عربيتك لسه زيرو بس ممكن تلاقيها اقل من الفيرنا المقرى علشان الفيفا فيها فلتر تكيف موجود فى طريق المروحه علشان كده ممكن تلاقى التبريد فيها اقل من المصرى
و عموما قولهم عليها فى الصيانه
عرض للطباعة
عربيتك لسه زيرو بس ممكن تلاقيها اقل من الفيرنا المقرى علشان الفيفا فيها فلتر تكيف موجود فى طريق المروحه علشان كده ممكن تلاقى التبريد فيها اقل من المصرى
و عموما قولهم عليها فى الصيانه
شكرا على سرعة الرد وهى عاملة 20000 موديل 2008 من شهر 3 الى فات تعتبر زيرو بس المشكلة مش فى التبريد التبريد تمام ولاكن فى سرعة المروحة سواء كنت مشغل التكييف او المرو حه فقط ولك جزيل الشكر
يبقى الفيلتر عاوز يتفك و يتنظف مش اكتر من كده هتلاقى فيه تراب حايش الهواء
انا كنت فعلا بفكر فى الفيفا بس كنت متردد عايز اعرف تفرق اية عن الفيرنا العادية
غير التقفيل وسعة انموتور
أنا الحمد لله اشتريت الفيفا وهستلم الأسبوع الجاي
في حد ممكن يفيدني بحاجات مهمة عند الاستلام أو بعده
احب انضم لرابطة الفيفاوية انا معايا فيفا 2009 جيبها يوم 11/1 لو حد عايز اي استفسار انا تحت امركم وربنا يدينى من خيرها ويبعد عنى شرها ويجعلنى بيها في الخير وعلى فكرة انا مأمن في كونتكت
الله يبارك فيك :)اقتباس:
الف مبروك وربنا يباركلك فيها
بعد اذن حضرتك تقول اخر سعر ليها ومنين لانى بفكر ان شاء الله اشتريها
الحقيقة جبتها من كونتاكت سعر الكاش حالياً 63000 جنية
والله انا شايف انها مش اضيق من الفيرنا ولا حاجة وهي بصراحة عربية كويسة جدا في رايي لانى بصراحة عملت مقارنة جامده جدا وكنت محتار بينها وبين الفيرنا بس بصراحة لما لقيت المشاكل الى في الفيرنا زي الفرامل وبنط اللحام الى ظهره في البواب والفرش الي بيفك لوحده والعفشة السيئة فبصراحة قررت اشتري الفيفا
اما بالنسبة لملاحظاتى على العربية انا عربيتى Gls يعنى المفروض انها كامله اول مشكله انها بتيجى من غير جهاز انذار في المفتاح وبتالي من غير وحدة رفع ,الحاجة التانية ان الإريال مش كهرباء وديه حاجة مستفزة جدا وخصوصا لو عرفت إن الراديو مبيلقتش إلا اذا كان الإريال مرفوع على فكرة انا بتكلم على مجال اكتوبر الله اعلم في حتى تانى هيلقط من غير اريال ولا طبعا من اكتر حاجة منرفزانى ان العربية واطية يعنى لازم لو في مطب تاخدوا براحة هى مش بتحك خالص ولكن من ادام العربية في الحلقة الى بتتجر منها العربية وده غالبا هى الي بتحك لو مطب اخته بسرعة اما بالنسبة لصوت الموتور فهو في نظري هادي جدا مقارنة بالفيرنا والتكيف اكتر من رائع وبالمناسبة العربية مفهاش سماعات ورا ولكن السماعات الى في البواب اكتر من ممتازة وانا بصراحة معجب بيها جدا
اتمنى انى اكون وفقت في عرض المعلومات الى كان حضرتك نفسك تسمعها وانا تحت امرك وامر الأعضاء في أي خدمة واسف علشان طولت عليكم
شكرا جدا على المعلومات دى ...بس بعد اذن حضرتك هو الاريال ده مش ممكن اعملو كهربا بره يعنى ولا مينفعش ؟؟؟؟؟؟؟ ومبروك على حضرتك العربيه
الف مبروك الفيفا انا جايبها 2008 وعايز اعرف الفرق بين 2009 وشكرا وعلى فكره انا جبتها كاملة وركبت كل شى ناقص كشافات الضباب اريال كهرباء انذار وحدات رفع سماعات خلفية وضفت سرينة زيادة لان صوت الكالاكس واطى بتاعها
