الموضوع: صيانة ال 5000 كم

ذهبت امس لتوكيل عز العرب -اسكندرية لصيانة ال 5000 كم
روحت الساعة 8:30 ص و كنت اول واحد ب Gen 2 انا عامل 6000 كم و شوية
المهندس استلم مني العربية الساعة 9:00 بالضبط
انا رايح اصلا عشان كان في حدفة يمين و ما كنتش عاوز اعمل ضبط زوايا من دماغي لأني الصراحة خبط في رصيف عالي و كنت خايف يكون حصل حاجة في العربية بسبب الخبطة
المهم قلت للمهندس علي الحدفة دي و قلت له عاوز اغسل الموتور ، وقولت علي خبطة بتحصل لما تلف الدريكسيون علي الاخر بتبان في الركن بالذات

ملحوظة انا رايح وانا عارف اني بالكتير مش هدفع اكتر من 100 او 150 جنية

كان رده كالأتي: قالي هاكشفلك علي العفشة و اربطها و لو في حاجة هتبان بس ماعندهمش ضبط زوايا
بالنسبة للخبطة قالي مالهاش حل عنده

النتيجة :استلمت العربية الساعة 10:00 بالضبط ( مكنتش مصدق نفس)
قال لي اتفضل علي الحسابات
المفاجئة لقيت الراجل المحاسب مطلع الالة الحاسبة و عمال يجمع لغاية ما وصل 264.75 جنيها
طبعا و شي جاب اللوان و قولتله ايه ليه يعني رد بالتالي
1-90 جنية تغيير زيت 4 لتر 4000 كم معرفش نوعة ايه قولتلو مين قال تغيروا الزيت قالي هي صيانة ال 5000 كده مع العلم اني كنت حاطيط موبيل 1 ال 10000 في صيانة ال 1000 طبعا اتنرفزت عليهم شوية بس بعد ايه
2- 55 جنية تغيير فلتر طبعا عشان غير الزيت
3- 85.75 جنية مصنعيات و دي اللي غاظتني اوي اوي عشان في اقل من ساعة يهبد المبلغ ده
4- 10 جنية فوم بتاع غسيل الموتور وطلعا اوسخ ما دخل
5- ضريبة المبيعات طبعا
طبعا المبلغ كبير علي اللي اتعمل في العربية و الوقت اللي اتعمل فيه دا رأيي

انا طبعا مش هغير رأيي في العربية لانها فعلا حمالة اسية بعمل بيها عمايل جري و مطبات و طبعا كلكم عارفين شوارع اسكندرية شكلها ايه

ايوه فعلا انا حطيت موبيل 1 ال 10000 عشان عرفت انهم بيحطوا توتال 10000 انت كلامك صح وانا فضلت اني اشتريه بنفسي عشان انا مش متأكيد هما بيحطوا ايه بالضبط