الله ينور عليك يا باشا
انا افتكرت انها بتتشحن بالكهرباء ...
والله فكرتها عملية جدا ... وفعلا مناسبة لمصر
لكن غريبة جدا ان المحرك الكهربا ياباني .....المفروض يبقي صيني ... اشمعنى هو :)
تصدق انا لسه بكتب ردي واقوللك اوعي استاذ فادي يشوف موضوعك يصب جام لعناتة على تويوتا الفاشلة الحرامية
واو ما بعت لقيت رده جيت عدلتة
شكرا على الموضوع
بس يا استاذ فادي معلش بقي فاتتك دي زي حتت الشاهين احسن من الكرولا بالظبط
لان العربية بتديلك اداء العربيات اللي ببنزين وقت ما تحتاجها وشغاله شحن ووقت المشي الهادي كانك طفيت الموتور وشغالة كهرباء
كمان انت الديزل رخيص عندك هنا عشان مدعم
لكن برة تمنة قريب قوي من البنزين يبقي هما ماستفادوش اي حاجة من محركات الديزل
ربنا يسامحك يا كلاتاتا
دايما تخليني اضحك في وسط اليوم
بقوللك ايه
ماتكلش خوخ ولا بطيخ بقي عشان انت عارف نتايجهم ايه
منقوعين في الهرمون لحد ما طفحوا
لو عايز خوخ بلدي في فكهاني جنب الشركة بيبيع الكيلو ب 8 جنية ويقولك بالفم المليان
ده اورجانيك يا بيه
نييييييييييهههههههههههههه ههه
أحمد باشا ..... فيه جيل كامل من العربيات نازل قريب plug in يعني تحط العربية تتشحن في الكبس طول الليل و بعدين تسوقها لحد ما تفصل شحن !!:rolleyes:
أول عربية حتنزل منهم شفروليه و إسمها Volt :Chevy_anim:
قريب قوي كل حاجة حتبقى صيني و هندي ما تستعجلش !اقتباس:
لكن غريبة جدا ان المحرك الكهربا ياباني .....المفروض يبقي صيني ... اشمعنى هو :)
العفو يا كريم باشا ..فادي حبيبي ده ما لوش حل :)..بس فعلا أول واحد لفت إنتباه المنتدى للعربية ديه كان حازم باشا حزه ...أنا بس جبت الخبر بتاع مليون عربية :prove:اقتباس:
تصدق انا لسه بكتب ردي واقوللك اوعي استاذ فادي يشوف موضوعك يصب جام لعناتة على تويوتا الفاشلة الحرامية
واو ما بعت لقيت رده جيت عدلتة
شكرا على الموضوع
ديه صح يا باشا, هو عمر محرك الهيبريد البنزين الافتراضى طويل, لكن مش عشان يابانى, عشان مش شغال طول ما العربية ماشية, لأنها فى بعض الأحيان بتمشى على موتور الكهربا.
أما عمر محرك الكهربا فهو طويل عادة بالنسبة لمحرك الاحتراق الداخلى, لأنه مفيهوش احتكاك.
على فكرة تقنية الهايبريد ديه كانت الاختيار الأمريكى للخفض من استهلاك الوقود, أما الخيار الأوروبى و هو الأفضل فى رأيى, و هو محركات التربو ديزل التى توفر أداء لا يقل كثيرا عن محرك البنزين, و فى الوقت نفسه موفرة للوقود ربما بشكل أكبر من الهايبريد.
ايه يا ابو بيدو
انا لما اكون فيه حاجة مش عارفها ....
لازم اسأل واعرفها ... مش بانكسف اني مش عارفها ...
لكن بعد ما اعرفها بأعرف اني عرفت اعرفها ... مش احسن اني افضل مش عارف اني كان المفروض اعرفها قبل غيري ما يعرف يعرفها ويبقي هو عارفها وانا مش عارفها وما اعرفش اعرفها
انا عارف انك عرفت تفهمني..عرفت والا تحب اعرفك اني باعرف اعرفك من أول وجديد :troll:
عارف يا كريم ولا لسه
يا أستاذ كريم, الموضوع مش سعر الديزل, الفكرة و ما فيها انو محرك الديزل كفائته أعلى من محرك البنزين, و لنفس الحجم, استهلاك محرك الديزل اقتصادى جدا بنسبة كبيرة فى كمية البنزين الى بيستهلكها مقابل استهلاك محرك البنزين. ده غير انو الديزل نفسه أرخص, أنا مش حاسبها بالفلوس, أنا حاسبها بكمية الوقود المستخدمة. ده طبعا بالاضافة الى أن عمر محرك الديزل أطول من عمر محرك البنزين, و عزمه أعلى. لكن يعيبه عدم قدرته على الدوران بسرعات عالية.
فادي باشا توقيعك حلو فعلا رغم اني مش موافق عليه طبعا :)اقتباس:
على فكرة تقنية الهايبريد ديه كانت الاختيار الأمريكى للخفض من استهلاك الوقود, أما الخيار الأوروبى و هو الأفضل فى رأيى, و هو محركات التربو ديزل التى توفر أداء لا يقل كثيرا عن محرك البنزين, و فى الوقت نفسه موفرة للوقود ربما بشكل أكبر من الهايبريد.
احترم رأيك يا فادي باشا و لو إن العالم مش موافقك عليه و الدليل مبيعات العربيات الهايبرد من تويوتا و هوندا مقارنة بمبيعات الديزل ...محركات الديزل مش محبوبة قوي .. أنا سقت جيتا TDI (Turbo Diesel Injection) و كان ادائها هايل بس للاسف اعتمادية VW تحت مستوي الشبهات في كندا ...بالمناسبة رأيك إيه في تقنية ال-Bluetec بتاعة مرسيدس
كان في موضوع لأخونا حازم حزه هنا بتجربه فعليه له مع هذه السيارة العجيبة
التي وصلت لرقم مبيعات في عدة سنوات قليلة
وهذه التجربة في امريكا
هنا
http://www.nilemotors.net/Nile/showthread.php?t=6207