بسم الله الرحمن الرحيم

انا حابب اغير الاضاءة اللى ضعفت على الاخر فى جين 2 2008
عندى الاول الفوانيس الامامية اليمين الاصلى باغته مكسورة واضائته ضعفت اوى
فسألت على الفوانيس وغالبا هجيب ان شاء الله فانوس من مكة فى شارق دمشق تيوانى بيقول بـ 250 جنيه ... وعايز اشترى لومب للفانوس الجديد والقديم بشرط انها تكون قوية جدا نظرا للسفر الدائم فى الظلام الدامس ... السؤال هنا

1- الفانوس التيوانى ده كويس يعنى مش بيصفر او كده علطول ؟
2- ايه اللومب الكويسة جدا جدا المتوافرة وسعرها واللى تعيش انا يهمنى فى المقام الاول قوة الاضاءة ؟
3- الفانوس الواحد بيحتاج كام لمبة واللومب دى لو ليها وات معين او فولت محدد للجين 2 ياريت حد يقولى بالظبط الموديل بدل ماجيب اى حاجة ؟

===========================================

الجزء التانى

هركب ان شاء الله زينون فى الفوانيس الشبورة ومش مهم اوى عندى انها تبقى اصلى فيلبس او الكلام دا لانه مكلف جدا وفى الاخر مش مضمون انه اصلى فأنا هركب الصينى عادى فعايز اعرف الاتى :-

1- محتاج افضل نوع زينون متاح للشبورة للجين 2 و يكون اللون الابيض التلجى وسعره واجيبه منين ؟
2- ياريت برضو لو فى فولت او وات معين لازم التزم بيه الناس تكتب الموديل والمقاس بعد اذنكو طبعا ( حسنة قليلة تمنع بلاوى كتيرة )
3- السؤال الاهم انى برضو عندى الشبورة اليمين مكسور وهغيره ايضا بواحد تيوانى بـ 120 جنيه هل دا بقى يستحمل الزينون ولا ايه


ياريت الناس تساعدنى ولو قدر الامكان المحلات تبقى موجودة فى شارع دمشق يبقى افضل

وياريت الناس تساعدنى حتى لو فى جزء واحد مش لازم كل الاستفسارات

انا نازل بكرة ان شاء الله بالليل وطبعا رأيكو الاهم دا انا جبت العربية من كلامكوا بس عليها