بص يادكتور ميدو انت ممكن تركب كل حاجة ناقصة للعربية زي العضو تامر بس مع احترامى لتامر انا مبحبش العب في العربية عارف ليه لان ببساطة الضمان هيتسحب منك على ضفيرة الكهربا وزي ماسعتك عارف العربية اهم حاجة فيها الكهربا هو صح عيب اوي ان تبقى العربية كامله ويبقى نقصها انذار في المفتاح ووحدة رفع واريال كهربا وفونيس شبورة بس اعتقد ان العربية لاقدر الله لو حصلها حاجة مش هتقدر تاخد اي حق من التوكيل
وعلى فكرة انا مشترك في خدمة الصفوة من غبور ولما قلتلهم ركبولي الحاجات الناقصة قالولي احنا اسفين مش هينفع نلعب في العربية هي نزله كده ودخلت كلمت مدير الورشة الفنية وقلتله انا شاري عربية وهي ناقصة الحاجات الى فاتت قالي يافندم انا غير مصرح ليا بالتعديل فى العربية قلتله بس انا هدفع كل تمن الحاجات الى فاتت بس انتوا تركبوهالى وتبقى من ضمن الضمان بس الراجل قالى مينفعش وعلى فكرة كان معايا مندوب من مكتب الصفوة وقالى لو عايز تركبها برة برحتك بس زي ماسعتك فاهم ضمان الكهربا على العربية هيروح منك
في مركز خدمة هيونداي في الاسماعيلية وافق المهندس علي تركيب كافة الاضافات ماعدا فوانيس الشبورة:Zb_sor1[1]: وقال انها زيادة على كهرباء السيارة لا يضمنها وغير مسموح له بذلك وقال انه اذا عملتها في الخارج بتخرج كهربة السيارة (كهربه السيارة فقط ) من الضمان , اما باقي الاضافات فوافق عليها وعرض ان اشتريها وهو يقوم بتركبها ولا تخرج السيارة من الضمان .... وللعلم الكهربائي المحترف خارج الضمان بيركب معظم الاضافات بدون العب في الضفيرة الا فوانيس الشبورة فهي تحتاج فتح الضفيرة والله اعلم .
والمهندس قال اذا الضفيرة مش مفتوحة في حالة تركيب الاضافات خارج مركز الصيانة العربية لا تخرج من الضمان ... وعلى كل حال اعتقد انه بترجع لتقدير المهندس:k52: وتختلف من مهندس ومركز لاخر حسب علمي ويمكن الرجوع للمهندس عاطف عبد السميع في مركز خدمة العملاء في هذا الامر واعتقد ان تم الاجابة على هذا الموضوع من قبل ولكن لا اذكره بالتفصيل وهذا هو الرابط لمن يريد الاطلاع او السؤالhttp://www.nilemotors.net/Nile/showthread.php?t=14777
بعد القصة دي كلها ... ركبت الاضافات برة التوكيل:B4_556: والسبب ان العربية طلعت برة الضمان بسبب ان صاحبها اللي كنت شاريها منه كان بيعمل الصيانة الدورية خصوصي بمعرفته :Copy of majd(4):والعربية كانت عدت ال20000 والمهندس رفض ان يدخل السيارة في الضمان بعد ان تأكد من ان الصيانة الدورية لم تتم في اي مركز خدمة معتمد .. واسف على الاطالة
على فكرة جهاز الإنذار علشان يتركب لازم يلعب في ضفيرة الكهربا وعلى كل حال ربنا يملهالك بركة وده من حسن حظك انك عرفت تركب الحاجات الى ناقصة منك وانا اسف ليك علشان العربية طلعت من الضمان وربنا يحرسهالك
ياباشا اسال برحتك انا كنت زيك محتار لحد مربنا هدانى واختارت الفيفا بص انا قلت لسعتك ان الفيرنا مقارنة بالفيفا فهى صوتها عالى فراملها اغلب الناس بتشتكي منها وكمان اتزنها على الطريق معظم الأعضاء لو لحظت بيسالوا على الجنوط علشان يحاولوا يخلوا العربية متزنة , انا ليا زميلى بيشى ان الكاسيت بتاعها اليوم الى استلمها فيها باز منه و كمان لون التابلوة قاتم شوية على عكس الفيفا انا مش بقلك كده علشان انا عربيتى فيفا لا والله بس زي ماقلتلك انا كنت زيك
