الموضوع: سؤال مهم ... اكيد فى ناس كتير مش فاهمه

المكتوب ع الكاسيت ماكس مش آر إم إس يا باشا........افتح كتالوج اي كاسيت بايونيير هتلاقي الآر إم إس 22‏ وات

فى نظريه انهم بيكتبو على السماعه20 واط عشان الجمرك وهى اكتر
والباقى ان الكاسيت مش حيطلع ال25 دول الا فى ظروف25w@1khz ds10% يعنى عند تردد جهورى وبتشويه 10 فى الميه يعنى انت حتجيب 20 مثلا بنقاء والباقى مش حتجيبه
ومتخفش السمعات حتشتغل تمام على الكاسيت

المشاركة الأصلية كتبت بواسطة hanzcanz

امال ازاى فى ناس بتركب كاسيت بايو 9350 مثلا على سماعات 400w من غير جى ام والصوت بيبقى تحفه

شكل حضرتك مفهمتش انا عايز ايه؟
انا مش عارف احسبها لما احب اجمع عده صوت

بص ياباشا الكاسيت البايونير اللى انت بتقول عليه او اى كاسيت اصلى بيقدر يشغل السماعات 100 100 على سبيل المثال سماعه 500 وات 90 rms تحس ان الصوت تحفه وكله تمام لكن فى الحقيقه السماعه بتكون مش شغاله بكل قوتها ودة لان الكاسيت مهما كان مش بيقدر يقومها حلو ويظبط الرق بتاعها صح... زى بالظبط لما توصل كاسيت على صب ...مش هيقوم ...تعالا بقى وصل جى ام الباور هيزيد للسماعه وهتسمح صوت احلى وامكانيات اعلى...دى حاجه...الحاجه التانيه كبر مخك من موضوع ال rms وال watt فى الكاسيتات والسماعات الصينى...لان اللى مكتوب مبيبقاش صح وبمعنى اصح اى كلام فى اى كلام...انا كان عندى سماعه صينى مكتوب عليها 1000 وات و200 rms بيضاوى...شوف انت بقى....خدها قاعده...اى كاسيت مش هيقدر يشغلك صب ولا سماعات فوق ال 400 وات لازم جى ام ....فى حاله الكاسيتات الصينى والسماعات الصينى...اى حاجه تنفع :)
ونصيحه ابعد عن السمفونى فى اى حاجه الا فى الجى امات ومع الصبااااااات فقط فقط فقط

بص يا كبير انا هابسطهالك شويه كمان
طبعا كلام مستر احمد تمام

ال rms
الشركات النضيفه و الماركات المحترمه بتكتبه و بيكون مبوط
و المقصود بال rms
هو قدره السماعه او الص او اى كان على تحمل او خرج قدره معينه فى زمن او وقت غير منتهى

الكلام تقل و ابتدى يبقى مجعلص هههههه
يعنى مثلا
زى العربيات و البنزين
حطيت 80 العربيه ماشيه و بتجرى
بس ادائها مش قد كده
حطيت 90 الاداء اتحسن شويه
92 الاداء بقى اعلى
95 انت كده راكب طياره مثلا

فى كل الحالات العربيه ماشيه
بس مع اختلاف الاداء فى حاجات معينه
بعنى ال 80 هاتيجى تكبس مره واحده هتلاقى العربيه فيها شويه تسقيف مثلا
92 هاتكبس هتلاقى تجميع العربيه حلو

نفس الحكايه فى الجى ام و السماعات و الكلام ده
على الكاسيت
السماعه شغاله و مطلعه كل حاجه تمام
انما على جى ام ادائها بيختلف عشان واخده باور اعلى من اللى الكاسيت بيطلعه

و لما تيجى تجمع عده بتحسبها بال rms
عشان تبقى عارف انت بتدى كل حاجه حقها ولا اقل ولا ازيد

