مبيعات تويوتا بريوس تخطت مليون سيارة....متى نرى بريوس في مصر

**Chicco** · 18-05-2008 07:04 AM

في نفس الأسبوع الذي تلقت فيه تويوتا خبر توقع إنخفاض ارباحها لاول مرة من ٩ سنوات ....أعلنت الشركة عن تخطي مبيعات بريوس العربية الهجين الأشهر و الأقدم على مستوي العالم رقم مليون سيارة ....تحديدا مليون و ٢٨ ألف سيارة بحلول شهر مايو ٢٠٠٨ لتصبح أول سيارة هجين تتخطي مبيعاتها هذا الرقم

إنطلاق بريوس كان في اليابان عام ١٩٩٧ ثم غزت أسواق أمريكا قبل الأنتقال إلى أوروبا ...اشتهرت بسبب دعاوي الحفاظ على البيئة خاصة عندما قرر العديد من المشاهير اقتنائها مثل ليناردو ديكابريو و جنيفر انستون .....

تتميز السيارة بالاقتصاد المتناهي في إستخدام الوقود بالاضافة إلى اعتمادية سيارات تويوتا المعروفة مما أهلها للحصول إلى العديد من الجوائز اخرها أكثر السيارات حصولا على رضا مستهلكي بريطانيا للعام الثاني على التوالي

أتاح لي الحظ إختبار قيادة هذه السيارة في كندا كما قام الأخ الفاضل حازم حزة بكتابة إختبار قيادة شامل لها أيضا

http://www.nilemotors.net/Nile/showthread.php?t=6207

السؤال الذي يفرض نفسه ....متى نرى بريوس في مصر؟

**tutankhamoun** · 18-05-2008 07:32 AM

شيكو باشا ........ أيه النور ده و الجمال ده
الموضوع جميل ........ بس حضرتك مش واخد بالك من حاجة ......... أنت في كندا .......... مش مصر

بيئة ايه اللي أنت بتتكلم عليها

البيئة دي أخر حاجة الشعب و الحكومة بيفكروا فيها

بس بجد العربية دي هايلة أنا عمال أقرأ تقارير عنها منذ أن فتحت الموضوع المرفق و بصراحة مذهول

و فكرتني بببريطانيا و فرنسا

كنت بأشوف هناك أوتوبيسات مكتوب عليها
our fuel is H2O
تخيل .............. ماء ........ ( على رأي المعيز في مصر )

بجد تويوتا ........... عليها شوية أبحاث ....... ناش شاطرة بجد

.......... ملحوظة صغيرة ...........

مصر ممكن تلاقي فيها أحسن عربيات تضر البيئة بتأخذ اعفاءات ............ و بيطلع رخص عادي جدا لأي عربية ماشية بدلعك على الطريق بالدخان و بتقولك تعالى أعمل دماغ ثاني أكسيد كربون و منجنيز و كبريت

و ببلاش يا ريس ......... يعني ما تشتريش لا حشيش و لا بانجو و لا أي مكيفات
شوفت الحكومة بتراعينا ازاي ...... أصلهم عرفوا إن الشعب المصري شعب المزاج ...

شكرا يا باشا على الموضوع و شكرا تويوتا على السيارة الجميلة

**Chicco** · 18-05-2008 07:48 AM

العفو يا توت باشا .. أخجلتم تواضعنا يا أخي العزيز ...هي المشكلة اني في كندا بس متعلق بالمحروسة و كل ما شوف و لا أسمع حاجة بفكر في مصر ...

بجد بريوس مناسبة جدا لمصر أكتر بكتير من كندا و أمريكا خاصة مع زيادة أسعار الوقود الأخيرة و توقع زيادات أخرى بالاضافة إلى توقع نضوب ثروتنا إلبترولية عما قريب

الغريب يا أخي الفاضل إن ربنا سبحانه و تعالي خص مصر بمقومات بيئية رائعة من إعتدال في المناخ و توفر مصادر مائية و إستواء في تضاريس الوادي....إلخ فكان ردنا إفساد و تلويث و إنهاك مصادرنا .....شعب عجيب و حكومة أغرب

**tutankhamoun** · 18-05-2008 08:14 AM

المشاركة الأصلية كتبت بواسطة Chicco

العفو يا توت باشا .. أخجلتم تواضعنا يا أخي العزيز ...هي المشكلة اني في كندا بس متعلق بالمحروسة و كل ما شوف و لا أسمع حاجة بفكر في مصر

...

