الموضوع: استفسار عن الفانتازيا 2011 خليجى ارجو الرد سريعا

والله يا اخوانى انا كنت فى حيره ما بين الخليجى والوكيل ( وبقالى اسبوعين الف فى السوق واقلب قى النت واعمل تليفونات واسال اصحابى واجيب عربية اخويا اقلب فيها لغاية ما اتعلمت الادب ) وقعدت اقول لنفسى بدل ما ادفع 175 الف فى الوكيل اتوماتيك اول فئه موديل 2012 طيب ما اجيب خليجى هاى لاين 2011 و ب188 الف ...... بس بصراحه خفت عشان العربيه غاليه ووارد يطلع عيب فى حاجه وساعتها الواحد هيعمل ايه ...... والسوق المصرى مفيش اوسخ منه ..... والبلد لا فيها لا قانون و لا نيله ..... يعنى المفروض الدوله تلزم المستورد بأن يعطى ضمان للسياره زيه زى الوكيل بالضبط ....... والمستورد بيبيع العربيه من هنا وبعد دقيقه ما يعرفكش ........ومعظم المستوردين بيجيبوا العربيه الخليجى فاضيه عشان يدفع جمارك اقل ويعمل لها شوية اوبشن وتحابيش هنا ....... المهم استقريت على الوكيل والضمان وبناقص السنسور والجنوط والزينون.... وربنا ييسر الامور لنا جميعا ويحفظنا شر الطرق

المشاركة الأصلية كتبت بواسطة elaraby808

والله يا اخوانى انا كنت فى حيره ما بين الخليجى والوكيل ( وبقالى اسبوعين الف فى السوق واقلب قى النت واعمل تليفونات واسال اصحابى واجيب عربية اخويا اقلب فيها لغاية ما اتعلمت الادب ) وقعدت اقول لنفسى بدل ما ادفع 175 الف فى الوكيل اتوماتيك اول فئه موديل 2012 طيب ما اجيب خليجى هاى لاين 2011 و ب188 الف ...... بس بصراحه خفت عشان العربيه غاليه ووارد يطلع عيب فى حاجه وساعتها الواحد هيعمل ايه ...... والسوق المصرى مفيش اوسخ منه ..... والبلد لا فيها لا قانون و لا نيله ..... يعنى المفروض الدوله تلزم المستورد بأن يعطى ضمان للسياره زيه زى الوكيل بالضبط ....... والمستورد بيبيع العربيه من هنا وبعد دقيقه ما يعرفكش ........ومعظم المستوردين بيجيبوا العربيه الخليجى فاضيه عشان يدفع جمارك اقل ويعمل لها شوية اوبشن وتحابيش هنا ....... المهم استقريت على الوكيل والضمان وبناقص السنسور والجنوط والزينون.... وربنا ييسر الامور لنا جميعا ويحفظنا شر الطرق

انت كده هتعمل الصح وتريح دماغك وتلغلى الوساوس اللى ممكن تيجى لوجبت الخليجى وتبقى قلقان وماشى خايف ليطلع فيها حاجه, انا رايي ان راحت البال ووجود ضمان يستاهل اكتر من 10000 جنيه
وبعدين انت تركب للعربية كاميرا خلفيه ب 500 جنيه احسن من السنسورز بكتير
والاكتافيا مش محتاجه جنوط عشان هى كده كده ثابته ماشاء الله
والزينون لو قفشت معاك برضو ب 500 - 1000 جنيه
وبعدين عربيات الوكيل مرتفعه عن مستوى الارض من الخليجى ودى ميزه لاتقدر بمال فى البلد دى لو هتركب معاك ناس بصفة مستمرة
وربنا يباركلك فيها

على رأيك يا اخى كل شويه الواحد يبقى يعمل فيها حاجه مره الزينون ومره السنسور ..... بس هضطر اعملهم فى التوكيل عشان لو عملت بره الضمان هيسقط .....والوكيل مفيهوش كاميرا على حسب ما بسمع فقط سنسور ..... انا مش عارف ايه الغباء ده ..... عربيه فخمه زى دى وغاليه والمانى تشيكى مش عارفين يعملوا كاميرا بدل السنسور ده ..... اذا كان العربيات والاتوبيسات الصينى والكورى بتنزل بكاميرا بتخليك شايف كل حاجه وراك .... حاجه غريبه

المشاركة الأصلية كتبت بواسطة elaraby808

على رأيك يا اخى كل شويه الواحد يبقى يعمل فيها حاجه مره الزينون ومره السنسور ..... بس هضطر اعملهم فى التوكيل عشان لو عملت بره الضمان هيسقط .....والوكيل مفيهوش كاميرا على حسب ما بسمع فقط سنسور ..... انا مش عارف ايه الغباء ده ..... عربيه فخمه زى دى وغاليه والمانى تشيكى مش عارفين يعملوا كاميرا بدل السنسور ده ..... اذا كان العربيات والاتوبيسات الصينى والكورى بتنزل بكاميرا بتخليك شايف كل حاجه وراك .... حاجه غريبه

مين قال ان تركيب كماليتن تخرج من الضمان, طول ما انت مقربتش من ضفيرة الكهرباء يبقى فى السليم, دة نظام توكيل ميتسوبيشى, يمكن حج ارتوك عنده كلام تانى

طيب هو تركيب السنسور مش هيحتاج شغل فى ضفيرة الكهربا ؟؟ ولا هيبقى بعيد عن الضفيره ؟؟؟ بس انا سألت عن تركيب السنسور فى التوكيل تخيلوا قالولى كام ؟؟؟؟؟؟؟؟؟؟ 5000 جينه !!!!!!!! اه والله 5000 جينه ...... ليه انا مش عارف ...... مع انه سنسور عبيط عباره عن صفاره ..... امال لو كان كاميرا ديجتال كان قالولى كام 30000 جينه ..... ان شاالله عن امه ما ركب

انا مش عارف امكانيات السنسور بصراحه وهو مهم جدا فى العربيه ..... بس اركبه ب 5000 جينه ليه ..... بس فيه كاميرات حديثه نازله امكانياتها عاليه جدا وبتجيب الخلفيه كلها وبتقنيه عاليه وبصوره واضحه جدا ..... بكره ينزلوها فى اوكتافيا 2013 او 2014