ايه رأيكم اغير الكاسيت؟

**SoFiMaN** · 16-10-2011 07:37 PM

السلام عليكم

بما اني بدور على dvd من فترة للميجان و فشلت الاقي حاجة محترمة و في نفس الوقت المالتي فانكشن يشتغل .. فقررت اجيب واحد و استغنى عن المالتي فانكشن بما انه اساسا هيبقى تاتش و معاه ريموت كنترول كمان ده غير ان المحل عنده حاجة مخصوص للجهاز ده نوعها بايونير محترمة مش الصيني دي خالص ب100 جنيه بتركب على الدركسيون تبقى زي المالتي (مع اني مش شايفلها لازمة للاسباب اللي قلتها).
و هو Double-din فهيشيل الدرج ده طبعا, هل فيها مشكلة؟

الجهاز فيه تقريبا كل حاجة و احلاهم الbluetooth و صورته جميلة و صوته جداً .. بس عايزكم تقولولي رأيكم ايه عشان اقرر لأني طبعا ببقى هعيط لما اغير اي حاجة في العربية
للعلم انا مش هفرط في كاسيت العربية الاصلي هفضل شايله عندي عشان لو حبيت في اي وقت ارجعله و المالتي فانكشن تاني.

طبعا محبتش اجيب جهاز صيني بنص سعر ده بظبط فقررت اشوف بايونير (للعلم هو تايلاندي)
دي صفحة الجهاز
Pioneer – Car Stereo Systems, DJ Headphones, Controller & Mixer | Home Theater Speakers & Entertainment Systems

مستني بقى رأيكم بالايجاب او بالنفي او بالاقتراحات كمان لأن على اساسها هقرر بصراحة بما اني بثق جدا في اراء الوحووش :)

**abdo_2812** · 16-10-2011 10:00 PM

هو الجهاز ده سعره كام ؟؟؟

أنا شفته من فترة قليلة وفعلا نفسي أشتريه بس مستخسر كاسيت العربية والمالتي فانكشن الرائع :(

بيتهيألي أحسن حد ممكن يفيدك هو أيمن مومو ... في انتظار الوحش الكبييير :)

**SoFiMaN** · 16-10-2011 10:10 PM

الجهاز سعره بالتركيب مش هيعدي 3000 جنيه,, و غالبا اقل شوية

في جهاز صيني تاني بس له ضمان سنة و ميزته انه مخصوص للرينو ده موقعهم
Motevo | All-in-1 In-dash Double Din Multimedia Navigation System
و كلمت وكيلهم في مصر و سعره 3800 جنيه .. بس معنى انه خاص للرينو طبعا هيشتغل مع المالتي فانكشن.
الواحد بقى محتاااااار اكتر.. بس طبعا كمقارنة صيني مجهول (بعيدا عن موضوع ان الاتنين لهم ضمان كده) ولا بايونير و كمان ارخص!

**Mohab.Nabil** · 17-10-2011 10:40 PM

هو بصراحة مغرى جدا و شكله جامد

بس انا شايف ان كاسيت العربية صوته مش وحش .. و بعدين بالنسبة لى الديفيدى ملهوش استخدام كثير اوى .. معظم الوقت راكب العربية لوحدى و مش هعرف اتفرج عليه تقريبا ..

مش عارف بصراحة الموضوع يحير