رابطة ملاك الفيرنا الفيفا اهلا وسهلا

**doctor_mido237** · 21-03-2009 11:52 AM

المشاركة الأصلية كتبت بواسطة sahin_1996_133

ربنا يخليك ...
الى في الصورة ديه فعلا بنتى جنى
بص انا عربيتى كامله ومفهاش سي دي هى جيه كاسيت عادي ,وانا بصراحة جايب عندي فى العربية موديليتور والصوت فوق الممتاز نقى جدا واعتقد انه احسن واوفر من السي ديهات على المدى الطويل
اما بالنسبة لإرتفاع العربية عن الأرض فهو معقول نسبيا ولما العربية بتيقى كامله في العدد ومحمله مبتحكش معايا في المطبات
اما بالنسبة مين اعلى هي ولا الفرنا فانا بصراحة مش هكدب عليك واقولك انى عارف الله اعلم بس صدقنى ارتفاعها معقول جد .
وانا ان شاء الله هقيس لحضرتك ارتفعها من الأرض وابصلك على الموتور وابقى اقولك بكرة ان شاء الله لو ربنا احيانا وكنا من أهل الدنيا

ربنا يخليلك بنتك ويفرحك بيها
وشكرا جدا لحضرتك وربنا يباركلك فى عربيتك

**gr8gr4** · 21-03-2009 01:49 PM

أشكركم علي حالة الحوار والردود التي أراها لسيارتنا الجميلة الفيفا
أما عن سؤال الزملاء بخصوص ارتفاعها عن الارض ومقارنتها بالفيرنا المصري خاصة مع 4 ركاب من الخلف عن تجربة شخصية فهي مثل مثيلاتها اللانوس والفيرنا لابد من أخذ كيرف أو نصف قطر دوران وانت بتاخد المطب والسبب أن مطبات القاهرة الكبري عشوائية وكلها غير مطابقة للمواصفات العالمية من حيث الارتفاع والميول
ولعلمكم كانت لدي لانوس 2008 قبل الفيفا ولم تكن ناعمة بالمطبات مثلها خاصة للراكب من الخلف حيث كانت تشتكي والدتي أحيانا ولكن بعد الفيفا لا يوجد والحمد لله شكوي

**A_A_ELAZIZ** · 23-03-2009 07:12 PM

دكتور ميدو
العربية ارتفاعها عن الأرض تقريبا في حدود 22 سم
اما بالنسبة للماتور بصراحة انا ملقتش حاجة مكتوبة عليه تدل ان كوري بس انا سالت لحضرتك في التوكيل وقالولي ان الماتور كوري بس التجميع هو الى هندي

**mecho_392** · 23-03-2009 07:37 PM

المشاركة الأصلية كتبت بواسطة sahin_1996_133

دكتور ميدو
العربية ارتفاعها عن الأرض تقريبا في حدود 22 سم
اما بالنسبة للماتور بصراحة انا ملقتش حاجة مكتوبة عليه تدل ان كوري بس انا سالت لحضرتك في التوكيل وقالولي ان الماتور كوري بس التجميع هو الى هندي

22 سم مين يا باشا !!!!!!

العربيات العاليه بتكون فى حدود 15-16 سم. يعنى ال i10 حوالى 15 سم و الحمد لله عمرها ما حكت معايا فى مطبات.. 22 سم رقم غير منطقى بصراحه لانها كده دخلت فى الدفع الرباعى..
بالنسبة للموتور لو كورى يبقى الهند بتجمع العربية فقط (body و شاسيه و دواخل...) لكن الموتور بيروح الهند على هيئة Block و دى فى اغلب الصناعات حتى الاتوبيسات.

**doctor_mido237** · 26-03-2009 05:25 PM

المشاركة الأصلية كتبت بواسطة sahin_1996_133

دكتور ميدو
العربية ارتفاعها عن الأرض تقريبا في حدود 22 سم
اما بالنسبة للماتور بصراحة انا ملقتش حاجة مكتوبة عليه تدل ان كوري بس انا سالت لحضرتك في التوكيل وقالولي ان الماتور كوري بس التجميع هو الى هندي

الف شكر على اهتمام حضرتك باسئلتى
وربنا يباركلك فيها

**A_A_ELAZIZ** · 27-03-2009 10:39 AM

ياباشا العفو

**mecho_392** · 27-03-2009 11:57 AM

ممكن حضرتك تقولنا ايه مصدر المعلومة----> ارتفاعها عن الارض 22 سم ؟؟؟؟؟؟؟؟ انا كتبت قبل كده و حضرتك مردتش. شكرا

**A_A_ELAZIZ** · 27-03-2009 02:53 PM

ياباشا انا قايس العربية وانا واقف جنبها مش وانا تحتها
يعنى العربية من سطح الأرض حتى حافة السيارة من اعلى 22 سم
انا بالنسبة لعربيات الدفع الرباعي فهي بتبقى اكبر من 30 سم
وبالمناسبة في عربيات سيدان اعلى من 20سم زي الأوبترا
(مصدر المعلومة اخبار اليوم)

**mecho_392** · 27-03-2009 03:57 PM

المشاركة الأصلية كتبت بواسطة sahin_1996_133

ياباشا انا قايس العربية وانا واقف جنبها مش وانا تحتها
يعنى العربية من سطح الأرض حتى حافة السيارة من اعلى 22 سم
انا بالنسبة لعربيات الدفع الرباعي فهي بتبقى اكبر من 30 سم
وبالمناسبة في عربيات سيدان اعلى من 20سم زي الأوبترا
(مصدر المعلومة اخبار اليوم)

اه حضرتك اللى قايسها, اصل انا دايما اقرأ ال ground clearance فى مواصفات العربيات بيتكون فى حدود 145-165 مم فاستغربت من 220 مم دى كتييييير اوى خصوصا ان الفيفا مش عاليه اوى.. و الظاهر ان الشركة بتقيس من باطن العربية علشان الاشياء البارزة اللى بتتعرض للحك و الله اعلم.
شكرا لردك يا كبييييييييير
بس الاوبترا رقمها خرافى صعب تحقيقه و اخبار اليوم مش مصدر موثوق فيه اوى ممكن ناس كتيير تكتب اى كلام و ساعات كتيير بقرأ مقالات خطأ تماما هندسيا و علميا و اجمع عليها ناس كتيير جدا بما فيهم استاذى.

**A_A_ELAZIZ** · 27-03-2009 06:05 PM

ياباشا انا دايما بقول المعلومة الى شفتها بعينى
والدليل على كده اقرا ردودي مع الأعضاء فيما يخص الفيفا الي بعرفه بأوله اما الى مش عارفه بقول الله اعلم
وخصوصا ان الرد بتاعي ممكن حد على اساسه يشتري العربية ولو طلع ردي غلط ابسط حاجة هبقى كداب ادام ربنا والأعضاء وانا محبش ابقى كده .

وانا تحت امر جميع الأعضاء فيما يخص الفيفا 2009
وربنا يسلم طريقنا ويجعل جميع سياراتنا مباركة علينا .
واسف على التطويل بس انا حبيت اوضح وجه نظري