الموضوع: القيادة في مصر ( فتي - زنق - اختلاف )

المشاركة الأصلية كتبت بواسطة maryano

:b4_388: موضوع هايل يا باشا يدل فعلاا انك لفيت كتير في شوارع المحروسه انا المفروض كنت باخد من بيتي للشغل تلت ساعه دة الطبيعي في يوم السبت علاشان اجازة لكن بيقت ايام الاسبوع ممكن اخود سعتين بالميت خصوصا اخر النهار اما المطبت اللي علي الكبري 6 اكتوبر فانا عربيه خبطتني من ورة علاشان مطب في نزلت العجوزة
المفروض بصرفو علاج ضغط و سكر مع تجديد رخصت العربيه

ههههههههههههههههههههههههه ههههههههههههههههههههه
شكرا على المشاركة

المشاركة الأصلية كتبت بواسطة elbeheri

موضوع مهم واضيف عليه البلوة السودة اللى اسمها توكتوك الله لا يسامح اللى دخله البلد دى !

التوكتوك دا فعلا موضوع لوحده

المشاركة الأصلية كتبت بواسطة xmanx51

موضوع جامد جدي بجد طريقك في الكلام مضحكه جدا بس حضرتك نسيت كائن غريب التوكتوك
انا واكل مطب خبطلي الفتيس والفتيس اتشرخ وبدا ينقط زيت ومن بعدها مفيش مشي بسرعه في طريق معرفوش
انا شوفت عربيه اتقلب عشان اكتلت مطب شبه الكوبري المطب وقفت قولت اعديك منين!!!!

الف شكر على المشاركة وربنا يحفظك من المطبات

المشاركة الأصلية كتبت بواسطة ashraf_ashraf

ياعم ده في ناس راكب عربيات تبص فى وشها تشوف رامبو وهو قرفان و نازل يتخانق مع اى حد
وناس تحس انها قاعد فى طاره الدريكسيون ولا فان دام فى زمانه ونفسها تقوم تقعد وتسوق من على الكبوت
وناس تحس انها اتظلمت واتولدت وعاشت فى البلد دى وانها اعلى واحسن من الكل وهات ياعنتظه
وناس تحس انها خايفه من كل حاجه وهتعيط وهى سايقه وتحس انها لا ليها حول ولا قوه
وناس تبقى راكب عربيات حديثه ومستخسره علبه مناديل وهات تف فى الشارع ومش مهم تيجى على وشك على العربيه المهم انه بيتف ويتفق معاه طبعا المدخن اللى مستخسر يستخدم الطفايه اللى جوه العربيه
وناس بقى ماشيه على رجليها وانت لازم تقف عشانها مش مهم انت جاى بسرعه ولو وقفت الشارع كله هيدخل فى شنطه عربيتك
حقيقى امتع لحظه انك تركب وماتسوقش وتبص على الناس والعربيات وعلى البنى ادمين وتصرفاتهم
وربنا يحفظنا ويرحمنا ونبقى بنى ادمين ومنظمين كده زى الافلام اللى بنشوفها

قريب ان شاء الله

المشاركة الأصلية كتبت بواسطة city_ct

صدقت، أصلاً نحن قى مصر لا نعرف القيادة، و لكننا فقط ماهرون فى تحريك سياراتنا فى الطرق كما يحلو لنا دونما اعتبار لما يسمى بقواعد القيادة ، هذا إذا كان سمع عنها أحد من قبل.

بالطبع، يرجع هذا التأخر إلى جهل الدولة (شاملة المسئولين عن تنظيم قواعد المرور و استصدار رخص القيادة بأنواعها المختلفة) و عدم إدراكهم إلى لب المشكلة. فالمشكلة تبدأ من اختبار استخراج رخصة القيادة الذى يختبر بشكل ساذج و ضعيف قدرة المتقدم للاختبار على تحريك سيارته فقط، و لا يختبر عمليا معرفة الشخص بقواعد القيادة و قوانين المرور. و يعتبر اختبار القيادة النظرى امتداد للوهن التعليمى الذى تعانى منه مصر لانه يعتمد على حفظ مجموعة الاشارات و الخطوط الموجودة فى ملف التقدم للاختبار، وبعد ذلك كأن شيئا لم يكن.

