مقارنه بين اللانسر شارك 2011 و الهيونداى النترا 2011

**bebo_mody_244** · 19-10-2011 03:40 AM

المشاركة الأصلية كتبت بواسطة blazer

انا شايف خليك فى عربيتك
هتغير ليه عربيها 2008 بعربيه من نفس الموديل او عربيه تانيه فى نفس الفئه ومفيهاش حاجه احلى تخليك تغير يعنى
لان عربيتك تعتبر كمان جديده فانت حتى لو هتعمل صيانه كامله من كل حاجه فانت بأقل من 10000جنيه تغير كل حاجه فى عربيتك من كاوتش وبطاريه وزيوت كامله وسيور كامله وتركب كاسيت جديد كمان: D

شكرا ليك يا باشا ع الرد الجميل بس انا انشاء الله خلاص نويت اجيب شارك تانى باذن الله

**yasserelsayad** · 19-10-2011 04:06 AM

المشاركة الأصلية كتبت بواسطة bebo_mody_244

شكرا ليك يا باشا ع الرد الجميل بس انا إن شاء الله خلاص نويت اجيب شارك تانى باذن الله

انا بصراحة مش معاك فى موضوع انك تجيب شارك تانى دا
انا ركبت الـ 2012 المفروض فى المعرض بتاع العربيات اللى فات دا والخامات الداخلية مش تمام كلها بلاستيك حتى الـ outlander كانت نفس مستوى الخامات مع انها معدية النص مليون جنيه حاجة غريبة يعنى والله.

انا فى رأى انك لو هتغير على الاقل تجيب عربية نوع تانى زى ما انت قولت الالنترا مثلا
على الاقل هتحس بتغير فى التجهيزات الداخلية وقوة الموتور والفتيس الاحدث .. حتى الشكل يكون فيه تغيير باردوا.

**melagouze** · 19-10-2011 02:04 PM

المشاركة الأصلية كتبت بواسطة szaalouk

اعتراض..........
انا طبعا مع كل اللي قالوا ما تضحيش بنفسك و بفلوسك و تنزل من الشارك علشان الانترا
لو قادر تستني سنتين كمان مع عربيه انت راكبها و حاببها يبقي تجيب اللانسر الجيل القادم 2013 .
و لو نفسك تجيب حاجه جديده لانج و تكون من أوائل الناس اللي تركبها ارشح لك السيفيك الجديده 2012 ( الشيب الجديد ) حاتنزل علي اول السنه و كده يبقي انت عليت لفوق مش نزلت لتحت و ركبت عربيه ( اعلي فئه يابانيه )
و في نفس الوقت اول الشكل يعني لسه قدامك 5 سنين علي ما تفكر تغير .
للي حايقولوا السيفيك بتخسر و قطع غيارها غاليه و الكلام ده ..... اعتقد صاحب الموضوع راكب شارك و بيتقال عنها نفس الكلام في مقابل البومه مثلا .
يبقي نجيب عربيه اكثر من رائعه و بنت عيله محترمه جدا جدا و نستمتع بركوبها و ما نسمعش لكلام الناس علشان عمره ما حيخلص.. يعني دايما حتلاقي حد مع و حد ضد .
و اعتقد انك لو ركب سيفيك مش حاتفكر تغير تاني بعد كده

.

تحياتي

كلام جميل .....الهوندا الجديده هينزلوها الاول فئه واحده ب 185 الف جنيه...بس محدش عارف تفاصيلها ايه؟؟

بس يعيبها انها من جوه هيه هيه الموديل اللي فات مع شويه تعديلات صغيره............من بره اسوء بكتيير من اللي فات

**Hosam_Optrawy** · 19-10-2011 02:41 PM

طيب لو مش عايز تنزل من لليابانى للكورى ونويت على الشارك

استنى الموديل الجديد لان المفروض فى تعديلات هاتبقى 1600 مايفك 115 حصان على ما اعتقد ومش عارف ايه تانى هايتغير

لو فكرت فى حاجه تانيه ممكن مازدا 3

ولو فى امكانيه تزود مبلغ اكبر يبقى تستنى السيفيك الجديده او الامبريزا الجديده

**bebo_mody_244** · 21-10-2011 11:30 PM

المشاركة الأصلية كتبت بواسطة szaalouk

اعتراض..........
انا طبعا مع كل اللي قالوا ما تضحيش بنفسك و بفلوسك و تنزل من الشارك علشان الانترا
لو قادر تستني سنتين كمان مع عربيه انت راكبها و حاببها يبقي تجيب اللانسر الجيل القادم 2013 .
و لو نفسك تجيب حاجه جديده لانج و تكون من أوائل الناس اللي تركبها ارشح لك السيفيك الجديده 2012 ( الشيب الجديد ) حاتنزل علي اول السنه و كده يبقي انت عليت لفوق مش نزلت لتحت و ركبت عربيه ( اعلي فئه يابانيه )
و في نفس الوقت اول الشكل يعني لسه قدامك 5 سنين علي ما تفكر تغير .
للي حايقولوا السيفيك بتخسر و قطع غيارها غاليه و الكلام ده ..... اعتقد صاحب الموضوع راكب شارك و بيتقال عنها نفس الكلام في مقابل البومه مثلا .
يبقي نجيب عربيه اكثر من رائعه و بنت عيله محترمه جدا جدا و نستمتع بركوبها و ما نسمعش لكلام الناس علشان عمره ما حيخلص.. يعني دايما حتلاقي حد مع و حد ضد .
و اعتقد انك لو ركب سيفيك مش حاتفكر تغير تاني بعد كده

.

تحياتي

ياباشا السيفيك انا بحبها بس العربيه واطيه وهى مع واحد صحبى بس بيقولى العربيه واطيه وبتحك فى كل المطبات بس هى عربيه جميله ومفيهاش عيوب بس لو شكلها هيتغير 2012 ممكن اصبر شويه واجبها إن شاء الله

**bebo_mody_244** · 21-10-2011 11:32 PM

المشاركة الأصلية كتبت بواسطة hosam_optrawy

طيب لو مش عايز تنزل من لليابانى للكورى ونويت على الشارك

استنى الموديل الجديد لان المفروض فى تعديلات هاتبقى 1600 مايفك 115 حصان على ما اعتقد ومش عارف ايه تانى هايتغير

لو فكرت فى حاجه تانيه ممكن مازدا 3

ولو فى امكانيه تزود مبلغ اكبر يبقى تستنى السيفيك الجديده او الامبريزا الجديده

سيبك يا باشا من المازدا اذا كان الشارك اغلى منها بص انا بقول السيفيك وشكرا ع الرد

**bebo_mody_244** · 22-10-2011 11:32 PM

مفيش حد رد عليا برضو اجيب شارك وانا عايز اعرف اذا كانت الهوندا سيفيك هتنزل شكل جديد ولا لأ

**mody3on** · 23-10-2011 07:49 PM

طب بما انك عايز تغير يبقى عايز تغير يبقى قول عايز توفر ولا عايز تعلي الكاتيجوري

لو عايز تعلي يبقى هات اوكتافيا فانتازيا .. وعلى فكرة العربية متوقع ينزل منها شكل جديد السنة الجاية .. ممكن تشتري دلوقتي وممكن تستنى الشكل الجديد