حادثة جامدة فى الميرغنى

**badblood** · 18-05-2008 01:41 AM

فعلا انا كنت هناك النهارده بالصدفة جنون وتهور وعدم مسؤليه والله انا اول ما شوفت العربيه اترعشت
ربنا يرحمهم ويصبر اهاليهم

**furp** · 18-05-2008 01:49 AM

ربنا يرحمنا ويرحم امواتنا

وعموما كل ده عظه لينا علشان السرعه

وربنا يسترها

**WalidAdel** · 18-05-2008 01:52 AM

في شيخ افتي فتوي ان اللي يمشي ازيد من السرعه اللي مقرارها الدوله علي الطرق فهو بمثابت المنتحر و يموت كافر واليعاذ بالله
مارايكم في الكلام ده ياشباب

**Hassan Khalil** · 18-05-2008 02:02 AM

المشاركة الأصلية كتبت بواسطة walidadel

في شيخ افتي فتوي ان اللي يمشي ازيد من السرعه اللي مقرارها الدوله علي الطرق فهو بمثابت المنتحر و يموت كافر واليعاذ بالله
مارايكم في الكلام ده ياشباب

و االلي يموت من الجوع اللي مقرراه الدولة يبقي منتحر و كافر ..
و اللي يموت من نقص العلاج اللي موفراه الدولة يبقي منتحر و كافر..
و اللي يموت من التعذيب اللي مقرراه الدولة يبقي منتحر و كافر ..
و اللي يموت من الطوابير اللي مقرراها الدولة يبقي منتحر و كافر ..
و اللي يموت من الحفر و البلاعات اللي مقرراها الدولة يبقي منتحر و كافر ..
و اللي يموت من الهم و الغم و النكد و و بيذاكر طول عمره المقررات اللي مقرراها الدولة و يطلع من الاوائل .. و بعدين يتعين ب150 جنيه .. يبقي منتحر و كافر ..
و اللي يموت من الخضار المسرطن اللي مقرراه الدولة .. و الفراخ بتاعة الانفلونزااللي مقرراها الدولة .. و اللحوم المجنونة اللي مقرراها الدولة .. و المياه الملوثة اللي مقرراها الدولة .. و اللبن بتاع السيراميك اللي مقرراه الدولة .. و السمك بتاع المصارف اللي مقرراه الدولة .. و الهواء اللي مقرراه الدولة اللي السجاير الكليوباترا انضف منه .. يبقي منتحر و كافر ..

خرجتني من الموضوع يا راجل يا طيب
حرام عليك يا راجل .. شيخ ايه بس اللي بيستشهد بما تقرره و ما لا تقرره الدولة .. ده تلاقيه هو شخصيا بيشتم اللي .......... الدولة.

**sammor_28** · 18-05-2008 02:06 AM

180 جوه البلد في شارع الميرغني طب ازاي...
ما أعتقدش ان العربيه هتجمع بالغباء ده وتجيب 180...
عالعموم ربنا يسترها معانا ..
وربنا يتولاهم برحمته ويصبر اهاليهم..

**WalidAdel** · 18-05-2008 02:16 AM

المشاركة الأصلية كتبت بواسطة Hassan Khalil

و االلي يموت من الجوع اللي مقرراه الدولة يبقي منتحر و كافر ..
و اللي يموت من نقص العلاج اللي موفراه الدولة يبقي منتحر و كافر..
و اللي يموت من التعذيب اللي مقرراه الدولة يبقي منتحر و كافر ..
و اللي يموت من الطوابير اللي مقرراها الدولة يبقي منتحر و كافر ..
و اللي يموت من الحفر و البلاعات اللي مقرراها الدولة يبقي منتحر و كافر ..
و اللي يموت من الهم و الغم و النكد و و بيذاكر طول عمره المقررات اللي مقرراها الدولة و يطلع من الاوائل .. و بعدين يتعين ب150 جنيه .. يبقي منتحر و كافر ..
و اللي يموت من الخضار المسرطن اللي مقرراه الدولة .. و الفراخ بتاعة الانفلونزااللي مقرراها الدولة .. و اللحوم المجنونة اللي مقرراها الدولة .. و المياه الملوثة اللي مقرراها الدولة .. و اللبن بتاع السيراميك اللي مقرراه الدولة .. و السمك بتاع المصارف اللي مقرراه الدولة .. و الهواء اللي مقرراه الدولة اللي السجاير الكليوباترا انضف منه .. يبقي منتحر و كافر ..

خرجتني من الموضوع يا راجل يا طيب
حرام عليك يا راجل .. شيخ ايه بس اللي بيستشهد بما تقرره و ما لا تقرره الدولة .. ده تلاقيه هو شخصيا بيشتم اللي .......... الدولة.

ايه ياعم انت سخنت عليا كده ليه
ايه اللي دخل الحاجات دي في موضوع السرعه و بعدين هوه قال كده علشان اللي سايق هوه اللي مقرر السرعه اللي ماشي بيها و عارف انه عرضه لاي خطأ و مع ذلك مصمم انه بمشي بالسرعه دي
لكن الحاجات التانيه دي اللي حضرتك بتتكلم عليها دي مش بمزاجك ولا بمزاج اي حد تاني دي ظروف دوله
عادي يعني وبعدين كلمه و قولتها و اديني سحبتها تاني ياعم علشان متزعلش الدنيا مش مستاهله حرقة الدم دي :)

**Hassan Khalil** · 18-05-2008 02:30 AM

المشاركة الأصلية كتبت بواسطة SEATLOVER

معلومة صغيرة الكرولا ماتجبش 180 فى شارع ذى الميرغنى
زمن(تسارع عربية ) /مسافة (طول شارع الميرغنى )

الله يرحمهم و يرحم موتى المسلمين و يغفرلهم

اعتقد يا بشمهندس انه ممكن يجيبها لو واخد الشارع من اول السبع عمارات .. و طلع بسرعته الكوبري .. و بعدين نزل ناحية سينابون .. في المكان ده ممكن يجيب سرعة عالية جدا .. و في المكان ده .. ممكن بسهولة يفقد سيطرته علي العربية لان الشارع بيلف يمين قليلا ..
ده ممكن يكون سيناريو .. لكني بالطبع معرفش اللي حصل و لا الحادثة كانت فين ..
و ربنا يرحم موتانا جميعا