج متغير حاجات كتير جواك
ممكن تكون زيادة كرهك للبلد
و ممكن تكون تربية احساسك بوطنك و تحمل مسئوليه و جلد اكبر
كله على حسب انت مهئ نفسك لأيه

ربنا يسهل .....
انا مش زعلان انى داخل الجيش الموضوع بنسبالى كان عادى
انا يوم الارجاء كان قائد المنطقه بيشتغلنا وافتكرت انى طلعت ارجاء موليد كنت زعلان
بس بعد كده عرفت انى لبست وسعتها زعلت اكتر

الفيديو ده باخنق بيه على واحد صاحبي لبس احتياط هههههههههههههههههههه

ليك يوم تقع تحت ايده وسعتها هيطلع عليك ارف ال 3 سنين

مشكله الجيش في مركز التدريب لكن بعد كده في وحدتك بتعرف تظبط و كل مابتقدم بتفهم و تعرف تمشي نفسك.

اهم حاجه ماتخدش كل حاجه على صدرك و خليك فريش ( حب الجيش يكرهك .... اكره الجيش يحبك ) هههههه

ممممم.....حكم..ههههه

بص انا حاليا فى الجيش ، بجد بجد أيام جميلة جدا

بغض النظر عن إنك هتتسحل وهيطلع عينك وهتكره اليوم اللى أتولدت فية ، بس الصحبة اللى هتبقى معاك بجد هتخليها أيام متتنسيش ، متخدشي أى حاجه على قلبك ، عيش الموضوع كأنة تجربة جديدة

متنساش تاخد معاك ( غيارات داخلية كتير + فوطة + 3 أقفال + مكن حلاقة + كريم حلاقة (هتحلق على الناشف كده كده :d ) + مراية + ورنيش + 4 فرش جزم (ضروري جدا) + رباط بيادة طويل + مزيل عرق + ديتول وبخاخة علشان لزوم النضافة + صابون + صبانة + مناديل وايبس ديتول (مفيدة ) + معالق بلاستك (علشان مش كل لما تروح الميز ترجع تغسل المعلقة أو تضيع أو أو ) + بدرة رجل (مهمة جدا جدا) + شرابات ميري (من عند الشيشينجي ب 10 ج الواحد بس كويس ) هات 3 + كشاف صغير+ قصافة + أحلق شعرك على 1/2 قبل ما تروح (علشان لو الفترة طالت هيحلقولك جوة ومتضمنش) + كروت ميناتيل (تأكد من شعار ميناتيل ) ومتكترش علشان ممكن ميكونشي في كبائن جوة :d

غير كده بقى ، سيب نفسك خااااااااااااااااااااالص وأعتبر إنك فى حاجة كوميدية ، متخليش أبدا صول ملوش لازمة يقولك كلمة ملهاش لازمة ، خليك فى السليم وأعمل اللى يتقالك وخلاص ، لو لقيت واحد متزمر كتيير وكده فكك منة وخليك مع المتفائل واللى بيهزر كتير (هيهون عليك الوقت أوي)

والرغي ، أنصحك بالرغي ، هتلاقي معاك ناس من مختلف الثقافات ، أرغي كتييييييير بجد بيهون وكمان بيحسسك أنك فى رحلة ، احنا كنا بنتناقش فى نشأة اليهود مع ناس آداب عبري ، وكنا بنتناقش فى حاجات هندسية مع بعض ، وشوية نتكلم فى الكورة ، وشوية نقول نكت (أبعد عن الفوازير لأنك هتمر بمرحلة غباء ومش هتعرف تجاوب على حاجه :d )

وربنا يهون عليك الأيام وتعدي (صحيح انت سلاح أية ولا لسة متعرفش ؟)

ايوه كده هى دى المشاركات الى تفتح النفس
ان شاء الله هيكون جيش زى الفل وتجربه جديده
ان شاء الله هجمع الحجات ده قبل مترحل
بس فين الشيشنجى ده ؟
وكروت مناتيل ده لسه بتتباع اصلا ؟
وهو اساسى ميناتل الى بيكون جوه ولا فى شركات تانيه ؟

انا هسييب نفسى خالص مع الريح مطرح متودينى ....

انا لسه مش عرفت السلاح هو مكتوب فى ال 110 سماع السلاح يوم 19 ان شاء الله وتقريبا الترحيل بيكون تانى يوم

كل الكلام اللى بتقوله ده زى الفل فكرتنى بالايام اللى ما يعلم بيها ربنا دى انا دخلت الجيش من 11 سنه بس مش قادر انسى بالذات اول يوم كان يوم صعب اوى , ربنا يهون الجيش على كل الناس اللى داخله وايام وبتعدى بسرعه ان شاء الله .

امين

الشيشينجي ده فى شارع جسر السويس عند كوبري القبة (بعد بنزينة موبيل ) ، يوم الترحيل خد معاك أكل للطريق (مش هيدخلوك بأكل ) والبس لبس بهدلة رياضي (علشان اليوم بيبقى تعب وقعدة فى الأرض واللبس هيتبهدل ، فمتروحشي بحاجه نضيفة أوي ) بخصوص كروت ميناتل اشتريها من أى سنترال (هو المفروض بيبقى فى كبائن المصرية للإتصالات وكباين ميناتل ، بس الجميع أجمع إن كباين المصرية متكسرة فى أغلب المراكز)

وصحيح لو لقيت صف طويل واقف على كبينة مش معنى كده أنها شغالة ، فى الغالب هيكونوا بيشتغلوك (حقيقة بجد :d )

من اولها اشتغلات .....

هو مش فى حد جوه مركز التدريب نفسه يكون بيبيع كروت التليفون؟

الف شكر م/مصطفى محمود تعبتك معايا
انا برده اسمى مصطفى ....كهرباء قوى
انت فى سلاح ايه ؟