الموضوع: لوجي عملتها امبارح

امبارح لقيت اختي بتكلمني بتقلي العربية مش بتدور
سألتها على لمبة الاموبيلايزر قالتلي بتنور و تطفي قلت بس المفتاح كدة بالسلامة
المهم رحت و معايا المفتاح الثاني لقيت ان المشكلة بطارية و مفيهاش ولا نفس ولا حتى فيها نفس يفتح تكة الكونتاكت الاولى علشان ارميلها
كلمت التوكيل علشان يبعتولي مهندس ببطارية و عربية على اسا انها في الضمان
اخد رقم الشاسيه و الموتور و لقى ان البطارية ضمانها انتهى من يومين تجيبهم كدة ولا كدة مفيش
اخدت العربية الثانية اللي كانت معايا و اختي و روحنا و بعد كدة طلعت على الكهربائي اخدت منو بطارية و وصلة و صبي جه معايا وصلنا وصلة للبطارية و الدنيا بقت تمام و طلعنا على الكهربائي نكشف على البطارية و الدينامو و كدة

البطارية فعلا طلعت ماتت خلاص قلتلوا عاوزها 70 امبير زي اللي فيها قالي بكرة اجيبهالك

النهاردة رحت ليه مش لاقيها و بيقلي خد ال74 امبير او ال55 بردو رحت كلمت التوكيل و حولوني على مهندس سألته قالي ال55 او ال70 او ال74 كلوا شغال و مفيش مشاكل بس يفضل 70 او 74 قلتلوا شكرا و اخدت العربية و رحت عند واحد ثاني اشتريت بطارية 70 امبير كوري اسمها Global و شكلها المبدأي كويسة من تقفيلها و ب430 بالقديمة و الحمد لله لوجي رجعت تمام ثاني =)))

الف مبروك على البطارية الجديدة يا محمود باشا


طب مش تتصل بيا اجيلك ولا حاجه

انا اشتريت وصلة لاني داخل على سنتين وعارف ان ده ميعاد البطارية

جت فيك انت !!