عمرك حلمت حلم ---فيلم !

**i_Boy** · 14-10-2011 03:47 PM

المشاركة الأصلية كتبت بواسطة icehearted girl

naheeeeeeeeeeeee

معلش يا ريت الترجمه علشان ثقافتي فرنساوي ههههههههه
اكسكيوز ماي فرنش

بالمناسبه ...
لو واحد مصري عايش بره بيحلم بالعربي ولا بالانجليزي ؟؟ هههههههه
يا ريت حد مغترب يدينا فكره

**icehearted girl** · 14-10-2011 03:50 PM

بثقافته الاصلية....لان الحلم مش احداث الحلم مجرد صور بتاخد ثواني والعقل الباطن بيترجمها لقصة...بيحور يعني..فطبيعي بتبقي بللغة الدارجةة بالنسبة له اللي بيفكر بيها بينه وبين نفسه

**i_Boy** · 14-10-2011 04:15 PM

المشاركة الأصلية كتبت بواسطة حماده المصري

واخر حلم حلمته من يومين اني اشتريت الفاروميو 159 بس للاسف صحيت قبل ما اسوقها عشان كده اتخنقت بصراحه العربيه في الحلم كانت تحفههههههههههههه

هي تحفه فعلا
بس ملهاش قطع غيار
لا في الحلم ولا في العلم :))

ابقى احلم بعربيه كوري بعد كده

**azmeralda** · 14-10-2011 08:56 PM

المشاركة الأصلية كتبت بواسطة حماده المصري

اااااااااااااااااااااااه من الهبل ااااااااااااااااااااه

ههههههههههههههههههههههههه ههههههههه

انا طول عمري بحلم باحلام غريبه جدا لدرجه بحس اني مجنون

كلها احلام فضائيه غريبه وكائنات غريبه بنحارب معاها

بس اكتر فيلم بضحك عليه الى الان كنت مشغول فتره كبيره مع لعبه اسمها ديلتا فورسز هي حرب بين امريكا وافغانستان تقريبا وفيها اسرى وحاجات كده

انا بقى حلمت اني بحارب واسرت وحده وحبيتها وكل شويه امسك البدقيه واتقل في شويه ناس وارمي البندقيه واحب فيها شويه قمت من النوم عندي هستريه ضحك قولت لنفسي هو الهبل وصل لكده ولا ايه

واخر حلم حلمته من يومين اني اشتريت الفاروميو 159 بس للاسف صحيت قبل ما اسوقها عشان كده اتخنقت بصراحه العربيه في الحلم كانت تحفههههههههههههه

هبل ليه بس ما احلامك حلوة اهو ياعم الشجيع : )

طب ايه رأيك انى كنت بحلم دايما انى فى مطاردة وبيبقى الحل الوحيد للهرب اركب عربية قدامى فيها المفتاح بس انا مبعرفش اسوق والمشكلة الحلم اتكرر بشكل مرعب ومؤذى قام تفتق ذهنى انى اروح اتعلم السواقة : ) وصدق او لا تصدق معدتش بشوف الكابوس ده فعلا ونفس الحل عملته فى كوابيس البحر رحت اتعلمت السباحة مش سبيحة يعنى بس بعرف اقف فى المياه شوية وبقيت كل حلم مرعب يتكرر وتنفع معاه الطريقة دى اروح اتعلم له حاجة وفعلا استفدت واتحولت النقمة الى نعمة

سبحان الله

وبالنسبة لحلمك بتاع العربية ده حلو جدا لو اعتبرناه رؤية لأن العربية فى الحلم بتمثل حياة الأنسان ويلا ابسط ياعم ادينى فسرتهولك ونفعتك والحلم لأول تفسير وليا لفة

**azmeralda** · 14-10-2011 08:59 PM

المشاركة الأصلية كتبت بواسطة i_Boy

معلش يا ريت الترجمه علشان ثقافتي فرنساوي ههههههههه
اكسكيوز ماي فرنش

بالمناسبه ...
لو واحد مصري عايش بره بيحلم بالعربي ولا بالانجليزي ؟؟ هههههههه
يا ريت حد مغترب يدينا فكره

neheee يعنى لأ بالهندى : ) ومحبوبة والكلام بتاعهم ده انت مش معانا عالخط خااالص

هو مش كان باين رأفت الهجان بيقولوا له لازم تحلم بالعبرى لو فوقوك من النوم فجأة تبقى بتتكلم عبرى برضه: )