وخليك فاكر ان التقفيل الهندي مهما كان هيبقى احسن مليون مرة من التقفيل المصري
اما عيوب الفيفا علشان اكون صريح مع حضرتك فهو ارتفاع سعر قطع الغيار مقارنة بالفيرنا المحلى
وعلى فكرة انا اليوم الى رحت امنت فيه على العربية لقيت معايا واحد مشتري فيفا برضة وقالى انه كان عنده فيرنا وبعها بعد 4 شهور وخسر فيها واشترى الفيفا علشان احسن
ولو لسه محتار بين ألإثنين اعمل صلاة استخارة وربنا يهديك للخير ان شاء الله
وياباشا انا تحت امرك وامر اي عضو بخصوص الفيفا
بصراحة انا مش عارف علشان مكدبش عليك بس انا الى اعرفه ومتاكد منه جدا جدا انها بتتقفل في الهند تحت اشراف خبراء ضبط جودة من كوريا
لو عايز تتاكد اسال حد من المبيعات غبور وهيقولك
وياباشا انا تحت امرك وربنا يهديك للصواب ان شاء الله
انا اشتريت فيفا ولكن لقيتها من غير كتالوج ولما سألت مبيعات غبور قالوا انها بتنزل من غير كتالوج فهل ده صحيح؟
ولو صحيح ياترى حد عنده الكتالوج بتاعها يقدر ينزله على الموقع؟
بخصوص موضوع مكوناتها فهى كورى مية فى المية لانها فى مصنع هيونداى الكورى الموجود فى الهند وتحت اشراف مهندسين كوريين وبعمالة هندية
اما بخصوص الكتالوج فهو بيتوزع مع العربية
الكتالوج بتاع العربية بيجى معاها ومعاه كتيب الضمان ومعاه ولاعة السجاير كله في كيس شفاف مقفول
ايه يارجاله فين نشاط الرابطة بتعتنا ؟!
كنت بفكر اننا نعمل حاجة جديدة تبقى مميزة للرابطة بتعتنا وخاصة لكل مالكى الفيفا بس ارجو لو حد عنده اقتراح يقوله
واسف علشان طولت عليكم
اعتقد مش مكتوب على الماتور بس انا ان شاء الله هبصلك عليه واقولك
اما بالنسبة للكاسيت فهو اصلي وممتاز ومكتوب عليه هيونداي مش زي الفيرنا
وبصراحة الكاسيت والسماعات فوق الممتاز
وياريت متنساش الى قلته لحضرتك ان السماعات اماميه فقط العربية بتيجى من غير سماعات خلفية بس مكانها موجود
ونظرا انى مبحبش العب في العربية فانا مش مركب سماعات خلفية وبجد بجد العربية مش محتاجة الصوت اكتر من رائع وممتاز
ولو عايز تسال اي سؤال انا تحت امرك
شكرا لحضرتك ولو الى فى الصورة دى بنت حضرتك ربنا يخليهالك
ممكن اسال بس عن ارتفاعها عن الارض والمطبات وكده وكمان وهى مليانه فى ناس راكبين ورا يعنى بتعمل ايه فى المطبات
يعنى الفيفا ولا الفيرنا اعلى فى الارتفاع عن الارض ؟؟؟؟؟
وهل موديل 2009 هاف اوبشن سى دى ولا كاست عادى
وشكرا جدا لحضرتك
ربنا يخليك ...
الى في الصورة ديه فعلا بنتى جنى
بص انا عربيتى كامله ومفهاش سي دي هى جيه كاسيت عادي ,وانا بصراحة جايب عندي فى العربية موديليتور والصوت فوق الممتاز نقى جدا واعتقد انه احسن واوفر من السي ديهات على المدى الطويل
اما بالنسبة لإرتفاع العربية عن الأرض فهو معقول نسبيا ولما العربية بتيقى كامله في العدد ومحمله مبتحكش معايا في المطبات
اما بالنسبة مين اعلى هي ولا الفرنا فانا بصراحة مش هكدب عليك واقولك انى عارف الله اعلم بس صدقنى ارتفاعها معقول جد .
