استهلاك البنزين للكورولا الجديدة

**eidthe4th** · 14-10-2011 05:30 PM

السلام عليكم.....
أنا معايا كورولا موديل 2009 جنوب أفريقى موتور 1600 سى سى ، أنا عارف إن اليابانى عموما وتويوتا خصوصا أستاذة توفير فى استهلاك البنزين ، فكرت من أسبوعين أحسب استهلاكها من باب العلم بالأرقام ، أنا كنت متوقع 250 كم/الصفيحة جوة البلد و 350 كم/الصفيحة على الطرق السريعة .... يعنى حاجة زى كدة ، المفاجأة كانت إنى استهلكت حوالى 36 لتر فى حوال 270كم يعنى تقريبا 150 كم/الصفيحة ، ممكن أقول إن نص المسافة داخل المدينة و النص التانى طرق سريعة ، وبما إن التكييف عندى كان فيه مشكلة فكنت أحيانا أشغله و أحيانا لأ ، طبعا 150 كم/الصفيحة ده رقم قليل جدا ، السؤال بقى لكل من يمتلك التويوتا و حسب استهلاك عربيته يقوللى استهلاكها معاه أد ايه ؟؟؟؟؟؟؟؟، ولو عندى الاستهلاك عالى المفروض أعمل ايه؟؟؟؟؟؟؟؟؟؟ آه ...نوع البنزين اللى باستخدمه 92.

**sas5** · 14-10-2011 06:32 PM

كرولا 2010 اتوماتيك جنوب افريقى 165 - 170كم فى العشرين ليتر - التكييف شغال - داخل البلد

**Unendlich** · 15-10-2011 01:38 AM

340-350 في الصفيحة في سفرية الساحل
290-300 من مصر الجديدة للتجمع الخامس

**eidthe4th** · 15-10-2011 11:02 AM

340-350 في الصفيحة في سفرية الساحل
290-300 من مصر الجديدة للتجمع الخامس

هى العربية دى نوعها ايه و كام سى سى؟؟؟؟؟؟

**eidthe4th** · 15-10-2011 11:18 AM

المشاركة الأصلية كتبت بواسطة sas5

كرولا 2010 اتوماتيك جنوب افريقى 165 - 170كم فى العشرين ليتر - التكييف شغال - داخل البلد

طيب و حضرتك شايف كده طبيعى ولّا الاستهلاك عالى؟؟؟؟؟

**sas5** · 15-10-2011 12:21 PM

المشاركة الأصلية كتبت بواسطة eidthe4th

طيب و حضرتك شايف كده طبيعى ولّا الاستهلاك عالى؟؟؟؟؟

عالى شويه بسبب التكييف فى الصيف
فى الشتاء 190 - 200كم داخل البلد

كان معى سابقا نيسان صنى 2007 انوماتيك استهلاك البنزين فى داخل البلد فى الصيف بالمكيف 150 - 160 كم فى العشرين ليتر

**Unendlich** · 15-10-2011 05:02 PM

المشاركة الأصلية كتبت بواسطة eidthe4th

هى العربية دى نوعها ايه و كام سى سى؟؟؟؟؟؟

كورولا 1600 mmt موديل 2008

**eidthe4th** · 16-10-2011 10:26 AM

المشاركة الأصلية كتبت بواسطة unendlich

كورولا 1600 mmt موديل 2008

يعنى نفس عربيتى تقريبا بس فرق الموديل ، طيب هو حضرتك حسبتها إزاى لأنك بتقول 340 - 350 يعنى مش بالضبط ، و ايه نوع البنزين و هل ده بالتكييف و لا من غيره و هل العربية كده من يوم ما اشتراتها و لا عملت فيها حاجة......؟ ، أنا آسف للأسئلة الكتيرة بس أنا عايز أعرف أنا كده عندى حاجة غلط و لا لأ.

**hn_kamal** · 16-10-2011 02:13 PM

فى التابلوه حتلاقى الزرار بتاع درجة الحرارة ممكن تدوس عليه يديلك معدل استهلاك البنزين كام كيلو للتر

**eidthe4th** · 16-10-2011 02:52 PM

المشاركة الأصلية كتبت بواسطة hn_kamal

فى التابلوه حتلاقى الزرار بتاع درجة الحرارة ممكن تدوس عليه يديلك معدل استهلاك البنزين كام كيلو للتر

هو فعلا بيكتب انت بتستهلك كام لتر فى ال 100 كم و ده حسب دوستك على البنزين و السرعة و الغيار اللى انت ماشى عليه. بس ده مش هو الاستهلاك الفعلى بتاع العربية ، أنا عايز حد يكون حسبها بنفسه زى ما أنا عملت ، يعنى يفول العربية و يصفر عداد ال Trip-A أو Trip-B و يمشى مثلا لحد نص التانك و يفول تانى و يقسم المسافة اللى قطعها على عدد اللترات و يضرب فى 20.