بجد بريوس مناسبة جدا لمصر أكتر بكتير من كندا و أمريكا خاصة مع زيادة أسعار الوقود الأخيرة و توقع زيادات أخرى بالاضافة إلى توقع نضوب ثروتنا إلبترولية عما قريب

الغريب يا أخي الفاضل إن ربنا سبحانه و تعالي خص مصر بمقومات بيئية رائعة من إعتدال في المناخ و توفر مصادر مائية و إستواء في تضاريس الوادي....إلخ فكان ردنا إفساد و تلويث و إنهاك مصادرنا .....شعب عجيب و حكومة أغرب

يا باشا مصر لديها مقومات الدولة الكبرى أو الدولة السوبر

موقع ممتاز و يتوسط العالم كله و العالم العربي أيضا و الإسلامي
مقومات بيئية ......
أرض زراعية مناسبة
بحرين من أهم البحار في العالم
قناة السويس
شمس ساطعة 12 شهر
نهر النيل
يوجد ثروات معدنية معقولة في الكميات

و لكن لا يوجد من يستغل كل هذا ..... لا الشعب و لا الحكومة بيفكروا في تنمية هذا البلد

الحكومة مسئولة مسئولية كبيرة عن تعليم و توعية هذا الشعب الجاهل
بس ....... على مين ........... هو كدا الشعب مطبوخ و مستوى على مزاج الحكومة
متخلف ........ و مش فاهم أي حاجة في البطيخ
بناء على الأراضي الزراعية المتضائلة أساسا
زيادة سكانية رهيبة لا يقابلها إنتاج مماثل و بقينا بنشحت الأكل من دول العالم ... و لو أي دول حبيت تذل مصر ..... بكل سهولة
و على رأي السادات .... من لا يملك غذائه لا يملك قراره
كل حاجة بتتعمل من غير ضمير إلا ما رحم ربي

على عكس اليابان
بيئة صخرية جبلية
ندرة الموارد الطبيعية
ندرة الأراضي الزراعية
موقع في أخر العالم و تبعد عن مركز الثقل العالمي كثيرا
جزر متباعدة و ليست مترابطة
زلازل كثيرة
تدمير شامل في الحرب العالمية الثانية

و الفرق في الإنسان

الإنسان الياباني بعزيمته و طاعته للأوامر .......... عمل المستحيل
جعل اليابان المدمرة في الحرب العالمية الثانية و التي لا تملك أي موارد طبيعية
من أكثر دول العالم تقدما ......... و إبهارا
و كل هذا بالعزيمة ووضع النظم و اتباعها و الأهم من النظم هو إتباع النظم

و طبعا إحنا عارفين طبيعة الشعب المصري

ما بيحبش النظام نهائي ........... و لازم يأخد على دماغة أو يمشي بيد من حديد ...
و بما إن ده مش موجود .......... لا تنتظر من مصر أكثر من ذلك
وبرضة ما ننساش المؤامرات الخارجية الصهيونية اللي ممكن التغلب عليها بكل سهولة بالوعي و التثقيف الحضاري للناس

و معلش الموضوع أخد منحنى واسع .........ز بس صدقني أبعادع أكبر من كدا بكتير

و صدقني متفكرش في مصر كتير ............. خلاص ... انسى و أستمتع بحياتك في كنكا و أطلع خدلك يومين أجازة و أتزحلق على الجليد

زي ما أنا كنت بعمل و أنا عايش بره

**Chicco** · 18-05-2008 07:10 PM

^^^^^
عندك حق في كل كلمة قلتها يا أخي الفاضل .....للاسف الشديد

**ASD peugeot** · 18-05-2008 07:19 PM

بيجو 207 تخطت حاجز المليون سياره في سنه
بس انا عارف ان فيه اختلاف كبير بينهم بس دي اخبار بنسمعها وخلاص هما فين في مصر العربيات دي احنا يدوبك نسمع نشوف و نحلم

**Chicco** · 18-05-2008 07:50 PM

أسد باشا فيه عربيات كتير مبيعاتها أكتر من كده ....بس بريوس أول عربية هجين (بنزين + كهربا) تتخطي مليون سيارة ......

**ASD peugeot** · 18-05-2008 09:02 PM

العربيات المهجنه دي احنا محتاجنها اكتر عشان التوفير في الوقود بتوع امريكا مهتمين بس منظره قال عشان البيئه و هما المصانع عندهم شغاله ليل نهار
و تحياتي لحضرتك