وانا ان شاء الله هقيس لحضرتك ارتفعها من الأرض وابصلك على الموتور وابقى اقولك بكرة ان شاء الله لو ربنا احيانا وكنا من أهل الدنيا
أشكركم علي حالة الحوار والردود التي أراها لسيارتنا الجميلة الفيفا
أما عن سؤال الزملاء بخصوص ارتفاعها عن الارض ومقارنتها بالفيرنا المصري خاصة مع 4 ركاب من الخلف عن تجربة شخصية فهي مثل مثيلاتها اللانوس والفيرنا لابد من أخذ كيرف أو نصف قطر دوران وانت بتاخد المطب والسبب أن مطبات القاهرة الكبري عشوائية وكلها غير مطابقة للمواصفات العالمية من حيث الارتفاع والميول
ولعلمكم كانت لدي لانوس 2008 قبل الفيفا ولم تكن ناعمة بالمطبات مثلها خاصة للراكب من الخلف حيث كانت تشتكي والدتي أحيانا ولكن بعد الفيفا لا يوجد والحمد لله شكوي
دكتور ميدو
العربية ارتفاعها عن الأرض تقريبا في حدود 22 سم
اما بالنسبة للماتور بصراحة انا ملقتش حاجة مكتوبة عليه تدل ان كوري بس انا سالت لحضرتك في التوكيل وقالولي ان الماتور كوري بس التجميع هو الى هندي
22 سم مين يا باشا !!!!!! :hlopaet_prv: العربيات العاليه بتكون فى حدود 15-16 سم. يعنى ال i10 حوالى 15 سم و الحمد لله عمرها ما حكت معايا فى مطبات.. 22 سم رقم غير منطقى بصراحه لانها كده دخلت فى الدفع الرباعى..
بالنسبة للموتور لو كورى يبقى الهند بتجمع العربية فقط (body و شاسيه و دواخل...) لكن الموتور بيروح الهند على هيئة Block و دى فى اغلب الصناعات حتى الاتوبيسات.
ياباشا العفو
ممكن حضرتك تقولنا ايه مصدر المعلومة----> ارتفاعها عن الارض 22 سم ؟؟؟؟؟؟؟؟ انا كتبت قبل كده و حضرتك مردتش. شكرا
ياباشا انا قايس العربية وانا واقف جنبها مش وانا تحتها
يعنى العربية من سطح الأرض حتى حافة السيارة من اعلى 22 سم
انا بالنسبة لعربيات الدفع الرباعي فهي بتبقى اكبر من 30 سم
وبالمناسبة في عربيات سيدان اعلى من 20سم زي الأوبترا
(مصدر المعلومة اخبار اليوم)
اه حضرتك اللى قايسها, اصل انا دايما اقرأ ال ground clearance فى مواصفات العربيات بيتكون فى حدود 145-165 مم فاستغربت من 220 مم دى كتييييير اوى خصوصا ان الفيفا مش عاليه اوى.. و الظاهر ان الشركة بتقيس من باطن العربية علشان الاشياء البارزة اللى بتتعرض للحك و الله اعلم.
شكرا لردك يا كبييييييييير
بس الاوبترا رقمها خرافى صعب تحقيقه و اخبار اليوم مش مصدر موثوق فيه اوى ممكن ناس كتيير تكتب اى كلام و ساعات كتيير بقرأ مقالات خطأ تماما هندسيا و علميا و اجمع عليها ناس كتيير جدا بما فيهم استاذى.
ياباشا انا دايما بقول المعلومة الى شفتها بعينى
والدليل على كده اقرا ردودي مع الأعضاء فيما يخص الفيفا الي بعرفه بأوله اما الى مش عارفه بقول الله اعلم
وخصوصا ان الرد بتاعي ممكن حد على اساسه يشتري العربية ولو طلع ردي غلط ابسط حاجة هبقى كداب ادام ربنا والأعضاء وانا محبش ابقى كده .
وانا تحت امر جميع الأعضاء فيما يخص الفيفا 2009
وربنا يسلم طريقنا ويجعل جميع سياراتنا مباركة علينا .
واسف على التطويل بس انا حبيت اوضح وجه نظري