تجربة تغيير المساعدين

**أبو_حمزة** · 19-10-2011 02:27 PM

اخوكم تعب من كتر القرايه و الكتابه في السياسه فقلت اخد معاكم فسحه وأتكلم في العربيات
كنت من فتره فتحت موضوع اختار أنهي مساعدين وبكم ومنين
و كان نفسي أعرف ألاقي في مس بلشتين لكن للاسف مالقيتش
الاختيار انحصر في الموجود في السوق و هم كالتالي بالاسعار
مونرو 800 جنيه
كي واي بي 670 - 780 حسب المحل
توكيكو 650 - 750 حسب المحل

وكنت استقريت على مونرو لكن ما كانش متوفر في الفرع اللي رحت له و قال لي انه هـيبعت يجيبه من فرع اسكندريه
المهم كنت ماصدقت لقيت وقت وما ينفعش أستنى
و بعد جوله على الإنترنت وبحث روح التجربه ودتني على توكيكو
جبته بـ 650 مع بطاحات تايلاندي (العفشجي قال البطاحات القديمه حلوه بس قررت اغيرهم)

تجربتي لأداءهم كالتالي
بالنسبه للنعومه و الراحه على السرعة البطيئه (الشوارع المكسره) أحسن من القديم و لكن مش ماشي على حرير واعتقد ممكن يكون في أحسن منهم في الحته دي
امتصاص الصدمات علي سرعات عاليه برضه كويس جدا (زي ما كان و العربيه زيرو)
الثبات على السرعات العاليه كان أصلا مميز فا محستش فيه بتغير
اللي فاجأني هو المنحنيات
عند أول منحني وب اخده بالسرعه اللي متعود عليها لقيت العربيه متزنه بصوره افضل كتيييير عن الاول
ده اغراني اجرب منحنيات على سرعات أعلى من مااتعودت (بس مش لدرجة الإستهبال في السواقه عشان ماليش في قلة العقل دي)
و الحمد لله كانت عند حسن الظن

الخلاصة بعد التجربه انهم مساعدين بيدو أداء قريب من الأصلي من حيث الراحه وافضل من حيث الأداء
الوقت هو اللي بأمر الله يبين إن كانو بيعيشوا

**SASA3** · 20-10-2011 02:48 AM

الف مبرووك المساعدين الجداد بس مقولتش بتوع لانسر موديل ايه؟؟

**أبو_حمزة** · 20-10-2011 10:12 AM

الأصلي kyb (اللي جايين من المصنع)

**M.Elgergawy** · 20-10-2011 11:21 AM

الف مبروك وشكرا على نقل التجربة

**bassem_sams** · 20-10-2011 12:36 PM

بصراحه يا ابو حمزة اسلوبك فى كلام ممتع لدرجه انى قرات موضوع كذا مرة
عايزين بردوا نعمل موضوع متخخص عن مساعدين زى موضوع حضرتك انك مساعدين اداؤهم حلو زى اصلى و يزيد عليه ثبات فى ملفات

**FunnyMickey** · 20-10-2011 01:03 PM

فعلا هيا دي الانواع المتوفره في السوق
بس كويس انك لقيت التاكيكو
لاني ساعه ما كنت بشتري ملقيتوش خالص
واضطريت الجأ لكي واي بي
ياريت ياباشا تقولنا جبتهم منين

**FunnyMickey** · 20-10-2011 02:23 PM

وما زال علي فكره
يعني هما 3 انواع

kyb مش اصلي بيضرب بسرعه
مونرو الناس كلها بتقول انه ناشف مع اني اعتقد ان من كتر ما الناس بتقول عليه ناشف محدش اصلا جربه علي كريستاله :)
والتاكيكو هيما لانسر كان بيقول عليه تحفه ولما نزلت سالت عليه عشان اجيبه ملقيتوش خالص

انا ناوي ان شاء الله اجرب الكوني الاصفر اللي بيتقل وبيخف ده
:)
اصل ناوي في الخطه الخمسيه اعدل العفشه واجنط 16
وزهقت من موضوع المساعدين ده

**M.Elgergawy** · 20-10-2011 02:56 PM

على فكرة قابلت مرة واحد راكب ليونسيل وماشاء الله عربيتوا كانت جامدة جدا وخصوصا في الملفات كان بياخد ملفات على سرعات عالية ولما سألتوا والمفاجأة مركب 4 مساعدين مونرو وقاللي تمنهم 3000 ج ال 4 مساعدين

-

-

الموضوع: تجربة تغيير المساعدين

LinkBack

أدوات الموضوع

عرض

تجربة تغيير المساعدين - انشر الموضوع فى :

-

-

المواضيع المتشابهه

تغيير المساعدين في قليوب

تغيير المساعدين

تغيير المساعدين

تجربتى مع تغيير المساعدين

صوت حكة بعد تغيير المساعدين

الكلمات الدلالية لهذا الموضوع

المفضلات

المفضلات

ضوابط المشاركة