ركبت أوسرام نايت بريكر

**Sehsss** · 03-01-2012 12:49 AM

المشاركة الأصلية كتبت بواسطة y2y1500

انا كمان استلام 6-2010 ولمبة واحدة h4 زى اخر صورة تحت النبيتى والكشافات المثلثة

تمام يا باشا، الفانوس الجديد صح

**Sehsss** · 03-01-2012 08:45 PM

المشاركة الأصلية كتبت بواسطة midorody

والله يا جماعه انا ناوى اشتريهم لما انزل القاهرة ان شاء الله
وشكرا ليكم جدا على المعلومات المفيدة جدا
بس عايز اعرف لو انا فى مدينه نصر من عند الحاج احمد مشعل مثلا ازاى اوصل المدينه شارع دمشق؟؟؟

كان نفسي أفيدك بس أنا نيلة في الطرق، إن شاء الله حد يرد ويشرحلك توصل ازاي، بس أنا سمعت إن محل المدينة ما عندوش اليومين دول

**zangry** · 03-01-2012 09:29 PM

هو شارع دمشق ده فين بالظبط لأنى عايز اجيب المض دى

**Sehsss** · 03-01-2012 09:52 PM

المشاركة الأصلية كتبت بواسطة رزق

طب مفيش غير محل المدينة أو شارع دمشق؟
مزنوق في واحدة و محتاج حاجة قريبة من وسط البلد بدل ما يتنصب عليَّ في 200 جنيه زيادة في الوكيل بكمالة النصب
220 من 125 جنيه للامبة الوحدة

يا باشا اللمبتين في المدينة بـ125 جنيها مصريا فقط لا غير، وفي مودرن (اللمبتين) بـ220 جنيها مصريا فقط لا غير مش للمبة الواحدة !!

**Sehsss** · 03-01-2012 09:52 PM

المشاركة الأصلية كتبت بواسطة zangry

هو شارع دمشق ده فين بالظبط لأنى عايز اجيب المض دى

مصر الجديدة

**Sehsss** · 03-01-2012 11:58 PM

المشاركة الأصلية كتبت بواسطة zangry

الف شكر ياباشا

العفو

**Youssef.Awad** · 04-01-2012 12:34 AM

المشاركة الأصلية كتبت بواسطة midorody

والله يا جماعه انا ناوى اشتريهم لما انزل القاهرة ان شاء الله
وشكرا ليكم جدا على المعلومات المفيدة جدا
بس عايز اعرف لو انا فى مدينه نصر من عند الحاج احمد مشعل مثلا ازاى اوصل المدينه شارع دمشق؟؟؟

اللمبات اوسرام نايت برايكر الh4 للصنى من 2010-2012 موجودة فى المدينة وثمنهم 125ج وتركيبهم ب10ج عند واحد جنب المحل اما الh3 الخاصة بفوانيس الشبورة المستطيلة فهى اللى مش متوفرة دلوقت وثمنهم 90ج وكل اللمبات بتتباع بالجوز مش لمبة واحدة
اما العنوان فموجود فى شارع دمشق بمصر الجديدة امام بنزينة التعاون وللاسف انا اكتر حتة باتوه فيها هى مصر الجديدة شوارعها وميادينها متداخلة رغم انى روحت المحل ده 3 مرات لوحدى كل مرة من طريق شكل واخر مرة روحت من المحل لجينز كار فى مدينة نصر
وبالتقريب كده الوصفة كالاتى:
امسك صلاح سالم فى اتجاه العباسية لحد نفق الثورة هاتاخد يمين وتمشى بجانب اللى طالع منه وتكمل طوالى لحد الكوربة الطريق هياخدك شمال فى يمين وتاخد يمين تانى قبل ما تعدى شريط المترو والتقاطع وتفضل ماشى هتلاقى يمينك ارض فاضية وجراج كده مكشوف - ممكن تسأل هنا ع الشارع - هايقولك عدى اول فتحة يمين وادخل التانية ولما تخلصها هتلاقى موقف اتوبيسات ومينى باصات هتخليه على يمينك وتمشى طوالى - كده انت فى شارع موازى لشارع دمشق اللى يمينك بس لأنه اتجاه واحد بتضطر تاخده من اوله - تفضل ماشى 100-150 متر وبعدين تدخل يمين هتلاقى الشارع وتدور على بنزينة التعاون هتلاقى المحل قدامه بالزبط ... طبعا توهتوا كلكم