نفس المشكله الى كنت بعانى منها رجعت تانى

**Mr7mix** · 03-10-2011 02:18 PM

السلام عليكم ورحمة الله وبركاته،،

الفتره الى فاتت كنت بعانى من ان البطاريه بتنام و لمبه البطاريه مسريه على التابلو وبدايه المشكله ظهرت معايا لما بشغل التكيف ولما بدوس كلاكس بلاقى صوتو ضعيف ومكتوووم
غيرت الدينامو والبطاريه جيبت دينامو استيراد بس نضيف جداً وبطاريه جديده

و فضلت فتره بعد ما غيرت الاتنين دول مبتحركش بالعربيه الصبح وطبعاً مش بشغل التكيف .
امبارح الصبح كنت مشغل التكيف لاقيت الكلاكس عمل نفس الحركه القديمه تانى بصيت على لمبه البطاريه لاقيتها منوره احمر يعنى الشحن بطيخه خالص فصلت التكيف وقضيت باقى اليوم متعذب لغايه لما المبه الى فى البطاريه قلبت اخضر يعنى الشحن بقى فل كده

فى استفسار بقى وحاجه الكهربائى لفت نظرى ليها وشاكك فيها ان بليه شداد السير طول ما العربيه دايره الجزء الى راكب على بلوك الماتور بتتحرك فوق و تحت روحت للميكانيكى على اساس ان اغيرها قالى ان البليه الى فى الاوبل كده لازم تكون فيها سنه حركه علشان السير ميضربش وبيقولى لازم تاخد وتدى مع السير متكونش محكومه اوى ومش عارف ازاى يعنى

شوفتها فى عربيه نوبيرا ثابته حديد و مرسيدس بردو ثابته عندى انا بس الى بتتحرك
ولما ببطل العربيه وبشد السير ب ايدى بيتشد معايا فى سنه بوش كبيره و وريتها للميكانيكى مصمم ان دى طبيعتها كده

وبعدين لما بكون منور انوار العربيه و ادوس فرامل الاقى لمبه البطاريه على التابلوه بتسرى بطريقه ملحوظه اوى لما بسيب الفرامل بتكوس مسريه بردو بس ضعيفه اوى

تفتكرو ان دى فعلا بليه الشداد هى الى عامله المشكله دى

**فادى محمد** · 03-10-2011 02:34 PM

الميكانيكي كلامه مضبوط بس مش كله,ازاي؟؟
قاعده بليه شداد سير الدينامو هي جزئين علي بعض جزء ثابت بمسمارين في البلوك والجزء التاني بيتحرك حركه خفيفه جدا مع سرعه دوران البليه اللي بتبقي راكبه عليه عن طريق سوسته تخينه جدا جواه بس الحركه للامام والخلف فقط . دي المعلومه الصح..انما حضرتك مش ممكن تشد السير بايدك يتحرك معاك ماينفعش .
فرق بين بليه الشداد اللي لو باظت بتسمع صوت نحر وخشونه وقاعده البليه اللي اعراضها ان السير هتلاقيه مهوي ولما تزود بنزين بايدك من الاكسراتير هتسمع صوت تكتكه من القاعده وطبعا ده ياثر علي شحن الدينامو,ان شاء الله بالليل هنزلك صوره القاعده والبليه للايضاح عندي طقم اسبير

**tananybasha** · 03-10-2011 11:57 PM

تمام يا فادى
و مين قالك يا باشا انه نفس العيب
ممكن يكون ارضى ضعيف
او مش ملمس
تمليح او ضعف توصيل فى قواطيش البطارية ممكن تعرفه لو لقيت كابل بيسخن جامد
الكهربا اللى فى المارش مش مربوط عليه
راجع كابلاتك قبل ما تعمل حاجة

**فادى محمد** · 05-10-2011 10:20 PM

ابو حميد ....هتغير القاعده بتاعه بليه شداد سير الدينامو يا جميل ..
ماينفعش خالص انها تتحرك بايدك , هي سعرها جديده 370ج بالبليه (مايلي)واستعمال الخارج انا شاريها ب130ج بالبليه (اصلي كندي) ده يضعف عندك شحن الدينامو ..
بالنسبه للارضي اللي بيركب ع الفتيس هتلاقيه يمين طبعا علي طمبوره الفتيس في مسمار المفروض طرف سلك الارضي يدخل تحت المسمار قبل الربط..

**فادى محمد** · 06-10-2011 12:01 AM

معلش يا صاحبي ..في الاول هتتعب لغايه ماتضبط العربيه ركوبه تحت رجلك..دور علي استيراد احسن وارخص علي تجربه طبعا.

**tananybasha** · 06-10-2011 01:00 AM

فادى ادرى منى بالبلية
الأرضى يا باشا
اى مسمار فى الموتور ركبه فيه
مش مهم مكانه
هيوصل اين ما كان

-

-

-

-

الموضوع: نفس المشكله الى كنت بعانى منها رجعت تانى

LinkBack

أدوات الموضوع

عرض

نفس المشكله الى كنت بعانى منها رجعت تانى - انشر الموضوع فى :

-

-

-

-

-

المواضيع المتشابهه

المشكله تانى

الحقونى العقده القديمة رجعت تانى

باركولى رجعت للعصابة تانى

الحمد لله - رجعت تانى

الكلمات الدلالية لهذا الموضوع

المفضلات

المفضلات

ضوابط المشاركة