الموضوع: قطع غيار اوبل الجديدة

انا اشتريت النهاردة ريش للمساحات ألماني من التوفيقية من الشيماء

ب 60 جنيه

وسعر الفانوس الأمامي 200 جنيه لكل ناحية

الصوت بيحصل في اي وقت فجأة يعني مش وقت معين بس وانا واقف اكتر

حساس تكييف فكترا 98 يقال ايطالي و الغالب انه تايواني _فى كرتونة لونها أزرق فى ابيض_220 جنيه.
سألت على الجي ام فى امريكان ستار و فى ديافيا ما لقيته.

المشاركة الأصلية كتبت بواسطة abdelaziz-waleed

تم بحمد الله تغيير الآتي في توكيل مقار الدقي لأوبلتي الفكترا 97 ال 1600

بيان التركيب المصنعيات

مساعدين امامي وخلفي + كفف بطاحات ---------> 225
جلب مقصات خلفي ------------------------> 340
تيل وطنابير امامي وخلفي -------------------> 110
قواعد موتور * 2 + قاعدة فتيس ------------> 210
زوايا امامي وخلفي ------------------------> 40
كشف على التكييف -------------------------> 100
تغيير لمبة فانور شابورة ---------------------> 10

طبعا التكييف عندي ما كانش شغال فا لما كشفت عليه قالولي ان الكومبرسور بيسرب والخرطوم مخروم والسربنتينة مملحة بمعنى اصح طلعولي التكييف كله بايظ
فا أنا ناوي اصلحه برة بس اوديه عند مين بالظبط

لما اشتريت جلب المقصات كانو عبارة عن 6 جلب 5 زيت و 2 فخاد
المهندس اللي فالتوكيل قاللي ان ال 2 الفخاد دول ما بيبوظوش ومش هانحتاج نغيرهم وممكن ترجعهم. روحت لأميريكان ستار علشان ارجعهم قاللي ان المهندس بتاع التوكيل مش عاوز يغيرهم علشان ما يفكش المقص بالكامل انما هما بيبوظوا. مش عارف اصدق مين . ممكن يا احمد علاوي هاتعبك معايا يا باشا تسأللي المهندس فادي على الموضوع ده علشان اعرف مين فيهم الصادق.

تم تغيير الكاوتش ب 4 فرد كاوتش Bridgestone B700 Quite ثمن الفردة 455 جنيه شاملة التركيب والترصيص
و 20 جنيه ثمن 4 بلوف (4 * 5)
و 15 جنيه ملئ نيتروجين (3*5)

بصراحة حاسيت اني راكب عربية تانية خالص بعد تغيير الكاوتش مش ممكن الفرق الرهيب ده صوته هادي فعلا وحنين جدا في المطبات

انا هاحاول احط التفاصيل في الرابط التالي
بتغير كاوتش العربيه كل كام كيلو؟

حضرتك مليت _نفخت_ الكاوتش نيتروجين فين ؟

المشاركة الأصلية كتبت بواسطة eng\ahmed

الفانوس الاصلى مش فاكر صناعة اية بس معتقدش انة اسبانى كمان الاصلى بيبقى مكتوب علية النوع وشوية كلام تانى على الفانوس من تحت مبيبقاش املس

هات استيراد حالتة نضيفة اضمن ولو اتغسل مش هتفرقة عن الجديد


+100 الفانوس الاصلى لونة بيفضل زى ماهوسواء الباغة او العواكس مهما قعد كل فترة فكهم اغسلهم هيرجعوا جداد تانى ... التايوانى عمرة مهيبقى نفس الخامة والمقاسات مش مظبوطة , لو بسيط على الفانوس بزاوية فى ضوء عمرك مهتلاقى مية الفانوس زى الاصلى هتلاقية مش مظبوط كمان كام سنة وهتغيرة لأن هتلاقى الالوان بهتت وشكلة جربان

أنا سمعت ان الأصلي _ خلاف التايواني_ ميزته كمان انه بيتوصل بمواتير_كل فانوس له ماتور_ تخليك تقدر تتحكم فى اتجاه أشعة الضوء فى كل فانوس و بتتحكم فيه من البكرة اللى جنب بكرة اضاءة التابلوه.
فهل فعلا التايواني مينفعش يتوصل بالمواتير ؟