و يجدر الإشارة إلى أن معظم الشوترع الرئيسية و تقريبا كل الشوارع الثانوية أو الفرعية هى عبارة عن مسطحات مرصوفة بطبقة أسفلت فى الغالب تحت مستوى الجودة المفروضة و تخلو تماما من أى تخطيط أو علامات و تعانى من اعتداء جموع الشعب بجميع ثقافاته و أخلاقه سواء بالاهمال أو القذارو أو شلالات المياه المنسابة من خراطيم العمارات أو إضافة مطبات صناعية عشوائية.

إجمالا، الجهل سيد الموقف و هو المسيطر على الحكومة و الشعب على حد سواء.

مصر غاب عن شعبها الذوق، و الأخلاق، و الأدب، والعلم و لا يصح لنا أن نتفاخر بأننا أبناء حضارة قوية و أصيلة أنارت للدنيا مستقبلها فى وقت ما، فمن صنع هذه الحضارة ماتوا منذ أمد بعيد، أما نحن فماذا نقدم، تغييرت الدنيا حولنا و نحن كما نحن و سوف نظل طالما ظللنا بنفس طريقة التفكير و المنهج.

موافق رأيك جملة وتفصيل

المشاركة الأصلية كتبت بواسطة sonasteel

ههههههههههههههههههههه
والله موضوع عسل ..... جميل اوووي جزئية الميكروباص العشة :)))
انا بقيت بلطجي
يا ام نياظي صحي نياظي وقوليله اني بقيت بلطجي
انا كنت محترم والله ويخبطوني واكمل عااااااااادي
بس جيت في يوم شربت بيريل .... وهبببببببببببببب
بقيت ازنق و اشتم بس لسه موصلتش لمرحلة الضرب ... يااامسهل
العربية المفروض انها موديل 2011 ... لو شفتها هاتقول موديل 2004
والمطبات .... انا رجلي نحست من كتر ما بضرب عليها بايدي .... واليوم اكون رايح في العبور ... بحط مخدة علي رجلي اليمين علشان المخدة تفادي الضربة
ونفسي اروح اعمل صيانة ال10000 علشان اشوف في حاجة لسه راكبه مكانها ولا قربت تتفكك
ده غير نصاحة الستات ..... الاقي مرة واحده باسات بتلعب كده قدامي .... انا قلت يمكن الراجل لسه مفاقش
اتاريها ست شغالة يمين وشمال .... تقريبا بتفادي العفاريت اللي بتتنطط قدامها
واخيرا النهارده الصبح ... واحد طالع من تقاطع معاه 127 .... طلع من الملف وخد العمومي بالعرض
طبعا انا اول واحد عدي عليا.... قلتله يابن الـ ........... راكب اوتوبيس بتاخد الملف علي واسع هههههههههههههه
بس الحمد لله اتعودت بس لسه في بواقي احترام .... ان شاء الله اخلص منهم قريب
انا شاري شومه وحاططها في الشنطة و معايا عكز حديد ... عامل حسابي متقلقوش :)))

ههههههههههههههههههههههههه هههههههههههههههههههههههه
اثبت ومتخليش الوحش الشرير جواك يغلب الطيب ههههههههههههههههههههههه

المشاركة الأصلية كتبت بواسطة zidaneelwaly

و الله بجد الواحد كل يوم ينزل يسوق يرجع متنرفز بس خلاص اتعودنا علي كده ايه يعني واحد زنق عليك و لا الدنيا زحمه ماهو كده بقا العادي

ههههههههههههههههههههههههه هههههههههههههه
علشان نتمنى الجنة اكتر ;)