الموضوع: معلومة صغيّرة .. بس مسكرة

في الموضوع ده هقولكم على معلومة بسيطة .. ويمكن يكون في ناس عارفينها .. بس نتيجتها حلوة
هي مش معلومة عن العربيات .. لا دي معلومة عن طريقة عرض المشاركات في الموضوع وعدد المشاركات في كل صفحة
واللي خلاني أعرض المعلومة دي إني لقيت العملاقين الاتنين بتوع المنتدى "أحمد مصطفي وحسين" ميعرفوهاش
فقلت يبقى أكيد في ناس تانية كتير متعرفهاش بردو
الحكاية ببساطة إنك لما تفتح أي موضوع عدد المشاركات فيه كبير .. هتلاقي عدد الصفحات بتاعته كتير
وهتلاقي كل صفحة فيها 10 مشاركات فقط
وبعد كده لازم تقلب على الصفحة اللي بعدها اللي هيكون فيها 10 مشاركات وهكذا
يعني لو موضوع مثلا فيه 120 مشاركة .. هتلاقيه متقسم على 12 صفحات
اللي عايز أقوله بقى إنك ممكن تزود عدد المشاركات اللي في كل صفحة عشان متشغلش بالك كل شوية وتقعد تقلب في الصفحات
ممكن تزود عدد المشاركات في كل صفحة لغاية 40 مشاركة في الصفحة الواحدة
يعني لو موضوع مثلا فيه 120 مشاركة .. هتلاقيه متقسم على 3 صفحات .. بس
أريح بكتير .. إلا في حالة واحدة بس .. لو النت عندك بطيء جدا
طب إزاي نعمل كده؟!!!
بص ياعم الحاج
هتتدخل على "لوحة التحكم" في أعلى يمين الصفحة





بعد كده هتتدخل على "تعديل الخيارات"





بعد كده تنزل لحد ما تلاقي "خيارات عرض المواضيع"
وتغير من "استخدام العرض الافتراضي" إلى "عرض 40 مشاركة بك صفحة"









وبس