صني سوبر صالون 2006 جابت ماتور في 40000 !!!

**nasr-eldeen** · 20-05-2008 05:40 AM

المشاركة الأصلية كتبت بواسطة loai-omar

على فكره انا من اكبر مؤيدين الصني :) ماتفتكرش اني بشتم فيها بس دي حاجه غريبه جدا و زعلتني على العربيه عشان انا معايا الاسود بتاعها و هوا كان الأبيض

كانوا شكلهم جنب بعض تحفه

الحمدلله على كل شيء

انا لسه ماشوفتوش من ساعتها والله و ملخوم عشان بعيد عنكم عربيتي اترزعت من ورا!!!

الشارع كله واحد و هوب اي من ورا تاكسي جه زي الغبي و رزعني من ورا 132

طبعا الاخ ماحصلوش حاجه

انا غيرت فانوسين و الاكصدام رجعته مكانه :(

طبعا ماعملتلوش حاجه عشان لو كنت قلبته على بعض ماكنتش حلاقي معاه شلن

و قلت عوضي على الله بس طبعا بعد ماطلعت كل نرفوتي في وشه :(

ومش عارف أيه السبب في اللي حصلكم انتم الأثنين

متوقفوش سيارتكم بجانب بعضهما مرة أخرى ( دي عين يا باشا ) وربنا يبعد عنكم الحسد ، والخوف من ( ما يحسد المال إلا أصحابة ).

السيارة البترا وصل مني مرة مؤشر الحرارة للجزء الأحمر لأني نسيت أغطي قربة الماء لأن الريداتير ملوش غطاء بس الجميل إن موتور السيارة توقف ولم يدور مرة أخرى إلا بعد ما السيارة بردت

.
ربنا يعوضه خير .

**yahyanaabil** · 20-05-2008 02:20 PM

المشاركة الأصلية كتبت بواسطة loai-omar

هوا الحوار في كده ... يعني المفروض السخونه تجيب جوان ولا وش الاول مش الماتور يقفش..

لا هوه مش قانون انها تجيب جوان الاول
انا اعرف واحد صاحبى فى السعوديه كان عندهم مرسيدس والسواق فاضل ماشى بيها من غير مياه يعنى فضل ماشى عليها وهيه سخنه طبعا الموتور قفش يعنى مش قاعده ان الجوان يضرب الاول

**loai-omar** · 20-05-2008 10:25 PM

انا ماقولتش قانون

يا باشا احب اقولك حاجه

كنت راجع بلانسر من اسكندريه و سخنت و فايش ميه كان في تسريب في طلمبة الميه و هوب اقف

استنا مافيش ميه خالص معايا

دور العربيه... مش عايزه تدور
استنا شويه
دور كده

لسه

طب ولع سيجاره كده و شوف كلم اي حد اتسلى معاه شويه و دور تاني

اه دارت

الحق اروح اي بنزينه

دا فاضل 20 كيلو

طب معلش حاول تستحمل و ماتجريش

ماشي

هوب وقفت تاني

معلش اعمل السيناريو تاني

مشيت بيها كتير و انا عارف انها مافيهاش نقطة ميه

ايه ايلي عايز اقوله؟

انها يعني المفروض ماتقفش الماتور كده... حرام يعني ازاي مره واحده كده

**loai-omar** · 04-06-2008 03:20 PM

اخر الاخبار

كنت مع صاحبي امبارح

و بيقولي انه اخر حاجه وصلها مع المصنع

انهم قدمولوا عرض انهم يعملوا عمره للماتور ب 25 الف

و يشيلوا هما النص و هوا النص

طبعا حرام يعمل عمره و العربيه لسه 2006

فا بيقولي انه عايز يغير الماتور كمان و عشان يدخل فتره الضمان من جديد و حايروح النهارده يشوف

التقرير بتاع العربيه

قايل ان الرادياتير ماكنش فيه مياه.. و الاربه مليانه

تقريبا مخروم عشان كده الضغط اختلف و مابقاش ياخد من الاربه

(((( يا جماعة لكل اصحاب الصني.... ضرورة التششيك على مياة الرادياتير

مش في الاربه لأ افتحوا الغطا و شيكوا ))))

و ربنا يستر علينا و عليكوا

**momo2727** · 07-06-2008 07:35 PM

no comment

**amir** · 12-07-2008 09:14 AM

المشاركة الأصلية كتبت بواسطة loai-omar

(((( يا جماعة لكل اصحاب الصني.... ضرورة التششيك على مياة الرادياتير

مش في الاربه لأ افتحوا الغطا و شيكوا ))))

و ربنا يستر علينا و عليكوا

مش عارف ليه حاسس انك بتتكلم عن عربيه موديل 1919 , واضح ان الغلطه غلطه صاحبك نتيجه مشيه و العربيه سخنه و بعدين مجرد ذكرك للنقطه دي يعني ان الصني فيها مؤشر حراره, فأيه لازمه التشييك علي مياه الرادياتير و الناس عندها مؤشر؟؟؟؟؟؟؟؟؟؟
و بعدين موضوع صوت الامه ده ليه؟؟؟
مش هيا غلطه صاحبك؟
يبقي الناس تدفعله بمناسبه ايه؟

**amir** · 13-07-2008 01:48 AM

المشاركة الأصلية كتبت بواسطة loai-omar

يا باشا يعني انا انسا احط ميا في الرادياتير

و هوب مافيش تفاهم العربيه تجيب ماتور و هيا لسه 2006؟!!!!!!!!!!!!!!!!!!!!
يعني ايه تجيب ماتور عشان مافيهاش مياه!!!!!!!!!!

وعلى العموم لو سيادتك زعلان اوي كده..
انا غلطانلك

لؤي باشا
ربنا يباركلك في عربيتك و تعيش معاك العمر كله
بس سيادتك عندك فكره ايه اللي بيحصل للبنزين في الموتور علشان العربيه تتحرك؟
الموتور بيولع في البنزين بطريقه معينه علشان يحرك الاجزاء الداخليه و العربيه تتحرك....
و ده بيولد حراره عاليه جدا جدا
جرب تولع في شويه بنزين و شوف كده الحراره عامله ازاي فمينفعش بأي منطق تيجي تتعجب ان العربيه جابت موتور عشان مفيهاش ميه و هيا موديل 2006 !!!
و الله دي لو 2009 و في المعرض و طلعت لفيت بيها لفه هتنتهي
عرفت ليه بقي انا زعلان من كلامك قوي كده!!!