استهلاك البنزين للكورولا الجديدة

**Ahmod** · 16-10-2011 04:17 PM

انا شايف ان استهلاك حضرتك للبنزين معقول

يعني 150 كم في الصفحية داخل البلد مع التكييف والزحمة يعتبر كويس

لان خاصا الزحمة دي بتأثر بشكل رهيب + التكييف + دوستك على البنزين عاملة ازاي هل بتدوس جامد ولا العربية بتاخد غيارتها براحتها

انا معايا ياريس 1300 اتوماتيك واستهلاك البنزين عندي يكاد يكون مقارب للاستهلاك عند حضرتك

**Ahmod** · 16-10-2011 08:09 PM

المشاركة الأصلية كتبت بواسطة eidthe4th

ما هو المسافة كلها مش فى الزحمة و التكييف ما اشتغلش كتير و العربية أنا هادى معاها أوى ، و اللى بردو محسسنى إن استهلاكى عالى هو اللى بسمعه عن استهلاك العربيات التانية اللى هى بردو 1600 سى سى ، فبقول يمكن يكون عندى حاجة عايزة تظبيط.

انا مش عارف صراحة ده استهلاك يعتبر عالي ولا معقول

خاصا لان عربيتي 1300 فصعب اقارن بالاستهلاك عندي لانه طبيعي لازم يكون احسن

انا رايي حضرتك استنى لحد ماعلامة البنزين تنورك بعدين حط 20 لتر

وشوف عداد الكيلو متر انت ماشي بيه قد ايه

ولما تيجي العلامة تنور مرة تانية شوف قطعت كام كيلو

وحاول انك في الفترة دي ماتشغلش التكييف وبمى ان العربية عندك MMT يبقى تنقل بدري يعني مثلا ممكن تديها رابع وانت لسه على سرعة 70

اول 20 تاني 40 وهكذا يعني تنقل مابين 2-3 Rpm ماتعلاش عن كدة

واعمل التجربة دي مثلا مرتين وشوف وان شاء الله هيبقى مافيش حاجة وابقى طمنى طلع معاك الاستهلاك قد ايه

**eidthe4th** · 17-10-2011 09:14 AM

المشاركة الأصلية كتبت بواسطة ahmod

انا مش عارف صراحة ده استهلاك يعتبر عالي ولا معقول

خاصا لان عربيتي 1300 فصعب اقارن بالاستهلاك عندي لانه طبيعي لازم يكون احسن

انا رايي حضرتك استنى لحد ماعلامة البنزين تنورك بعدين حط 20 لتر

وشوف عداد الكيلو متر انت ماشي بيه قد ايه

ولما تيجي العلامة تنور مرة تانية شوف قطعت كام كيلو

وحاول انك في الفترة دي ماتشغلش التكييف وبمى ان العربية عندك mmt يبقى تنقل بدري يعني مثلا ممكن تديها رابع وانت لسه على سرعة 70

اول 20 تاني 40 وهكذا يعني تنقل مابين 2-3 rpm ماتعلاش عن كدة

واعمل التجربة دي مثلا مرتين وشوف وان شاء الله هيبقى مافيش حاجة وابقى طمنى طلع معاك الاستهلاك قد ايه

أنا إن شاء الله هاحسبها تانى بس بنفس الطريقة لأنى أخاف أسيب التانك لحد اللمبة ما تنور أحسن يكون فى وساخة فى التانك فيعمل مشكلة فى الرشاشات.

**wwaeel** · 17-10-2011 10:46 AM

نصيحه املاء التك علي الاخر واطلع طريق مفتوح وثبت السرعه 90 كم وحاول تمشي فتره السرعه ثابته يعني متزودش ولا تهدي وامشي مسافه و حط بنزين تاني وشوف معدل الاستهلاك قد ايه لو لقيته طبيعي يبقي العربيه مبتكلش بنزين لان مينفعش تحسبها في الزحمه لان في حجات كتير بتاثر جوه البلد علي الاستهلاك

**eidthe4th** · 17-10-2011 12:38 PM

المشاركة الأصلية كتبت بواسطة wwaeel

نصيحه املاء التك علي الاخر واطلع طريق مفتوح وثبت السرعه 90 كم وحاول تمشي فتره السرعه ثابته يعني متزودش ولا تهدي وامشي مسافه و حط بنزين تاني وشوف معدل الاستهلاك قد ايه لو لقيته طبيعي يبقي العربيه مبتكلش بنزين لان مينفعش تحسبها في الزحمه لان في حجات كتير بتاثر جوه البلد علي الاستهلاك

شكرا هاحاول أجرب و ربنا يسهل

**elnour_toktok** · 17-10-2011 03:09 PM

انا معايا جنوب افريقى mmt استهلاكها حوالى 220 الى 230 فى الصفيحة والاستهلاك دة ثابت معايا من يوم مشتريت العربية وانا مشوارى يوميا 50 كيلو نصفهم جوة البلد ونصهم على الطريق السريع

ولكن لمل بكون مسافر على الدولى بيوصل ل290ك الى 300ك
كل الاستهلاك السابق مع التكييف