الموضوع: هل السعر ده مظبوط e60 2004

المشاركة الأصلية كتبت بواسطة Dr.Mostafa Anwar

السلام عليكم ... أشكر لكم إهتمامكم والرد السريع أخي فرحات وانسبيرون

لكن الحقيقة أنا نسيت أذكر تفصيلة صغيرة في الموضوع أدت لسوء فهم بسيط

التفصيلة دي إن العربية e60 مش e39

أظن دلوقتي الأمور كلها إختلفت والحكم علي الموضوع هيكون محتلف برده وآسف على إزعاجكم وخطأي

مفيش e60 مو 2004 اوله 2005

المشاركة الأصلية كتبت بواسطة maskeen

معلش ياكبير انا ليا راى (معلش بقى استحمل اخوك المبتدىء لما يفتى)

انا التيل عندى غيرته من 5 الاف كم وجبته ب 500 جنيه من محل ثقه تماما (ونوعه معروف وجيد بس ناسيه الان)..مش عارف 1500 دى قصدك على ايه

تانى حاجه..لما ركبته ظبطت العداد والكومبيوتر كان بيقول انه فاضلله 40 الف كم..ودلوقت بعد ما مشيت بيه 5 الاف كيلو العداد زاد! ولم ينقص لحد امبارح وصل الى ان التيل قدامه 47 الف!..ده طبعا منطقى لان سواقتى كلها من على السريع من الشروق الى الماظه وبالعكس..

اللى ان قصدته ان ال 40 الف دول مش رقم كبير ولا حاجه....بالعكس ده قليل بالقياس الى التيل اللى كان فى حبيبتى الكورولا الى قعد 130 الف!!!
انا اتوقع من تيل البى ام انه يقعد 100 الف ...وعلى فكره ده حصل مع مديرى فى الشغل الى عنده اخت عربيتى موديل 2006 برضه عامل بيها 105 الف ولسه مغير التيل

انا متشوق قوى اشوف عداد الكومبيوتر هايفضل يعلى لحد امتى قبل ما يبتدى ينزل

- انا عن نفسى بفضل التعامل مع التوكيل و التيل المقصود هو بى ام المانى اصلى لل e60 .
- اكيد التيل الى حضرتك جبتو مش بى ام - لكنه يركب بدون مشاكل و سعره طبعا منخفض جدا ( ده تيل النيسان صنى فى التوكيل ب 350 جم و مكتوب على العلبه made by nissan يعنى ممكن يكون صينى !! ) و كمان للعلم تيل ال e90 البى ام الاصلى يعمل حوالى 900 جم !!!

- 40 الف كم ده الحد الادنى زى ما الكمبيوتر كتبلك و لكنه ممكن يعمر حسب طريقه القياده طبعا - انا افتكر انى غيرته عند 60 الف كم.

- و فعلا زى ما اخ من المنتدى قال هى مش شطاره ان التيل يقعد لغايه 100 الف كم !! لا نه ببساطه حياكل الطنبوره و يقلل سمكها و بالتالى عمرها يقل و الطقم للعلم فقط ب 5 لاف جم يعنى ورا و قدام 10 الف جم !!!!!

- ممكن تقولنا غيرت التيل عند كام الف ؟؟ لان الى كان راكب اكيد بى ام اصلى فابريقه - و طبعا الى حضرتك ركبته مش ممكن يقعد زى الى كان راكب ...
تحياتى ...

المشاركة الأصلية كتبت بواسطة ahmedsadek82

عايز اقول ملحوظة بس بخصوص التيل : التيل (الاصلي) الوحيد لبي ام هو اللي بيتباع في البافارية اما اللي بيتباع بره فممكن يكون كويس برده و من نفس الشركة المصنعة مش اللي علبته مكتوب عليها بي ام او بمعنى اصح مش الapproved by bmw , تاني حاجة بالنسبة للعربيات اللي بتفرمل كويس (مش حقدر اتكلم عن تيوتا و لانسر و كده) انا بتكلم عن مستوى فرامل زي بي ام و مرسيدس مثلا : مش من الطبيعي ان التيل يعد اكتر من 40 الف (بالنسبة للسواقة العادية في المدينة) لان ببساطة سيستم الفرامل بيعتمد على جزء hard و غالي وهو الطنبورة و جزء soft و هو التيل ال(consumable) وله معاملات احتكاك و نسبة تاكل معينة حسب المادة المصنوعة و متفق عليها مع بي ام فكون المادة ال soft اللي التيل معمول منها ديه مش بتتاكل لحد 100000 كيلو مثلا فده معناه ايه ؟؟؟ معناه انها harder او بتتاكل بنسبة اقل و ده معناه ايه ؟؟؟ انها بتاكل اكتر في الطنبورة اللي هي الجزء الغالي اللي بيعد حوالي 100000 كيلو في المتوسط بالمناسبة , فكون التيل يعد كتير قوي فده مش كويس بالمنطق الهندسي. ملحوظة تانية و هي ان برنامج السرفيس مش بيقيس سمك التيل اللي فاضلك لكن بيقدر من طريقة السواقة المسافة المتبقية يعني بيحسب معدل تااكل و طبعا عشان المعدل ده يكون دقيق و مظبوط لازم يكون بالتيل اللي بي ام مصممة بيه اللي له نسبة تااكل معينة معروفه للبرنامج.

+++111

و اكرر >>> كمبدأ عام مش من الشطاره و لا حتى من مبدأ التوفير انى اسيب اى قطعه غيار consumable اى تستهلك مع مرور الوقت/الاستعمال لبعد الوقت الذى ينصح به خبراء السيارات ، لانه حينعكس على قطعه تانيه اغلى اضعاف او تقليل كفاءه العربيه او المخاطره لا قدر الله بعنصر الامان - مما سينعكس على سعر اعاده البيع و هكذا . . . .
....* انا بعد ما بعت اخر بى ام 523 e60 - كنت بروح مع اصدقاء لمعاينه سيارات مماثله و تجربتها و كثير من السيارات عند التجربه للاسف لا تمت بصله بجوده البى ام !!!! مثل اصوات من العفشه غريبه و عدم الشعور بالراحه / كسره الباور مش مريحه / الفرامل مش الى هيه . . . . . . و هكذا - الاهمال فى العربيات دى وحش اوى ...
ايضا نحن فى قسم بى ام يعنى العربيه رفاهيه و غاليه و فى المقابل تعطيك متعه قياده و راحه ، فبالتالى نصيحه >> حافظ عليها بقدر ما تستطيع .
تحياتى ...