الموضوع: بتمسك الدريكسيون ازاي ؟؟؟

المشاركة الأصلية كتبت بواسطة mbhead

يشرفني انها عجبتك يا فندم

دي حقيقة مش مجاملة
انا من ساعة لما قريت موضوعاتك وردودك وانا دايما اتكلم عنك لما تيجي سيرة المرسيدس وبقول اني في واحد في المنتدي الي انا مشترك فيه بيحب المرسيدس كأنها عيل من عياله وبيفهم فيها اكتر من اي حد في الدنيا ودايما برشح موضوعاتك لأي حد بيسأل عن المرسيدس

ربنا يوفقك

المشاركة الأصلية كتبت بواسطة mbx4e

2\10 احسن تحكم في العربية بالذات الغرز
3\9 للثيات في الملفات الطويلة

دة كدة بقي سباق مش غرز

المشاركة الأصلية كتبت بواسطة sasa3

اما اكسل يبقى 6
وسط البلد 3 علشان الكلاكس
على طريق 12

ههههههه
كل دي مسكات الزهق

المشاركة الأصلية كتبت بواسطة romieh

هو انا غريب شوية فى موضوع الدركسيون ده

من ساعة لما اتعلمت وانا مش باعرف اسوق الا بايد واحد

الايد التانية باستخدمها لما بكون بلف الدركسيون جامد ( يوترن مثلا او داخل شارع)

وضعيات مسكة الدركسيون برضه عندى غريبة شوية

داخل البلد : اليمين على الفتيس والشمال فى وضعية 10

فى السفر :

لو باليمين وضعية 5 (علشان شكل الدركسيون عندى بيخلينى اكون متحكم بالمسكة دى)

لو باليسار وضعية 6 أو 10

وساعات كده ممكن أمسك وضعية 2 و 10

هو انا كده طبيعى؟؟؟

طبيعي من وجهة نظر المصريين
لكن لو بتسوق برة وعسكري شافك لن يتهاون عن المخالفة

والله المستعان
،
،

المشاركة الأصلية كتبت بواسطة mbhead

اشكرك ...دي عشره عمر المرسيدس دي انا متربي علي كرسي مرسيدس اما اني بعاملها علي انها عيال من عيالي يبقي حضرتك لازم تشوف ولدي...الوالد تقريبا مفيش موديل ميعرفش كل تفاصله و يفكهم ميت حته و يجمعهم لوحده و ركب موديلات انا احلم احط رجلي فيها ...لما تبقي الغزاله رايقه و يتكلم معايا عن العربيات يقولي يا ابني انا ركبت الانجليزي و الامريكاني و الايطالي ...معشقتش غير المرسيدس لما تعرف تصلح العربيات لوحدك تعرف ان المرسيدس بيعملوا كل حاجة بطريقة مختلفة
زمان لما كان يشوف واحد واقف بمرسيدس عطلانه و فاتح الكبوت كان ينزل يحاول يصلحها
انا تقريبا معلوماتي محدودة مقارنة بالوالد

للأسف انا كان اخويا معاه مرسيدس الي كنت اتكلمت عنها في قسم مرسيدس ، كرهتني انا وهو في النجمة كلها بكل موديلاتها
للأسف العربيات دي لازم تتركب نظيفة
ربنا يخليلك الوالد ويباركلك فيه وفي اولادك

والله المستعان
،
،

المشاركة الأصلية كتبت بواسطة bmw3m007

ههههههههههههههههههههههههه هههههههههههههههههههههههه

الاسلوب جامد و الله
و انا اعتقد زي حضرتك كده اكتر من مسكة لكن في الاساس بتكون 10/2

شكرا علي مرورك

اقرب ما يكون للتحكم الكامل هي 10-2

والله المستعان
،
،

المشاركة الأصلية كتبت بواسطة mbhead

انا متذكر حضرتك كنت سالتني عليها كانت 230 تقريبا...يا فندم العربيات دي جميلة جدا و اجمل من ما تتخيل وتمشي معاك زي ما تحب
لكن المشكلة ان المرسيدس معقد و كلها تفاصيل في تفاصيل و كل حاجة محطوطه لها سبب و فيها فكرة حتي العربيات الامريكاني (اللي بيقولوا محدش يعرف يصلحها في مصر) الشغل فيها اسهل من المرسيدس--- انا بتكلم من واقع خبرة
سهل جدا اني ادخل مرسيدس عمره و تطلع تمشي و تجري (اوقفها علي رجلها زي ما بيقولوا )بس مش حتطلع حالة ممتازة و حتبقي ميلانة عك لان الصنايعي المصري لازم لازم يفتي و يضيف لمسته الجميلة و يعك!!!!!!!!!
اما الصنايعي الاستاذ مش حياخد فلوس قليله او حتي معقول حيطلب في العالي و حيبقي حقه لان مفيش منه كتير.. احسن ناس في مصر يشتغلوا في المرسيدس في الشرقية و بيعموا شغل هايل جدا .......عشان تطلع شغل محترم حيبقي كل حاجة تتغير( شيل و حط) مافيش تصليح (لتفادي العك) و العربية حتصرف كتير و حتاخد وقت طويل انا عربيتي الw114 دخلت عمرة سنة و صرفت اكتر من تمن الحالة النضيفة وقتها ....عشان تطلع نضيفة
اعرف حضرتك ان اي موديل مرسيدس مش بيحب العك ....و لا العك بيحبه و اللي صانعها عامل حساب اصغر التفصيل ...لو رعيت العربية ممكن تعيش طول العمر معاك غير كده حتبقي مقرفه للغاية

فعلا هي ال 230
وعلي العموم هي راحت لحالها وصاحب نصيبها

متشكر اوي يا باشا علي اهتمامك وربنا يطمنا عليك

والله المستعان
،
،

المشاركة الأصلية كتبت بواسطة omar_fekry

12-7 جوه البلد و 3-9 مع السرعات و شكرا يا باشا على الموضوع

عجيبة اوي مسكة 12 - 7 دي
شكرا يا باشا علي مرورك

انا اكتر حاجة عاجباني الأكورد الي في التوقيع دي ماشاء الله عليها
تحفة

والله المستعان
،
،