صيانة ال 15000 وتجربتى لزيت فالفولين

**drmagieed** · 05-11-2011 01:18 AM

بعد أقل من 12 ساعة من إستخدام زيت فالفولين 5w-30 صوت الماتور في السلانسية بقي أشبة بباجور الحرت وبقيت أسمع أصوات لم أتعود عليها من قبل ... أما لم أمشي بالعربية فهي حاجة محرجة والله ال 28 صوتها أنعم وأهدي ... الماكنة صوتها بيعلي لوحدة وال rpm ثابت في مكانه فمبالك لم أدوس دبرياج بلاقي ال rpm علي قوي ... أنا من ساعت ما إستلمت الزيت ومالقيتس برشامة ألومنيوم تحت الغطاء البلاستيك شكيت فيه علي طول ... وأنا الأن بصبر نفسي وبحاول أفسر إللي حصل وبقول ده سبب من إتنين مالوش تالت:
1- أن الزيت مضروب وبيتعبي في بير السلم (ما حدش يقولي العبوة معالهش كلمة عربي ومالوه ضربي أي عبوه شيئ سهل).
2- أن نوع الزيت 5w-30 إللي مكتوب في كتالوج العربية ده معمول للمواتير الأمريكي DOHC 16 v مش للمواتير المصري SOHC 8 v بديل إن مرشد الزيت علي موقع الشركة ما يعرفش حاجة عن الماتور SOHC وأن اللزوجة المناسبة لجونا هي 20w-50.
أعمل أيييييييييييييييه أشتكي الشركة لحماية المستهلك (375 جنيه راحوا علي الأرض) ولا أعمل أيييييييييييييييه أفيدووووووووووووووووووووو ني

**drmagieed** · 10-11-2011 12:28 AM

هأحاول خلال الأسبوع القادم فحص أسباب الخلل الممكنة ... وشكرا جزيلا

**drmagieed** · 12-11-2011 05:28 PM

بصوا يا جماعة روحت التوكيل إنهاردة علشان أشوف المشكلة قالوا لية لازم تغير فيشة tps وبعدين المهندس فحص الفيشة إللي راكبة وقالي الفيشة دي متغيرة ودي الفيشة الجديدة (أنا شاري العربية مستعملة) وبعدين فضل يلعب في بلف الأيدل كنترولر لحد الأر بي إم دلوقتي بيبدأ علي الشرطة إللي بعد الصفر مباشرة (كان الأول بيبدأ علي الواحد وبعدين ينزل للشرطة إللي تحت الواحد مباشرة) وبعدين يطلع لحد الشرطة إللي قبل الصفر مباشرة وبعدين حصلت حاجتين قفلوني من الموضوع كلة:
1- علي الغيار الأول العربية مبرجلة لدرجة إن الأر بي إم أحيانا يصل إلي ما قبل الصفر مباشرة ة وكأن العربية هتبطل.
2- لما تفتح التكييف وإنت علي السلانسية الأر بي إم بينزل لوحده وإنت مور لقرب الصفر وتحس برعشة في الفتيس والماتور وبعدين يرتفع للشرطة إللي تحت الواحد مباشرة ودة بإستمرار.
رجعت تاني للفني قالي ده طبيعي جدا والعربية ما فيهش أي مشكلة ... صحيح الأر بي إم معدش بيرتفع لما أدوس دبرياج لكن حالة العربية في السحب والمشي بقت وحشة لدرجة إنها ممكن تبطل مني أكتر من مرة لأنها عايزه رجل تقيلة علي البنزين. فما الحلللللللللللللللللللللل لللللللللل؟؟؟؟؟؟؟؟؟ وهل فيه ميكانيكي شاطر في الأفيو في المنصورة ممكن أروح له لأني حاسس إنهم في التوكيل مش عارفين أي حاجة.

**drmagieed** · 13-11-2011 02:20 PM

شاكر لك تعبك معي

**drmagieed** · 15-11-2011 12:44 AM

روحت إنهاردة لميكانيكي كويس في المنصورة ... ولقي حاجة غريبة إنهم في صيانة منصور فصلوا سلوك الفيشة إللي رايحة علي بلف الأيدل كنترولر لأن البلف معلق ومعلي العربية بإستمرار وبكدة يكونوا لغوا البلف والعربية صوتها يهدي والأر بي إم يهدي ... الراجل حل البوابة بالكامل ووالبطارية واصلة ونظفها برة ... وبعدين إشتريت بلف مكتوب عليه أصلي كوري ب 135 جنيه (في التوكيل 500 جنية) ... والأمور إظبطت شوية ... بس الراجل معملش أيدل ليرننج ولا ريست للبوابة ... وقالي ملهاش لازمة فأيه رأيكم أعمل أية في الموضوع ده ... سؤال ثاني البلف إللي كان في العربية كان إسمه Simens VOD والبلف الجديد مش مكتوب عليه حاجة. فأعمل أيه دلوقتي في حكاية رسترة البوابة والأيدل ليرننج ... وأنا مستني أمشي بالعربية شوية وأحرق عليها زي ما إنتوا قولتوا علشان تتظبط.