الموضوع: بفكر في الأوبل

السلام عليكم ورحمة الله وبركاته

انا اول مرة ركبت اوبل كان الكلام دة سنة 1995 كان ابو واحد زميلي جايبها طبعا زيروو
ساعتها الواحد ماكنش فاهم اوي في العربيات وكان بالنسبالنا العربيات يعني 132 و لادا و504 والكلام دة
طبعا ركبتها حصلي وهم ساعة ديجيتال واوبل ومريات مش بتقفل وتكييف وحاجات كدة

وتاني اوبل شوفتها كانت الفيكترا 96 a ودي كانت بتاعة واحد صاحب اخويا وبردو كانت زيرو بس مستوي تاني خالص
اوتوماتيك وتكييف وباور و4 زجاج وانجيكشن ودرجة حرارة الجو وحاجات كدة خيال علمي

بدأ اهتمامي بالسيارات تقريبا من عام 96 مع معارض اوتوماك وفورميلا

وشوفت اول ظهور للفيكترا b في اوتوماك

بعدها بكام سنة واحد زميلي جاب فيكترا 97 مستعملة سنة تقريبا 99 وبردو 2000 اوتوماتيك

واخيرا اخويا جاب فيكترا 96 b سعة 2000 اوتوماتيك كاملة
ودي كانت اول مرة ليا اسوق الفيكترا

انا اساسا كنت حابب فيها صوتها ودي حاجة بيسموها (الفو الألماني voo)

تقدر تقول انا شوفت الأوبل من زمان بس كانت بالنسبالي خيال فقط
وبعد كدة سمعنا كلام كتير عن قطع غيارها الغالية وكلام تاني انها اقل حاجة في الألماني وعن الكنترول بتاعها الي بيبوظ بسرعة وحاجات كدة

لما فكرت اشتري عربية بعد اللادا اول ما فكرت فكرت في الكورسا 95 عشان فتحة السقف والتكييف والزجاج والمرايات والكلام دة
ودورت علي السيفيك 91 الأوتوماتيك الكاملة بفتحة سقف ex
لكن النصيب اني جيبت ابيزا 99 كاملة تكييف وباور وزجاج ومفتاح مشفر وسنتر هوا ومرايات و ساعة وعدادات ديجيتال وفوجات وكل حاجة

وعملت بيها حادثة في رمضان وحاليا بتتصلح بس السمكري وهو نفسه بتاع قطع الغيار عذبني اخر عذاب وكرهني بجد فيها وعايز ابيعها من وشه عشان مايجليش اي هاجس او اتجنن في مرة واشوف وشه تاني كل مرحلة عنده باسبوعين او شهر يعني عشان يفك الي مخبوط فيها قعد اسبوعين
وعشان يفك العفشة اسبوع
وعشان يفك الموتور اسبوعين
وعشان يشد زرجينة اسبوعين
وعشان يركب الموتور اسبوع
والعفشة اسبوع
وعشان يجيب حاجتها اسبوع
وبعد ما جاب حاجتها باعها
ولسة عايز يقعدني تاني اسبوع عشان بس يجيب حاجتها (رفرفين واكصدامين وفانوسين وشبكة)
واكيد هقعدلي فيها سنة ونص عشان يركب الفانوس اليمين
يعني انا كان نفسي لما اطلع علي المعاش الاقيها معايا واركبها بس يبدو اني هموت قبل ما اركبها

المهم انا قررت انها لما تخلص بعد سنة او سنتين زي ما تاخد بقي اني ابيعها

وكنت عايز اسمع ارائكم

انا انشاء الله متوقع فيها سعر فوق ال30 لأن كل العربيات الي زيها بتعمل كدة
وكان نفسي اركب فيكترا a ياريت 96 2000 اوتوماتيك كاملة

كنت عايز اعرف شوية حاجات

استهلاكها في البنزين (الأبيزا كانت 1000 انجيكشن)
مدي توافر قطع الغيار (هل لسة بتوع الأستيراد شغالين فيها ولا راحت عليها زي الجولف 2)
هل فيها الكماليات فقط مجرد تكييف وباور وزجاج وسنتر ولا لسة في حاجات زي وحدات الرفع والساعة الديجيتال والعدادات الديجيتال (كيلو متر وترب)

انا عارف اني سألت السؤال دة مرة قبل كدة في موضوع بتاع مقارنة بالتفاصيل بين الفيكترا a و b

بس انا المرادي بسأل هل الفرق يستاهل بين الأبيزا والفيكترا a
ولا هلاقي نفسي ببيع وبشتري وبكلف علي الفاضي والفرق بس في الأستهلاك
انا مش بجري ولو كنت بجري فانا بطلت جري اخري 90
واسرتي عددها مش كبير فمش محتاج وسع وشنطة واساسا حجم السيات مسهل الركن والمشي عموما

هل في فرق فالكماليات والراحة لأني عمري ماسوقت فيكترا a وبردو مش معقولة هقول لصاحب اخويا وسع لما اقعد العب في عربيتك واكتشف كماليتها

انا بدور علي تكييف ثلاجة وباور مريح وقعدة مريحة ومرايات كهربا وزجاج كهربا وقطع غيار متوفرة ورخيصة

كمان انا لما غيرت لادا بسيات نزلت بالموديل من 2005 ل 99 عشان الكماليات يعني نزلت بالموديل وعليت بالكماليات فهل لما هنزل تاني بالموديل من 99 ل 96 هعلي بالكماليات ولا هقل

مع العلم ان عربيتي السيات كانت فبريكة بمعني الفبريكة فرش وابواب وموتور استوك وجنوط استوك وانا جبتلها الطاسات الأصلي بتاعتها وكنت مخليها بجد فبريكة وممشيها علي الكتالوج من فلاتر لزيوت لكل حاجة فيها كانت فبريكة وكنت شاريها علي اعلي سعر للسيات الي كان ممكن يركبني الشيب الي بعده ال2000 لأني جايب اخر موديل في الشيب بأعلي مواصفات ليه

كمان اكتر حاجة حبتها في الأوبل قسم أوبل في نايل موتورز بناسه وموضوعاته

ملحوظة: انا بشارك في قسم اوبل اكتر بكتير من سيات واعرف هنا ناس اكتر من قسم سيات

ارجو الأفادة وعذرا لو كنت طولت عليكم
وياريت لو حد فعلا جرب الأتنين يقولي تقريره عن الفرق بين السيات والفيكترا a

والله المستعان
،
،