الموضوع: قطع غيار اوبل الجديدة

المشاركة الأصلية كتبت بواسطة Ahmad Allawy

يا سلام عليك يا وليد بك..
متابع و لا اروع والله..
تسلم ايدك يا باشا..

ربنا يخليك ياعلاوي ويكرمك على كلامك الجميل

المشاركة الأصلية كتبت بواسطة EGMIDO

يا جماعة الى عاووز الفوانيس الاسبور الى هى زى المازدا 3
او عيون الملائكة ويبقى معاها المض بتاعتها
وفيها الرنجات والعدسات
انا اقدر اجيبهالة
وب 1050 جنية بس
اى حد عاوزها يكلمنى 0102305223

والله يا احمد انا نفسي اركبهم بس انا عندي الفوانيس
جديدة لسة ومعدلها الضفيرة علشان تركب على ضفيرة
العربية بتاعة الفابريكة وعملت التعديل في التوكيل ولهفو 150 جنيه

والله يا جماعة ان مش بعرف ارفع صور لكن انت ممكن تبحث على صور للفانوس دة
بس بالامانة الفانوس غير من شكل العربية تماما خلاها حاجة تانية
حتى النور بقى اشد خالص وعلى فكرة الفوانيس معاها لمضها الاصلية

المشاركة الأصلية كتبت بواسطة EGMIDO

والله يا جماعة ان مش بعرف ارفع صور لكن انت ممكن تبحث على صور للفانوس دة
بس بالامانة الفانوس غير من شكل العربية تماما خلاها حاجة تانية
حتى النور بقى اشد خالص وعلى فكرة الفوانيس معاها لمضها الاصلية

يا عم قولنا محلك فين من الاخر واحنا حنجيلك ونتفرج

يا باشا ما هو قال انه مش محل ولا حاجة..
قال ان واحد معرفة جاي من ليبيا و جايب معاه كام واحد بس..

المشاركة الأصلية كتبت بواسطة alfy

السلام عليكم , ألى كل الأعضاء المشاركينو شكرا جدا على مشاركاتكم المفيدة بجد, أنا إشتريت 1995 opel vectra A من حوالى عشر ايام, وبدأت أدور على النت على اماكن الصيانة الى أخره, و فى الأيام اللى فاتت عملت شوية شغل فى العربية هاكتبلكم الحاجات وأسعارها من أكتر من مكان مختلف, لأنى قررت أجرب أكتر من مكان,

1- عند المهندس محسن - كفر طهرمس - من شارع فيصل (الطالبية) 0124042714

*طقم طنابير أمامى ( اتحاد أوروبى) ------ 200
*تيل فرامل أمامى ( برده اتحاد أوروبى) --- 110
*ريشة مساحات :) ----------------- 10
*مراية شمال ---------------------95
*سلك دبرياج ---------------------95
*جوان غطاء زيت ------------------ 10
مصنعية تركيب الحاجات ديه كانت 100

2- مرة تانية عند نفس المهندس

*ترمستات --------------------110
*فيشة ---------------------20
*مصنعية --------------------20

ملحوظة ( مكان ممتاز)

3- أميركان ستار 46 شارع شمبليون - 57777408- كان الأخ أحمد علاوى اتكلم عنهو أنا رحت و قلت للراجل ان أحمد اللى معاه الأوبل كورسا هوا اللى مرشحك و قال انك هتدى خصم, التالى الأسعار قبل و بعد الخصم.

*مساعدين قدام(بلشتاين) ---- 480
*مساعدين خلفى(بلشتاين)---- 550
*المجموع بعد الخصم -------980
*بطاحتين --------------170
* بعد الخصم -----------160

ملحوظة ( ماخدتش فاتورة - فا سألتة عن الضمان قاللى أنت بتشترى جديد عاوز ضمان ليه, وبعدين أحنا تحت أمرك. و بعد كدة قاللى على صنايعى جنبه قال انه شاطر اسمه حماد. ف و حماد بيركب لقى مساعد من الخلفى تقيل فى رجوعه , قاللى غيرهو رجعتلهم قلت المساعد عايز يتغير, فى الأخر غيروه)

4- ألأسطى حماد (شارع شمبليون) 0123595521

*مصنعية تركيب المساعدين الأربعة -------150 (بس ولا مليم اكرامية للى اشتغلو معاه - أولتلو الشباب معاك بقى)

ملاحظات (أنا اتاخدت مخالفة صف تانى لانو فك العربية وبعد كده جه الظابط و خد رقم العربية, وهو يقوللى متقلقشولا عمل حاجة- المخالفة اتسجلت, أنا الأوسلوب اللى العربية أتعاملت بيه دايقنى جدا, خبط وترزيع فى الحديد من جوا بإستخدام شاكوش كبير كده, وبعد ما مشيت من عندو العربية ما كانتش مظبوطة خاااااالص, اينغم المساعيين عملو فرق, بس انا كنت حاسس ان العربية مفككة من قدام, بذات كانت بتبان لما العربية تبتدى تتحرك من وضع الثبات, فعلا كنت بحس ان العربية مخلعة- دا خلانى أفكر أشوف حد بتاع غفشة)

5- بنزينة التعاون ميدان سفنكس- أسطى أشرف - 0125604764

*2 زرجينة عجل شمل
*كبس بيضة شمال
*لحام حاجة كدة مش فاكر
*ضبط زوايا وأتزان
*ترصيص 3 عجلات
*ضبط دركسيون

كله كله اتكلف -------220

ملحوظات: ( العربية بقت جامدة جدااا, فعلا أكتر حاجة حسستنى بفرق, وبعد كده طبعا المساعدين, لأن اللى كانو فيها كانو رجلين فراخ تقريبا - هوا حسسنى ان كده الفلس ديه هيه تمن التكلفة و ان المكسب قليل جدا, بس انا أظن, انو أخد كده كتير"بس نجد يستاهل")

لسا فيه حاجتن عاوز أعملهم - التكيف, وانا كنت قريت عن دايفيا, و إن شاء الله هاروحله بس شوية كدهو أكيد هاقولكم عملت أيه هناك, وكمان الفتيس فيه بوش, لو حد يعرف مكان ممكن بجد يصلحه من غير ما يبهدل حاجة فى العربية, يكون لكم جزيل الشكر.

أولا:
احب اني ابارك لك علي العربية و اقولك ربنا يباركلك فيها و يحفظهالك.. امين
و ثانيا:
احب ابارك للعصابة علي انضمام فرد جديد.. و متعاون لأقصي درجة..و ايجابي جدا.. و ان شاء الله انا متوقع انه يكون من الاعضاء البارزين ف العصابة..

وفي انتظار باقي التوضيب ان شاء الله..

تيل فرامل فرنساوى ----=> عامل 140 جنيه
فلتر زيت المانى -----=> عامل 30 جنيه