رابطة ملاك الفيرنا الفيفا اهلا وسهلا

**AHMEDCAR** · 16-02-2009 12:20 PM

عربيتك لسه زيرو بس ممكن تلاقيها اقل من الفيرنا المقرى علشان الفيفا فيها فلتر تكيف موجود فى طريق المروحه علشان كده ممكن تلاقى التبريد فيها اقل من المصرى

و عموما قولهم عليها فى الصيانه

**tamercad** · 16-02-2009 12:55 PM

شكرا على سرعة الرد وهى عاملة 20000 موديل 2008 من شهر 3 الى فات تعتبر زيرو بس المشكلة مش فى التبريد التبريد تمام ولاكن فى سرعة المروحة سواء كنت مشغل التكييف او المرو حه فقط ولك جزيل الشكر

**AHMEDCAR** · 16-02-2009 01:07 PM

يبقى الفيلتر عاوز يتفك و يتنظف مش اكتر من كده هتلاقى فيه تراب حايش الهواء

**target100** · 28-02-2009 03:53 PM

انا كنت فعلا بفكر فى الفيفا بس كنت متردد عايز اعرف تفرق اية عن الفيرنا العادية
غير التقفيل وسعة انموتور

**yehiaramadan** · 06-03-2009 10:29 AM

أنا الحمد لله اشتريت الفيفا وهستلم الأسبوع الجاي
في حد ممكن يفيدني بحاجات مهمة عند الاستلام أو بعده

**doctor_mido237** · 06-03-2009 09:57 PM

المشاركة الأصلية كتبت بواسطة yehiaramadan

أنا الحمد لله اشتريت الفيفا وهستلم الأسبوع الجاي
في حد ممكن يفيدني بحاجات مهمة عند الاستلام أو بعده

الف مبروك وربنا يباركلك فيها
بعد اذن حضرتك تقول اخر سعر ليها ومنين لانى بفكر ان شاء الله اشتريها

**A_A_ELAZIZ** · 08-03-2009 11:00 PM

احب انضم لرابطة الفيفاوية انا معايا فيفا 2009 جيبها يوم 11/1 لو حد عايز اي استفسار انا تحت امركم وربنا يدينى من خيرها ويبعد عنى شرها ويجعلنى بيها في الخير وعلى فكرة انا مأمن في كونتكت

**doctor_mido237** · 09-03-2009 12:05 PM

المشاركة الأصلية كتبت بواسطة sahin_1996_133

احب انضم لرابطة الفيفاوية انا معايا فيفا 2009 جيبها يوم 11/1 لو حد عايز اي استفسار انا تحت امركم وربنا يدينى من خيرها ويبعد عنى شرها ويجعلنى بيها في الخير وعلى فكرة انا مأمن في كونتكت

السلام عليكم
الف مبروك ...وربنا يباركلك فيها ان شاء الله
يا ريت حضرتك توضح هل هى فعلا اضيق من الفيرنا ؟ وكمان لو حضرتك ليك اى تعليق عليها مقارنة بالفيرنا يا ريت تقولو
وشكرا والف مبروك مرة تانيه

**yehiaramadan** · 09-03-2009 06:41 PM

الف مبروك وربنا يباركلك فيها
بعد اذن حضرتك تقول اخر سعر ليها ومنين لانى بفكر ان شاء الله اشتريها

الله يبارك فيك :)
الحقيقة جبتها من كونتاكت سعر الكاش حالياً 63000 جنية

**A_A_ELAZIZ** · 14-03-2009 05:42 PM

والله انا شايف انها مش اضيق من الفيرنا ولا حاجة وهي بصراحة عربية كويسة جدا في رايي لانى بصراحة عملت مقارنة جامده جدا وكنت محتار بينها وبين الفيرنا بس بصراحة لما لقيت المشاكل الى في الفيرنا زي الفرامل وبنط اللحام الى ظهره في البواب والفرش الي بيفك لوحده والعفشة السيئة فبصراحة قررت اشتري الفيفا
اما بالنسبة لملاحظاتى على العربية انا عربيتى Gls يعنى المفروض انها كامله اول مشكله انها بتيجى من غير جهاز انذار في المفتاح وبتالي من غير وحدة رفع ,الحاجة التانية ان الإريال مش كهرباء وديه حاجة مستفزة جدا وخصوصا لو عرفت إن الراديو مبيلقتش إلا اذا كان الإريال مرفوع على فكرة انا بتكلم على مجال اكتوبر الله اعلم في حتى تانى هيلقط من غير اريال ولا طبعا من اكتر حاجة منرفزانى ان العربية واطية يعنى لازم لو في مطب تاخدوا براحة هى مش بتحك خالص ولكن من ادام العربية في الحلقة الى بتتجر منها العربية وده غالبا هى الي بتحك لو مطب اخته بسرعة اما بالنسبة لصوت الموتور فهو في نظري هادي جدا مقارنة بالفيرنا والتكيف اكتر من رائع وبالمناسبة العربية مفهاش سماعات ورا ولكن السماعات الى في البواب اكتر من ممتازة وانا بصراحة معجب بيها جدا
اتمنى انى اكون وفقت في عرض المعلومات الى كان حضرتك نفسك تسمعها وانا تحت امرك وامر الأعضاء في أي خدمة واسف علشان طولت عليكم