دخان ابيض بعد عمل عمرة كاملة

**mohamed_rhem** · 13-10-2011 05:44 PM

المشاركة الأصلية كتبت بواسطة mido51eg

طيب معنى كده انه يسيبه ؟؟!!!! اتمنى انها تطلع بقايا زيت برضه.

تفتكر لو العمرة بايظه تنصحه يعمل ايه

**dental_mn** · 14-10-2011 12:19 AM

الى كل الاعضاء اللي شاركوا معايا في مشكلتي لكم جميعا جزيل الشكر و العرفان
بس انا عاوز اشتشيركم في حاجة
هو الدخان الابيض بيطلع مع الضعط الزايد على البنزين فقط يعني لما الارر بي ام بيوصل ل 4
هل ده برده يكون من الزيت اللي في علية الشكمان
مش هو لو من الزيت اللي في الشكمان يطلع دايما عند اي سرعة ولا ايه
بجد انا محتار و مدايق من الموضوع ده جدا
لكم جزيل الشكر على المساعدة

**zocor742** · 14-10-2011 02:46 AM

ان شاء الله بسيطة ويطلع بقايا زيت
بس حضرتك المفروض بعد العمرة والتليين وتاخد مشوار محترم بالعربية تفوق المكنة وتكنس الرواسب من الجكمان ,,, اخيرا عشان تطمن تروح تعمل اختبار كبس للمكنة ولو فية حاجة مش مظبوطة اتعامل مع الميكانيكى
المفروض تستلم الشغل صح منة زى ماهياخد فلوس وبالنسبة لحجة قطع الغيار المفروض الميكانيكى هو اللى بيطلب وياهو بيشترى يا اما بتنزل تلف معاة وتشوفة هتجيبوا اية وانت بتتحاسب على الحاجة عشان يبقى من الاول هو اللى جايب الحاجة واى تقصير هيبقى منة هو .......
بس ان شاء الله خير وتطلع بسيطة بس الصح اطمن على كبس المكنة عشان تبقى مرتاح نفسيا

**mido51eg** · 14-10-2011 03:00 AM

وبعدين جلد الصباب بيطلع دخان اسود وبيبقى في اول دوسة البنزين وبيقطع بعد كده طول مانت دايس. لما تشيل رجلك وتدوس تاني يطلع تاني.

**Egyzizo** · 14-10-2011 03:45 AM

حصلت معايا فى آخر عمرة ، وكان كثيف جداً (زى دخان عربية الرش بتاعة الناموس) ، وراح لحاله والعربية ليها 6 شهور من بعد العمرة بدون مشاكل (كانت بقايا زيت).

**إبراهيم المصرى** · 14-10-2011 06:14 AM

الصح ان الشكمان يتغير علشان بيبقى معبى ومليان زيت من اثر التفويت قبل العمره وممكن كمان يبقى مكتوم ويأثر على كفأة الموتور
وممكن علىشان تتطمن تفك خرطوم الهواء اللى خارج من الموتور وداخل على الكاربرتير وتشوف لو الكبس هربان يبقى لا قدر الله العمرة مش تمام وبرضه ممكن تفك غطاء الزيت وهى دايره لو الزيت نطر يبقى فيه مشكله
وممكن تقيس الكبس فى بنزينه فيها كشف ع الموتور
لكن بنسبة 99% الشكمان عايز يتغير لو مكتوم ومعبى زيت وربنا يسترها ويبقى كله تمام