الموضوع: هل السحر يؤخر الزواج ؟

المشاركة الأصلية كتبت بواسطة donzi

كل شىء قسمة و نصيب اولا

و لكن السحر مذكور في القران و الاعمال ممكن فعلا توقف الحال و بيبقى العمل معمول بالربط ووقف الحال و العلاج الوحيد للاعمال هوا قراءة القراب الكريم بكثرة و الصلاة و الدعاء و لكن اولا القران

اما بقى موضوع فك الاعمال و الدجالين و الكلام دا كلام فارغ و مالوش اي 30 لازمة و ضحك على الدقون و لكن لو في شيخ موثوق به و بيعالج بالقران و الرقية الشرعية فقط لا غير و بدون مقابل ممكن يتم زيارته او دعوته لزيارة بيت البنت و في وسط اهلها

فعلا قسمة ونصيب بس ممكن يكون الموضوع لا فى سحر ولا شئ وممكن يكون الاهل مثلا متشددين فى طلباتهم او حاجة زى كده لانى اعرف بلاد بعينها بيطلبوا شئ واشويات و30 الف شبكة وقائمة ب100 الف جنيه وحاجات كده او اشياء من هذا القبيل
ادعوا الله ربنا يهدى الناس ويجوزا ولادهم وبناتهم قدر المستطاع وميبالغوش فى الطلبات اللى بتقطم الوسط وتخلى الواحد يبتدى حياته مديون ويبئا عاتق على ضهره سواء اهل البنت او الولد
ونبطل بئا كلمة اصل بنت عمتها جابت ايه وبنت خالتها اشترت بكام والحاجت ديه اهم شئ ندور على التقى حسن السلوك ونحمى ولادنا من الفتن اللى بتتحدف علينا من كل جانب وطالما العريس هيعيشها عيشة كريمة ومش هيمد ايده لحد ويقضيها سلف يبئا يتوكلوا على الله
وادعولى وبقيت الشباب يرزقنى بعمل كويس وبزوجات صالحات ويسترنا ولا يفضحنا ابدا

وفى فكرة كده
نعمل قسم لزواج الشباب الجادين من نايل موتورز بحيث ان اللى عايز يبعت بيناته للادارة مثلا وهما بيشوفوا مدى التوافق والموضوع بيتم فى سرية تامة منعا لحدوث احراج لأى الطرفين
ويعرضوا الموضوع على الطرفين دون مسؤلية منهم
وبكده الادارة تبئا عاملة زى المجلس العسكرى وعليها عاتق كبير ومسؤلية ضخمة وهم مايتلم
وكريم منير هيسجنى اقصد هيقوفنى ويقولى هى نقصاك انت كمان ههههههههههههه
ايه رايكم فى الموضوع ده واللى عنده اقتراح يقدمه بخصوص الفكرة وكيفية عملها بحيث لا يكون فيها انحيازات ولا حد يزعل ويقول انت السبب
لو حد مش عجابه الفكرة ياريت ميشتمش علشان هاخد منه حسنة من الهوا والحسنة بعشرة امثالها
وشكلى هلم لم جامد اوى وخش بيهم الجنة حدف

السحر موجود فعلا
بس خد بالك ان فيه ناس بتعمل شيوخ علشان الموضوع ده وهما بيبقوا سحره وممكن يعمل حاجات وحشه مع اى بنت ترحله
فخد بالك

السحر موجود ومقطوع بذلك شرعا لقول الله عز وجل فى سورة البقرة الاية ( وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ
ولكن هناك امور اخرى تلعب دورها فى هذا الموضوع
معلوم ان العنوسة في مصر بدرجة كبيرة وحسب الإحصاءات الرسمية يوجد في مصر 13 ملايين شاب وفتاة تجاوزت اعمارهم 35 عاماً لم يتزوجوا، منهم 2.5 مليون شاب 10.5 مليون فتاة فوق سن الـ35 ومعدل العنوسة في مصر يمثل 17% من الفتيات اللاتي في عمر الزواج، ولكن هذه النسبة في تزايد مستمر وتختلف من محافظة لأخرى، فالمحافظات الحدودية النسبة فيها 30% لأن هذه المحافظات تحكمها عادات وتقاليد, أما مجتمع الحضر فالنسبة فيه 38% والوجه البحري 27.8%، كما أن نسبة العنوسة في الوجه القبلي هي الأقل حيث تصل إلى 25% ولكن المعدل يتزايد ويرتفع في الحضر وأسباب أنتشار العنوسة في مصر هو ارتفاع معدلات البطالة وغلاء المهور والإسكان علي وجه الخصوص وارتفاع أسعار تكاليف الزواج
فهل معنى ذلك ان كل هؤلاء اتعمل لهم سحر؟ امر غير معقول
هناك امر اخر هذه البنت فرج الله كربها عايزة تتجوز وخلاص ولا عايزة تتجوز لهدف من الاهداف الشرعية علشان ربنا يبارك فيها ؟
أخى الفاضل السحر له اعراض عضوية وجسمية غير وقف الحال مثل الصداع والشرود الذهنى والاعراض عن الذكر والصلاة والشعور بوجود نفس غريب بجانبها والاحلام والكوابيس وخلافه......الخ
ولاتظن ان المعالج بالقران يعلم علم يقينى بوجود سحر من عدمه وانما يعتمد على الظن والتخمين والسؤال عن الاعراض وغير ذلك
تقبل تحياتى

ده كلام ممكن جدااا لانه ذكر بكتبنا المجيد القرأن ...شيخ كويس وبالقرأن وكله حايبقى تمام ان شاء الله
المعوذتين والبقره مهمين قوى
خش على اليوتيوب وسيرش على الرقيه للسحر
سبحانك اللهم وبحمدك ، أشهد أن لا إله إلا أنت أستغفرك وأتوب إليك

انا حاسس ان انا مسحور
عديت ال32 سنه ولسه ماتجوزتش
ههههههههههههه

على فكره ساعات لما الواحده تكون جميله اوى ومن عيله وكده واللى موجودين حواليها فى بلدها حاسين انهم اقل منها بيخافوا يتقدمولها وبيبعدوا عنها لانهم حاسين انهم حايترفضوا مقدما

هى متعلمه تعليم عالى

حاول تشوفلها وظيفه وتخليها تخرج من البيت حتلاقيها بتتعرف على ناس كتير وحيجولها عرسان كتير