أوكتافيا والا ميجان والا فكترا ... ساعدوني

**Mustafa_Farouk** · 18-05-2008 04:38 PM

3 Amazing cars.

check this about the Vectra and see the numbers and u can make test drive for the opel Vectra .

and also u can make a test drive on the Megane.

i love Vectra and with my small Experience with Octavia, it's very good car
it's very safty i sweer about this point.

http://www.nilemotors.net/Nile/showthread.php?t=25072

good luck and ESTA7'R Rabena
:)

**Ahmed Taha** · 27-05-2008 10:49 AM

يا ريت حضرتك تدى الجيتا نظرة هى في نفس الفئة.

و من الآخر Vw

**شاهين - بنز** · 27-05-2008 11:07 AM

معلش حطلع بره الإختيارا بس أنا لو معايا المبلغ ده حجيب باسات أوتوماتيك موديل 2007

**Ahmad Allawy** · 15-06-2008 11:23 PM

اللي هيحسم الموضوع ده ارتياحك انت الشخصي لأي عربيه فيهم..
اهم ما يميز الفيكترا و الاوكتافيا عن الميجان سعر اعادة البيع.. اللي وحش جدا في الميجان
الاوبل الماني 100% + توكيل مستقر
الرينو هايلة + توكيل رائع و محترم جدا+يعيبها بس سعر اعادة البيع

الاوكتافيا الماني بايدي تشيكية.. لمحبي الفولكس.. تقيلة شوية بس عادي يعني
اعادة البيع كويس. توكيل مش كويس قوي زي التوكيلين السابق ذكرهم..

الجيتا اللي قاتلها في مصر سوء التوكيل الخاص بفولكس في مصر..
لكن كعربية اكيد مفيش عليها كلام..
بس مش هتشتري عربية و تروح تعمل الصيانات بتاعتها برة..
هتبقي دفعت تمن ضمان وكيل علي الفاضي..
و هتتعب و تقرف قوي لو حبيت تعمل اي حاجة في التوكيل.. بشهادة ناس اعرفهم معاهم فولكس..
الا لو ليك معرفه جامدة جدا في التوكيل..

كل عربية فيهم ليها نقاط قوة و نقاط ضعف..
شوف و قارن و شوف ارتياحك و قلبك رايح لمين..
و روح اركب و جرب و سوق العربيات دي و شوف هترتاح لأيه..

و اهم من كل الكلام اللي قولناه الاستخارة يا اخي الفاضل..
و ربنا يوفقك..

**farahat** · 15-06-2008 11:37 PM

المشاركة الأصلية كتبت بواسطة شاهين - بنز

معلش حطلع بره الإختيارا بس أنا لو معايا المبلغ ده حجيب باسات أوتوماتيك موديل 2007

+1111111111111111

**gassarian** · 16-06-2008 01:02 AM

ال Sonata 2.4L بعيدة عن تفكيرك؟؟؟
دي مرسيدس بعلامة هيونداي
واحد صاحبي لسة جايبنها جبارة في كل حاجة
فخامة
امكانيات
موتور
ثبات
شكل خارجي و واسعة جدا جدا
شوفها

**Ahmad Allawy** · 16-06-2008 09:18 AM

المشاركة الأصلية كتبت بواسطة gassarian

ال Sonata 2.4L بعيدة عن تفكيرك؟؟؟
دي مرسيدس بعلامة هيونداي
واحد صاحبي لسة جايبنها جبارة في كل حاجة
فخامة
امكانيات
موتور
ثبات
شكل خارجي و واسعة جدا جدا
شوفها

و ضرايب عالية.. و بنزين عالي..
وحط تحت الضرايب و التراخبص 20 خط..

**momoneer** · 26-06-2008 11:03 PM

يا جماعه انا ركبت الاوكتافيا وليا ملاحظات مهمه
العفشه عاديه جداً زيها زى اللانسر ومتجيش حاجه فى الفرنساوى
الصالون من جوه عادى جداً ميفرقش عن اللانسر حاجه
انا لو مكانك هجيب
1- ميجان برستيج+امكانيات عاليه+فخامه+فرنساوى
2-اوبل برستيج+امكانيات اقل+فخامه+المانى
اللى تستريح لها فيهم جيبها

**Ahmed Selim** · 27-06-2008 03:08 PM

المشاركة الأصلية كتبت بواسطة momoneer

يا جماعه انا ركبت الاوكتافيا وليا ملاحظات مهمه
العفشه عاديه جداً زيها زى اللانسر ومتجيش حاجه فى الفرنساوى
الصالون من جوه عادى جداً ميفرقش عن اللانسر حاجه
انا لو مكانك هجيب
1- ميجان برستيج+امكانيات عاليه+فخامه+فرنساوى
2-اوبل برستيج+امكانيات اقل+فخامه+المانى
اللى تستريح لها فيهم جيبها

معلش يا أستاذ منير أنا مش معاك فى نقطة عفشة الأوكتافيا دى

الأوكتافيا عفشتها هايلة و ال A4 كمان أحسن من ال A5 فى النقطة دى

أنا مرة عربيتى كانت فى التوكيل و واحد صاحبى كان لسه حايب بى أم ومباعش الأوكتافيا ال A4 اللى كانت معاه المهم أنه أدانى الأوكتافيا لحد لما عربيتى أستلمها من التوكيل
تاني يوم الصبح ماشى على الدائرى رايح الشغل و مستعجل شوية فبجرى ومش شايف العداد جايب كام بصيت لقيته 180 وانا فاكرها بالكتير 150 :) العربية دى كانت عاملة 98 ألف كم و مكنش غير حاجة فى العفشة والميكانيكى كان نصحه أنه يغير المساعدين عشان أبتدت تخف شوية.

على فكرة أنا عربيتى الميجان مركبلها مساعدين كونى رياضية عشان الثبات يبقى أحسن يعنى من الأخر ممكن أى حاجة متفرقش معايا فى العربية الا الثبات

للأ العفشة بالذات هايلة ولو أن فيها ملاحظتين تانيين
1- الباور تقيل
2- الفرامل واطية شوية

على فكرة أنا سقت 3 عربيات A4 موديلات مختلفة 98 و 2003 و 2004 وكلهم فيهم الملاحظتين دول