**azmeralda** · 14-10-2011 09:01 PM

المشاركة الأصلية كتبت بواسطة Ghamrawy

انا بقى مش باحلم خالص
كانى لما بنام ببقى عامل زى موبايل من غير بطارية
حاجة مزعجة و غريبة
تفتكروا انا عيان يا جماعة ؟؟

معلوماتى ان مفيش حد مبيحلمش بس حسب المرحلة اللى حلمت فيها لو مدخلتش مرحلة النوم العميق يبقى عمرك ما هتفتكر الحلم وبعدين يمكن تكون يا بختك ده واحدة صاحبتى كانت زعلانة جدا من الموضوع ده وبقت تحلم بعد كده بمامتها المتوفية وهى اصلا موسوسة فكل ما تجيلها تترعب وتقعد مكتئبة ايام وتقول ياريتنى فضلت محلمش

**azmeralda** · 14-10-2011 09:06 PM

المشاركة الأصلية كتبت بواسطة icehearted girl

انا كل احلامي تعتبر افلام رعب..من ونا صغيرة..عربيات بتطير..وتعابين بتتحول...وخدي من دا كتير.....

بيقولك حلم السقوط من مكان عالى ده اللى كلنا بنحلم بيه وكلنا بنصحى قبل ما نخبط الأرض لو خبطناها فعلا فى الحلم هنموت بجد ومش هنصحى فاحلام الرعب خطيرة ودقات القلب فعلا بتوصل فيها لمرحلة صعبة انا احيانا بيبقى الحلم واقعى جدا لما بصحى مبصدقش انه كان حلم وتبقى اماكن فى جسمى اللى اتعورت فى الحلم بتألمنى بجد ولفترة بعد الصحيان وقلبى بيبقى هيقف مش فاضل غير انى الاقى حاجة من الحلم فى ايدى لما اصحى هههههههه

وبيقولك بقى حلم السقوط من مكان عالى ده مترسب فى عقلنا الباطن قال ايه من ايام جدودنا ما كانوا بيناموا فوق الشجر خوفا من الحيوانات المفترسة

وفعلا تلاقى كل الناس تفضل تحلم بعد ما تخلص دراسة بسنين انها فى امتحان واللجنة ومش مذاكرة والحاجات دى يخرب بيت الرعب

**azmeralda** · 14-10-2011 09:08 PM

المشاركة الأصلية كتبت بواسطة i_Boy

انا حلمت بحبي الاول
وكان حلم حلو
خلاني احس اني جزمه اني سيبتها
ههههههههه
اتعكنن عليا بصراحه من الحلم لما صحيت
مكنتش عايز اصحى
ولو الحلم اتعمل فيلم ... اعتقد حيرفع نسبه الجواز ويقضي على العنوسه
ومحدش حيسيب حبيبته

بس طبعا مش ححكي التفاصيل علشان مش عايز اعمل خير في بنات البلد لو حد عمل القصه فيلم هههههه

يا سلام عالشر خلاص اعمل خير فى نفسك على الأقل احيانا العقل الباطن بيبعت لنا رسايل بالحاجات اللى مش عيزين نواجه عقلنا الواعى بيها يمكن عايزك تحاول ترجع لها مثلا

**azmeralda** · 14-10-2011 09:14 PM

المشاركة الأصلية كتبت بواسطة nabaster

وليه متقوليش العكس؟؟؟

ان حياتك تتحول لفيلم
l(ماهى عشان تتحول لفيلم لازم اللأول اكون حد مشهور او معروف يعنى الناس هتهتم بسيرتى الذاتية ليه)
عن نفسي لو اخر خمس ست سنين ليا اتعملوا فيلم انا واثق ان 99% هتقول ده فيلم خيال علمي ومحدش هيصدق

وهيتهموا المخرج والمؤلف بالجنوووووون(اعتقد الناس مش هتصدق قصة حياتى برضه وفيها مواقف هيعتبروها ميلودراما مبالغ فيها والناس هتعيط وفى مواقف هيعتبروها معجزات ويقولوا واسعة:)

فكرت كتير اكتب حاجه عني معرفتش لأني معنديش ملكة الكتابه وتحليل الاحداث لكلمات

وفي نفس الوقت مبحبش اتكلم دايما عن تفاصيل تخصني

علشان كده كان هيفضل اسم المؤلف وهمي للأبد ..........................(انا بقى عندى ملكة الكتابة وبكتب شعر وافت قصص كمان وعجبت اصحابى بس صعب جدا تحكى للناس تفاصيل حياتك وتشرك كل من هب ودب فى الامك واحزانك وافراحك واحلامك )
واوعدك لو بقيت مشهورة جايز عشن الناس تاخد منها شوية دروس بس -تواضع بقى تعمل ايه

A.Yakout