الموضوع: حسن و مرقص و كوهين

المشاركة الأصلية كتبت بواسطة ghosts

كانوا همج ولا تزعل نفسك ....
بس دة فى رأيك سبب كافى يخلى مدرعاااااات الجيش تدوس عليهم وتطحن عضمهم ....
يبقى حضرتك ماشفتش الفيديو الوحيد اللى متصور فيه ناس بتتفعص...اللى اساسا المدرعة اللى فيه باين جدا انها مسروقة وكان قصدها تكسر عربيات الجيش
بعد اذنك هاتلى دليلك المااادى ان الجيش هو اللى قتل المتظاهرين
ولما حضرتك بتعتبر الشباب دول همج ....
يا ترى بتقول أية على الناس اللى كسرت وولعت محلات ومبانى وأقسام أثناء الثورة ؟
همج
بتقول أية على الناس اللى بيقطعوا الطرق وخطوط السكة الحديد لأكتر من 10 لأيام ؟
همج
بتقول أية على اللى قفلوا مجمع التحرير و وقفوا مصالح الناس فية لمدة 3 أيام ؟
همج
أية رأيك ....
الناس دول متحضرين وأسلوبهم فى التعبير عن أرائهم متحضر ؟
لا طبعا
معلش متزعلش منى ....
أنا شايف أنك متحامل أوى على شباب ماسبيرو ....

لو تسمحلى بالرد....انا رديت فوق
وعلى فكرة انا مش فلول ومع الثورة وضد اى اعمال شغب فى اى حتة
وضد كلمة الشباب الطاهر لان الثورة دى كان فيها شباب طاهر وشباب (...) زى اى حتة فى الدنيا وده اللى حضرتك مش معترف بيه ومحسسنى ان كل شباب ماسبيرو معصوم من الخطأ وطااااهر ومافيهوش حد مش طاهر
انا عايز دليلك المادى على اتهام الجيش...كان فيه ناس بالاف هناك ضد الجيش محدش عرف يصور فيديو موثوق فيه وهو بيقتل المتظاهرين برصاص حى او وهو بيدوس على متظاهرين؟؟

المشاركة الأصلية كتبت بواسطة ghosts

أولآ أحييك على أسلوبك المحترم ....
ثانيآ بالنسبة للدليل المادى فأنا معنديش كلام أقدر أقولة أكتر من اللى قالة عمرو أديب ....
بالفيديو....تعليق عمرو أديب على مؤتمر المجلس العسكري حول احداث ماسبيرو

اقصد بالدليل المادى فيديو من مكان الاحداث
والفيديو دا فيه جزء خطير جدا وبيوضح ان فيه يد تالتة فى الموضوع دا هى صورة الرصاصة اللى فى العمود اللى متوجهة ناحية الجيش
انا مش باتهم الاقباط بحاجة لكن ببرأ الجيش من اللى منسوب ليه

المشاركة الأصلية كتبت بواسطة ghosts

أدى يا جما عة فيديو تانى يثبت أن أفراد الشرطة العسكرية هى التى بدأت الأعتداء على متظاهرين ماسيبيرو ....
أتفرجوا و حكموا ضميركم ....
فيديو قنبله || بلال فضل يعرض فيديو للهجوم على الاقباط ويدافع بقوه عن حق الاقباط والهجوم الذى حدث لهم وتعليق قنبله منه على الهواء

هو دا الفيديو اللى انا حاسس انى اتعميت فيه
اللى انا شوفته فى الفيديو الكامل الاصلى ان اللى بيخطب راح هاتف فى الناس بجملة"مليونية مليونية هنخليها مليونية" فجأة وبدون اى تدخل من قوات الجيش الناس اللى ورا دورت وشها معرفش بقى الناس سخنت ولا عايزة تعمل مشاكل بالقصد
المهم ان الناس اللى ورا دوروا وشهم وبدأوا فى التدافع ناحية الجيش وبعدها الجيش كرد فعل طبيعى بدأ يرد عليهم ودور فيهم الضرب وعلى فكرة امر الضرب بييجى فى وقت واحد واول ما الامر بييجى الجنود بتضرب بجد مش بتحذر قبلها حتى.. واللى شايفه بعينى فى الفيديو ان جنود الجيش بدأت تتحرك بعد ما الناس راحوا ناحيتها بفترة
انا عمال وانا باكتبلك الرد اشوف الفيديو الاصلى كذا مرة
هتلاقى ميكروباص تويوتا المعدل ماشى ورا المظاهرة، فى الوقت دا كانوا كل الجنود ثابتين مكانهم وكانت كل المظاهرة بالكامل تقريبا اتوجهت ناحيتهم وبردو فى اللحظة دى الناس اللى بعيد عن الجيش سخنت وهى بتهتف وهتلاقيهم بدأوا يتنططوا ويهللوا ويرفعوا شعاراتهم اعلى

ماتستهونش بالهتاف....الهتاف الجماعى دا عامل زى المخدرات ...بيلغى العقل ويشغل الحماس بطريقة غير طبيعية ممكن ساعتها تضحى بحياتك من كتر التسخين

شوف ياجوست الفيديو الاصلى فى الدقيقة 3:03
حاجة اول مرة اخد بالى منها
الفيديو الاصلى اكيد انت عارفه اسمه
‫"بدايه هجوم الجيش على المتظاهريين المسيحيين السلميين"
حمله من عاليوتيوب عشان تشوفه بروسليوشن اعلى لما تصغر حجم عرض الفيديو
روح للدقيقة اللى قلتلك عليها وركز كويس هتلاقى ان المتظاهرين نفسهم مش دورو وشهم بس، دول اتحركوا من مكانهم وزحزحوا الجيش لورا وبعدها بدأ اللى بيهتف فيهم يقول"نلتزم الهدووووء"
ركز فى الحتة دى من الفيديو كويس هتلاقى المتظاهرين اتدافعوا ناحية الجيش
يايت ماتكسلش وتحمل الفيديو وتشوفه ومش عايزك تقولى انا كنت غلطان او كذا انا بس عايزك تعرف ان معظم التعليفات اللى على فيديوهات الحدث ده غير الوقائع اللى فى الفيديوهات خالص