عشان مايبقاش بتصرف فلوس فى حاجه مش هاتديك اداء
او حاجه تحرقلك حاجه

بس كده اتمنى انها تكون وصلت

+1111111111 استااااااااذ بس حلو حوار البنزين دة ههههههههههه

المشاركة الأصلية كتبت بواسطة hanzcanz

اخوانى الكرام
انا عندى مثلا سماعات سيمفونى مكتوب عليها ايه
240w 20 rms

وعندى مثلا كاسيت خارجه
4*25
يعنى بيخرج اربع سماعات كل واحده 25

دلوقتى بقى السؤال
خارج الكاسيت دا بيبقى rms ولا watts ?
انا فى اعتقادى انه وات بس لو فعلا كده يبقى عمره ما هيقوم سماعات زى كده لأن لو خارجه 25 وات للسماعه الواحده يبقى المفروض السماعه تكون مثلا 40 وات
انا مش عارف هى لفه معايا ولا انا مش فاهم ولا ايه
يعنى الوات المفروض يقابله وات زيه
والـ rms برضه يقابله rms زيه

ياريت يا جماعه اللى فاهم يفهمنى لحسن هتجنن ودماغى لسعت خلاص

اولا انا ليا تعليق بس على السؤال

هى القدرة او القوه او ايا كان لقياس السماعات بتتقاس بالوات يعنى ال rms بيتقاس بالوات و القدره القصوى max او peak او pimpo او ايا كانت بتتقاس بالوات بردو
واللى اعرفو ان دا قياس قدره الملف اللى جوا السماعه على تحمل التيار

ال rms دا اقصى حاجه يقدر تتشتغل عليها السماعه لمده لا نهائيه ( يعنى اعلى حاجه تتقدر تشغل عليها السماعه لاكبر فتره من غير متبوظ السماعه
ال peak او ايا كان المسمى دا اقصى تحمل للكهربا فى السماعه لمده ثانيه او حاجه كده ( يعنى تتحرق لو وصلها تيار اد البييك

يعنى مثلا سماعتك 240 وات البيك فلو دخلتلها تيار اكتر من 240 وات تتحرق
ولو دخلتلها اقل هتشتغل بس عمرها هيقل حسب القدره اللى بتشغلها

اما ال rms بتاعها فهو 20 وات فطالما داخل للسماعه اقل من 20 وات ( او ال 20 وات ) فهى هتفضل شغاله مثاليا على افضل قدره ليها ( ممكن مش اعلى صوت لانك ممكن تعلى الصوت و الجوده تقل )

فالمفروض ان السماعه يدخلها اقل من ال rms عشان تشتغل مستريحه لاطول عمر

نيجى للكاسيت هو اللى انا شوفتو كل الكاسيتات اللى هيا سى دى او يو اس بى و هكذا بتكون 54وات فى 4 او 50 وات او هذا الرينج و دا الماكس بتاعها

لكن ال rms بيكون من 20 ل 25 وات
و احسن حاجه انك تقرا الكاتلوج و تعرف بالظبط


الموضوع سهل

سيبك تماما من ال peak و القدره القصوى و الكلام دا ( لان دا كلام نظرى وملهوش ادنى لازمه زى مثلا كده اما تجيب عربيه عدادها 290 كيلو و متورها 1000 سى سى و هى اصلا اقصى سرعه ليها 60 كيلو متر و عمرك ما هتقرب من السرعه الوهميه دى )
اكيد اما بتشترى عربيه مبتقولش عدادها اخرو كام
بتقول هى تقدر تجيب كام


انت اما تيجيى تركب او تعمل اى حاجه فى الصوتيات خليك فى ال rms للقياس هو فى حاجات غير ال rms بتفرق بس دا زى السعه اللتريه كده للعربيه

فى التركيب والمتعارف عليه ( على حد معلوماتى )
rms للكاسيت او الامب او خرج الصوت = تلت اربع (تلتين )rms للسماعه 60 %
rms للكاسيت او الامب او خرج الصوت = نص rms للصب والبوازيك 50%
( معتقدش ان دا علمى اوى بس دا معلوماتى و اللى عرفتو اعتقد عشان تحصل على اطول فتره عمر يعنى متحملش على السماعه فاقصى قدره لخرج الصوت تكون اقل من الrms المستريح للسماعه ) اكنك جايب عربية و مبتحرقش اقصى حاجه ليك 3000 rpm و هى اصلا بيتجيب اكتر بس بتريحها

يعنى لما يكون الكاسيت بيطلع 20 وات لازم السماعه تكون 30 وات (الاتنين rms )

يا رب اكون ساعدتك