استفسار بخصوص كهربة الانسر البومة

**medo11_1** · 15-10-2011 08:11 PM

العربية كانت زى الفل كل الحكاية انى مبعملش صيانة دورية فى التوكيل و لما العربية عملت 70000 كم قولت علشان احافظ عليها اغيرلها سيور و فلاتر و قواعد موتور و نظفت البوابة و كدة . المهم نزلت شارع دمشق جبت تيل كمان و جبت الحاجة كلها يابانى و المفروض انها اصلى بس طبعا كلة ضرب
المهم اخويا هو راح للميكانيكى غير الحاجة بس المشكلة ان العربية بقت عالية اوى يعنى على السلانسية الrbm على 2 فروحت لواحد حتها على الجهاز و قالى سنسور ماب و اى دى و الاتنين مش موجودين و لازم يتغيرو علشان هتأثر على الفتيس!!!!!!!
المهم روحت لواحد تانى فك السنسور و نظفة و حتها على الجهاز و قالى كلة تمام و بقت العربية على rbm 1 تزيد شوية تقل شوية كدة المشكلة دلوقتى ان انا لو بجرى و روحت ممور العربية يفضل الrbm على1.2 لحد مالعربية تقف تقريبا و ينزل لواحد فهل دة طبيعى؟؟
ال مشكلة التانية ان بليل وانا منور النور و جيت اقلب الاقى نور التابلوة بيقل و لو برفع ازازين مع بعض يحصل نفس الكلام
حد من رجالة المنتدى يقدر يقولى دو اييية؟ او حصل معا كدة و اتحلت ازاى؟

**M.Al-Hefnawy** · 15-10-2011 09:40 PM

بالنسبة للآر بي إم وانت مور والعربية ماشية اعتقد ده طبيعي أنت حتى لو واقف وحركت الطارة الآر بي أم بيعلى.

بالنسبة للكهربة خلي كهربائي كويسة يشوفها ممكن تكون محتاجة كتاوت.

**salah_86** · 18-10-2011 07:14 AM

موضوع النور الخاص بالطابلوة دا عادى هات بطارية قوتها اعلى شوية

**salah_86** · 18-10-2011 07:16 AM

وعن نفسى انصحك بقطع الغيار الاصلى غالية شوية بس بتحمى العربة انا عن نفسى بجيبها من التوكيل وبركبها برة فى مركز صيانة انا بتعامل معاه

**medo11_1** · 19-10-2011 12:37 AM

ما الواحد اتعلم خلاص انشاء الله كلة بعد كدة من التوكيل
بس اصلا العربية دلوقتى محتاجة بطارية اجيب بطارية اية و كام و تقريبا تمنها كان
و شكرا يا رجالة على ردكم

**bassem_sams** · 19-10-2011 01:25 AM

المشاركة الأصلية كتبت بواسطة medo11_1

ما الواحد اتعلم خلاص إن شاء الله كلة بعد كدة من التوكيل
بس اصلا العربية دلوقتى محتاجة بطارية اجيب بطارية اية و كام و تقريبا تمنها كان
و شكرا يا رجالة على ردكم

طبعا يا ميدو لازم تجيب قطع غيار اصلى علشان عربيه ادؤاه ميقلش و متحصلش مشاكل تدوخك

بالنسبه للبطاريه يفضل بطاريه جافه فارتا المانى و هاتها من توكيل علشان سمعت ان فى سوق فى مضروب و نوع بطاريه يكون55 امبير و بتوع بطاريات سمعت انهم بيأخذوا بطاريه قديمه فى حدود من 50 -100 جنيه بس المتعارف عليه بيأخذوها ب 70 جنيه و تدفع فرق جديده 380 لأن جديده بيترواح سعرها من 400 الى 500 و ممكن تكون غليت
ملاحظه لازم تأخذ على بطاريه جديده ضمان سنه بحيث لو طلع فيها اى مشاكل خلال سنه تتغير ببلاش بدون دفع اى مليم