الموضوع: حسن و مرقص و كوهين

المشاركة الأصلية كتبت بواسطة moudy88

لا انا متابع

قبل الثوره كنيسه العمرانيه ..اللي كانت مبنيه مخالف وطلع المسيحين في مظاهرات وكسرو الدنيا في الجيزه كلها

1 يناير : انفجار كنيسة القديسين اللي كانو واضح جدا انه مدبر لأيذاء المسلمين اكتر من المسيحيين ..وايه اللي حصل بعده ؟؟؟
تم القبض على مئات المسلمين وتم تعذيبهم حتى الموت منهم اللي اتعرف في الاعلام زي سيد بلال وغيره اللي اتنسى
قام المسيحيين بسب الدين الاسلامي في مختلف انحاء البلد في الاعلام والنت والشوارع حتى ان والله العظيم ان كل معارفي المسيحيين على الفيس بوك بلا استثناء قاموا بشتيمة الدين الاسلام والمسلمين ...واحنا سكتنا وبلعناها ..لاننا كنا مقهورين واي حد هيفتح بوقه هيتشد على امن الدوله

كنيسة اسوان ..اللي اتبنت من غير تصريح ..والقسيس اللي طلع يسب ويلعن ويهدد بالقتل لمحافظ اسوان ..ده كله مش تحريض على الارهاب ؟؟؟

يعنى كنا ساكتين و مستحملين
دلوقتى بصراحه ماعتقدش بجدوى السكوت لغاية ما يبقى فيه حل

المشاركة الأصلية كتبت بواسطة ghosts

يبقى الفترة الأنتقالية الزفت دى لازم تخلص فى أسرع وقت ممكن ....
عشان اللى حصل فى ماسبيرو ممكن أوى يحصل تانى مادام أفراد الجيش غير قادرين على ظبط النفس ....

كده بدأت تحط رجلك على الطريق الصح.
طب الفترة الانتقالية دي تقصر ازااااي؟؟!!!!!!!
في وجهة نظري الشخصية طول ما في اضطرابات وهمجية في الافعال الفترة الانتقالية حتزيد.

لو افترضنا ان المجلس العسكري شريف ووطني ، كمية المشاكل دي حتخليه مشتت وحيضيع وقت كبير في محاولات حل مشاكل المفروض ينظر فيها بعد استقرار البلاد وده مش وقتها خالص، خصوصا انه بردو غير مؤهل للتعامل مع المدنيين ورجاله ليسوا رجال سياسة بالاساس ويمكن مبيفهموش فيها أصلا..

ولو افترضنا انه من رجال النظام المنيل بنيله، يبقى مش حينوبنا من الاضطرابات والمشاكل اللي بنعملها غير اننا نديله حجج على طبق من دهب يماطل بيها ويطلع العيب في الناس.